අයවැය කතාව - 2016

හැඳින්වීම

1.    ගරු කථානායකතුමනි, ශ‍්‍රී ලංකා ප‍්‍රජාතාන්ත‍්‍රික සමාජවාදී ජනරජයේ විසිවෙනි මුදල් අමාත්‍යවරයා ලෙස ශ‍්‍රී ලංකාවේ 69 වැනි අයවැය 2016 වසර සඳහා ඉදිරිපත් කිරීමට ලැබීම මගේ භාග්‍යයක් මෙන්ම මට ලැබුණු වරප‍්‍රසාදයක් ලෙසත් සලකනවා. අතිගරු ජනාධිපති මෛත‍්‍රීපාල සිරිසේන මැතිතුමාගේ සහ ගරු අග‍්‍රාමාත්‍ය රනිල් වික‍්‍රමසිංහ මැතිතුමාගේ පරිනත නායකත්වය සහ මඟ පෙන්වීම යටතේ සියලුම ක්ෂේත‍්‍රවල සාර්ථකත්වය අරමුණු කරගත් අයවැයක් ඉදිරිපත් කිරීමේ අවකාශය සැලසී තිබෙනවා. 2016 වසර සඳහා වන අයවැය ප‍්‍රකාශය ශ‍්‍රී ලංකා ඉතිහාසයේ මෙතෙක් ඉදිරිපත් නොවූ ආකාරයේ සුවිශේෂී අයවැයක් ලෙස ඉතිහාසගත වන්නේ එය නිදහස ලැබීමෙන් පසු පැවති පළමු ජාතික රජයට නෑකම් කියන මා නියෝජනය කරන ජාතික සහයෝගීතා රජය ශ‍්‍රී ලාංකික ජනතාවට නව ආර්ථික හා සමාජීය මංපෙත් විවර කරන අයවැයක් වන බැවිනි.
 
2.    ‘දින සියයේ විප්ලවය’ ලෙස හඳුන්වනු ලැබූ 2015 ජනවාරි මස 29 වැනි දින ඉදිරිපත් කරන ලද අතුරු අයවැය යෝජනා බොහෝ දුෂ්කරතාවයන්ට හා අපහසුතාවයන්ට මුහුණ දුන් බහුතර ශ‍්‍රී ලාංකික ජනතාවගේ ආර්ථික නිදහස තහවුරු කිරීමට ඉවහල් වුනා. එම අතුරු අයවැයෙන් ලබාදුන් සහන පිළබඳ විග‍්‍රහ කිරීමට මා උත්සාහ නොකරන අතර ඉදිරි කාලය තුළදී ශ‍්‍රී ලාංකීය ජාතියේ උන්නතිය උදෙසා දූරදර්ශී ආර්ථික ප‍්‍රතිපත්ති අනුගමනය කරමින්තව දුරටත් සහන සැලසීමට බලාපොරොත්තු වෙනවා.

3.      ගරු කථානායකතුමනි, ගරු මෛත‍්‍රීපාල සිරිසේන මැතිතුමා ශ‍්‍රී ලංකාවේ ජනාධිපතිවරයා ලෙස පත් කිරීමට ඒකරාශී වෙමින් ඔවුන්ගේ ප‍්‍රජාතාන්ත‍්‍රවාදී අයිතිය සහතික කරමින් පැහැදිළි තීන්දුවක්  ලබා දුන් ශ‍්‍රී ලාංකික ජනතාවට මගේ ප‍්‍රණාමය පුද කිරීමට මේ අවස්ථාවේ කැමතියි. ඔවුන් මෙම තීන්දුව ලබා දුන්නේ අප මෙතෙක් නොදුටු ප‍්‍රජාතන්ත‍්‍රවාදයේ ප‍්‍රතිමූර්තියක් බඳු නිදහස් හා සාමකාමී මැතිවරණයක් තුළිනි. පසුගිය පාලන සමයේ, දුක් විඳින ජනතාවට ප‍්‍රතිලාභ ලබාදීම වෙනුවට අයවැය ඉදිරිපත් කරන විට අප දෙසවන් පිරුණේ නොනවතින රැල්ලක් බඳු වූ ආර්ථික කටයුතු පිළිබඳු පුරසාරම්වලිනි. ගරු කථානයකතුමනි, ගරු අග‍්‍රාමාත්‍යතුමනි, වසර 2500 කට වඩා  වැඩි සංස්කෘතික හා ජාතික උරුමයක් සහිත ශ‍්‍රී ලාංකීය ජාතියේ හැරවුම් ලක්ෂ්‍යයක් ලෙස 2015 ජනවාරි මස 8 වැනි දින පැවති ජනාධිපතිවරණය නම් කරන්නට පුළුවන්. 2015 අගෝස්තු මස පැවැත්වූ තවත් එවැනිම ප‍්‍රජාතන්ත‍්‍රවාදී මහ මැතිවරණයක් තුළින් නැවතත් එම වරම සහතික කළ ජනතාව ජාතික සහයෝගීතා රජයක් පත් කිරීමට අවස්ථාව ලබා දුන්නා. සම්මුතිවාදී දේශපාලන දැක්මක්  හා නොවෙනස්වන සුළු ප‍්‍රතිපත්තිවලින් යුත් ගරු රනිල් වික‍්‍රමසිංහ මැතිතුමාගේ කෘතහස්ත හා කැපවූ නායකත්වය මෙම ජයග‍්‍රහණ දෙකටම අතිශයින් හේතු වුණා.   

