දවල් පෙරහර වීදී සංචාරය කිරීමෙන් පසු දියවඩන නිලමේවරයා සිව් මහා දේවාලවල බස්නායක නිලමේවරු සමඟ පෙරහරින් ජනපති මැඳුර වෙත ගොස් පෙරහර සංදේශය ජනපති වෙත බාර දෙනු ඇත. 

දහවල් පෙරහර අද (11) දහවල් 12.54ට උතුරු දිශාභිමුඛව ගණදෙවි කෝවිල අභියසින් පිටත්ව කටුකැලේ වීදිය, දළදා වීදිය, ඊ.එල්. සේනානායක වීදිය, කන්දේ වීදිය ඔස්සේ ඩී.එස්. සේනානායක වීදියේ මංසන්ධියට පැමිණ සවස 3.15ට උතුරු දිශාභිමුඛව ගෙඩිගේ විහාරයෙන් පිටත්වන ශ්‍රී දළදා මාලිගාවේ පෙරහර හා එක්ව ඩී.එස්. සේනානායක වීදිය, පන්සල පාර ඔස්සේ දේව වීදියෙන් රජ වීදියට හැරී මාලිගා චතුරස්‍රයේ තෙවරක් ප්‍රදක්ෂිණා කොට සවස 5.12ට ගෙවදීමට නියමිතය.