මව්බිම රැක ගැනීමේ මෙහෙවර සදහා යෙදී මියගිය රණවිරුවන් සිහි කිරීමේ අරමුණින් සංවිධානය කරන මෙම උත්සවය මධ්‍යම පළාත් ආණ්ඩුකාර නිලූකා ඒකනායක මහත්මියගේ ප්‍රධානත්වයෙන් පැවැත්වීමට නියමිතය.
මියගිය රණවිරුවන් වෙනුවෙන් ගෞරව පුද කිරීම සහ ඔවුන් අනුස්මරණය කරමින් පුෂ්පෝපහාර දැක්වීම ඇතුළු වැඩසටහන් රැසකින් සමන්විත මෙම උත්සවයේදී රණවිරුවන් අගයමින් විශේෂ දේශන කිහිපයක් පැවැත්වීමටද කටයුතු සංවිධානය කොට තිබේ.
මධ්‍යම පළාත් ප්‍රධාන අමාත්‍ය සරත් ඒකනායක, මහනුවර දිසාපති එච්.එම්.පී හිටිසේකර යන මහත්වරු ඇතුළු මහජන නියෝජිතයන් රැසක් සහ රජයේ නිලධාරීන් රැසක්ද මෙම අවස්ථාව සදහා සහභාගී වීමට නියමිතය.
AP/DMU-Kandy