4. පසුගිය මාස 10 ක කෙටි කාලය තුළ ශ‍්‍රී ලංකාවේ සමාජ ආර්ථික හා දේශපාලන ක්ෂේත‍්‍රයන්හි ඇති වූ පරිවර්තනය ආශ්චර්යවත් එකකැයි සනිටුහන් කරන්නට පුළුවන්.  ඉතාමත් විනාශකාරී ගජමිතුරු ධනේෂ්වර ‘ජාලය’ නැවත ස්ථාපනය වීමට නොහැකි ලෙස සදහටම පරාජය කර ඇති අතර, ජනතාවට බියජනක වූ සුදු වෑන් සංස්කෘතිය සහමුලින්ම තුරන් කර, ජුගුප්සා ජනක පවුල්වාදය මුලිනුපුටා දමා ඇත. අද ශ‍්‍රී ලංකාවේ සාමාන්‍ය ජනතාවට ආර්ථික ප‍්‍රතිලාභ භුක්ති විඳින්නට අවස්ථාව ලැබී තිබෙනවා පමණක් නොව පසුගිය පාලන සමයේ සිහිනයක්ව පැවති ප‍්‍රජාතන්ත‍්‍රවාදී නිදහස ද භුක්ති විඳින බව මේ ගෞරවනීය පාර්ලිමේන්තු ගර්භයේ අසුන් ගත් සියලුම දෙනාම දන්නා සත්‍යයක්. රාජ්‍ය පාලනය ගත්කල පසුගිය මාස දහයක කාල පරාසය ඉතා දුෂ්කර වකවානුවක් වුනා.  අර්බුදකාරී ආර්ථිකයක් හා ඉතා දැඩි ලෙස භේද භින්නවූ තත්ත්වයක් තුළ සුළුතර  බලයක් හිමි රජයක් ලෙස රට පාලනය කර අප ලබාගත් වැදගත් ජයග‍්‍රහණ හා පසු කළ සුවිශේෂී කඩඉම්, නව ශ‍්‍රී ලංකාවක් බිහි කරන්නට අඩිතාලම දමා ඇත.  
 
5. ඇක්ටන් සාමිවරයාගේ සුවිශේෂී වදන් පෙළක් වූ ‘බලය දූෂිතය, අත්තනෝමතික බලය අතිශයින්ම දූෂිතය’ යන්න දෝංකාර දෙන සමයක් තවමත් අප මතකයෙහි ඉතිරිව තිබෙනවා. එම පාලන සමයේ අවසන් අදියර තුළ ශ‍්‍රී ලංකාව ‘පරිහානියට ලක් වූ ජනරජයකට’ ළංවෙමින් පැවති අතර මිත‍්‍ර රටවල් ද අප වෙත දැක්වූයේ සෘණාත්මක පිළිගැනීමකි. මෙම කාලය තුළ දී අප ජාතියක් ලෙස අපගේ ආත්ම ගරුත්වය කෙළෙසා ගත්තා පමණක් නොව ජී.එස්.පී ප්ලස් සහනය නවතා දැමීම සහ යුරෝපා සංගමයට මත්ස්‍ය අපනයන තහනමකටද බඳුන් වීමට ද සිදු වුනා.  එහෙත් පසුගිය මාස කිහිපය තුළ අප සංචාරය කළ රටවලදී අපට ලැබුණු ප‍්‍රතිචාර ඉතාමත් ධනාත්මක වූයේ අප විසින් නැවත ස්ථාපනය කරන ලද යහපත් ප‍්‍රජාතාන්ත‍්‍රවාදී පසුබිම නිසාවෙනි.

6. 2015 ජනවාරි මාසයේ  දී අප භාර ගත්තේ අමිහිරි අර්බුදකාරී තත්ත්වයක පැවති රටක්. එම අර්බුදය ආර්ථිකයට පමණක් නොව විදේශ කටයුතු, සුබසාධන, යහපාලනය, නීතිය හා සාමය හා ප‍්‍රතිපත්ති ගැටලූ කරා ද විහිදී තිබුනා. තව දුරටත් එම තත්ත්වය පැවතුනේ නම් එය සමස්ත ජාතියටම හා අනාගත පරම්පරාවට ද අනර්ථකාරී බලපෑමක් ඇති කළ හැකිව තිබුණා. අප කෘතහස්ත ලෙස මෙම අභියෝගයට මුහුණ දුන් අතර ඉදිරියටත් මෙම දැවන්ත අභියෝගයට විශ්වාසයෙන් හා ධෛර්යයෙන් යුතුව මුහුණ දිය හැකි බව මාගේ විශ්වාසයයි. ගරු කථානායකතුමනි, දින සියයේ විප්ලවය සම්බන්ධ අපගේ ගමන් මග තුළ එතෙක් පැවති සෘණාත්මක වාතාවරණය ධනාත්මක ප‍්‍රවණතාවයකට පත්කර ගතහැකි ආකාරයත් පවතින අර්බුද නිරාකරණය කළ හැකි ආකාරයත් සනිටුහන් කර තිබෙනවා.

7. පසුගිය රජයේ ආර්ථික ප‍්‍රතිපත්ති මූලිකවම දෝෂසහගතය. දැරිය නොහැකි ණය බරක් ආර්ථිකය වෙලා ගනිමින් පැවතුණා. රජයේ ආදායම දළ දේශීය නිෂ්පාදිතයේ ප‍්‍රතිශතයක් ලෙස 1990 වසර හා සසඳන විට අඩකින් පමණ අඩු වූ අතර ඵලදායී නොවන ආයෝජන රාජ්‍ය මූල්‍ය ව්‍යුහය අකර්මන්‍ය කළ අතර, අකාර්යක්ෂම රාජ්‍ය ව්‍යාපාර, දූෂිත ප‍්‍රසම්පාදන ක‍්‍රියාවලීන්, අවිධිමත් විදේශ ණය ගැනීම් හා කොන්ත‍්‍රාත් ප‍්‍රදානයන්, යහපාලනය හා විනිවිද භාවය හාස්‍යයට ලක් කළා. රටක ආර්ථිකය නොමග ගිය විට අවිධිමත් හා අවභාවිතයට ලක් වූ විට එහි අනාගතය අන්තරායකාරී තත්ත්වයක පත් වෙනවා. ශ‍්‍රී ලංකාව මෙම අන්තරායකාරී කලාපයට ඇතුලූ වූයේ පසුගිය රජයේ එම අවිධිමත් ආර්ථික ප‍්‍රතිපත්ති හේතුවෙනුයි.

8. ශ‍්‍රී ලංකාවේ විදේශ ප‍්‍රතිපත්ති අවුල්සහගත තත්ත්වයකට පත් වී තිබූ අතර රට දැඩි  ආර්ථික සම්බාධකවලට බඳුන් වීමේ අවදානමකට ද ලක් වී තිබුණා.  එමෙන්ම පෙර අපගේ මිත‍්‍රශීලී රටවල් වලින් ලද සීමිත ආධාරවලින් පමණක් සෑහීමට  පත්වෙමින්  අපට  තනිවම අපගේ ආර්ථිකය මෙහෙයවීමට සිදුවුනා. නාස්තිය හා දූෂණය ඇදහිය නොහැකි මට්ටමකට ලඟාවීමට විනාශකාරී රාජ්‍ය ප‍්‍රතිපත්ති හේතු වූ අතර සෘණාත්මක ක‍්‍රමවේද ක‍්‍රියාවට නැංවීම තුළ ඒවායෙහි දුර්විපාක විඳීමට සිදුවුනා. සෘණාත්මක ක‍්‍රමවේදයන් අතිශය නීත්‍යානුකූල නොවන පසුතලයක් තුළ ක‍්‍රියාත්මක වුනා. දරිද්‍රතාවය පිටු දැකීමේ වැඩසටහන දේශපාලනයට නතු වූ අතර එම ප‍්‍රතිලාභ අවශ්‍ය සහ දුක් විඳින ජනතාවට කේන්ද්‍රගත වූයේ නැහැ. රටේ නීතිය හා සාමය ගෝත‍්‍රික යුගයකට යොමු වෙමින් පැවති අතර ශ‍්‍රී ලංකාව වැඩවසම් යුගයකට අවතීර්ණ වෙමින් පැවතුණා.
    ‘රාජපක්ෂ පාලනය’ ශ‍්‍රී ලංකාවේ පැවති අභ්‍යන්තර අර්බුදය හා ත‍්‍රස්තවාදය තුරන් කිරීම සඳහා කටයුතු කළ බව සත්‍යයකි. එම කාලය තුළ ඔවුනට ත‍්‍රස්තවාදය තුරන් කළ හැකි වූයේ අපගේ අනභිභවනීය ත‍්‍රිවිධ හමුදාව හා පොලිසිය ලබා දුන් ශක්තිය නිසයි. එම පාලන කාලයේ දී ත‍්‍රස්තවාදය තුරන් කිරීමට ඔවුන් දියත්කළ ක‍්‍රියාදාමයට අපගේ ප‍්‍රසාදය හිමිවිය  යුතුයි. එනමුත් අප අමතක නොකළ යුතු තවත් කරුණු කිහිපයක්  සහ ත‍්‍රස්තවාදී ගමන් මෙ`ගහි හැරවුම් ලක්ෂ්‍යය ද මතකයට නඟා ගත යුතු වෙනවා. වර්ෂ 2001 අවසන් භාගය දිස්වූයේ ශ‍්‍රී ලංකාවේ ඉතා අර්බුදකාරී කාල සමයක් ලෙසයි. සෘණාත්මක ආර්ථික වර්ධනයක්, සැහැසිකමින් පිරුණු යුධමය පරිසරයක් හා ආර්ථික මර්මස්ථානවලට එල්ල වූ ප‍්‍රහාර ශ‍්‍රී ලංකාව අරාජික කිරීමට සමත් වුනා.

    මේ කාලයේදී බලයට පැමිණි ගරු රනිල් වික‍්‍රමසිංහ අගමැතිතුමා ඇතුළු රජයේ සම්මුතිවාදී සංකල්ප තුළින් ආර්ථිකය විධිමත් කළා පමණක් නොව ශ‍්‍රී ලංකාවේ පසුගාමීත්වයට ද පිළියම් යොදනු ලැබුවා. එම පාලන කාලය තුළ ආර්ථිකය වර්ධන මාවතට යොමු වුණා. ත‍්‍රිවිධ හමුදාවේ හා පොලිසියේ යුධමය කටයුතු සඳහා අවශ්‍ය වූ යුධ උපකරණ, අවි ආයුධ සහ උණ්ඩවල අවශ්‍යතාවයන් සපුරා ගැනීමට හැකි වූයේ ඔවුන්ගේ චිත්ත ධෛර්යයද යළි ප‍්‍රතිෂ්ඨාපනය කරමිනි. කෙසේ වුවද අතිගරු ජේ.ආර්. ජයවර්ධන ජනාධිපතිතුමාගේ සැන් ෆ්රැන්සිස්කෝ නුවර ප‍්‍රකාශයේ වදන් මෙහිදී යළිත් සිහියට නංවාගත යුතු බව මා සිතනවා. ධම්මපදයේ සඳහන් පරිදි ‘‘වෛරයෙන් වෛරය නොසංසිදේ, අවෛරයෙන් වෛරය සංසිදේ’’ යන බුදු වදන අපට සැමදා අදාළ වෙනවා. ත‍්‍රස්තවාදය තුරන් කළ ද  ශ‍්‍රී ලංකාවේ සියලුම ජන කොටස්වල ප‍්‍රසාදය ජය ගැනීමට ඔවුනට නොහැකි වුනා. අපගේ පරමාර්ථය වන්නේ අපගේ දිවංගත නායකතුමා ප‍්‍රකාශ කළ පරිදි කරුණාව මුල්කොටගෙන සියළු ජන කොටස්හි ජනප‍්‍රසාදය ලබා ගැනීමයි.

9.    අප ප‍්‍රජාතන්ත‍්‍රවාදය යළි ප‍්‍රතිෂ්ඨාපනය කළා පමණක් නොව භීතිය සහ අවනීතිය පිටු දැක නිදහස් නව පැතිකඩක් විවර කළා. ජාතික ප‍්‍රතිපත්ති ද ප‍්‍රතිස්ථාපනය කරන්නට හැකි වුනා. 19. වන ආණ්ඩුක‍්‍රම ව්‍යවස්ථාව සංශෝධනය කිරීම මගින් 17 වැනි සංශෝධනයේ වූ ප‍්‍රධාන ප‍්‍රතිපාදනයන් ප‍්‍රතිෂ්ඨාපනය කොට බලාත්මක කරනු ලැබුවා. ඒ අනුව ව්‍යවස්ථාදායක සභාව ස්ථාපිත කර ඇති අතර ස්වාධීන කොමිෂන් සභා ද පත් කොට තිබෙනවා. අපගේ අරමුණ සහ බලාපොරොත්තුව වන්නේ ශ‍්‍රී ලංකාවේ සියලුම සමාජ තලයන්ට දැනෙන පරිදි යහපාලනයේ ප‍්‍රතිලාභ ළඟා කරදීම වන අතර එසේ කිරීමට අප අධිෂ්ඨාන කරගෙන සිටිනවා.

10.    අපගේ සිහිනය වන්නේ තවත් දිදුලන ආර්ථිකයකින් සපිරි සමෘද්ධිමත් රටක් බිහි කිරීමයි. අපගේ සංතෘෂ්ටික දර්ශකය (Happiness Index) ඉහළ මට්ටමක පැවතිය යුතුයි. අපගේ ජාතිය යහ ගුණයෙන් හා යහපැවැත්මෙන් හෙබි සමෘද්ධිමත් ජාතියක් විය යුතුයි. අපගේ උත්සාහය වන්නේ අනාගත පරපුරට ප‍්‍රතිලාභ භුක්ති විඳීමට හැකි ආර්ථික නිදහසක් ලබා දීමයි. ඉහළ මැදි ආදායම් ලබන ආර්ථිකයකට පරිවර්තනය වීමේ අරමුණින්, කෙටි, මධ්‍ය හා දිගුකාලීන උපායමාර්ග යොදා ගනිමින් සහ ව්‍යුහාත්මක  සංවර්ධන අභියෝග සැලකිල්ලට ගනිමින් සකස් කරන ලද අරමුණු හා ඉලක්ක ළඟා කර ගැනීම අපගේ අභිප‍්‍රායයි. අපගේ අරමුණ මිලියනපතියන් කිහිපදෙනෙකු සඳහා අඩිතාලම දැමීම නොව මිලියනපතියන් මිලියන ගණනක් බිහි කිරීම සඳහා අවකාශ සළසා දීමයි.
11.    මෙම පසුබිම යටතේ, ගරු අග‍්‍රාමාත්‍යතුමා විසින් 2015 නොවැම්බර් බව 05 දින මෙම ගෞරවනීය සභාවට ඉදිරිපත් කරන ලද ප‍්‍රතිපත්ති ප‍්‍රකාශය තුළින් 2016 වසර සඳහා වන අයවැයට අඩිතාලම දමා තිබෙනවා. එමගින් පහත සඳහන් මධ්‍යකාලීන උපාය මාර්ගයන් යෝජනා කර තිබෙනවා.
අ.    රැකියා අවස්ථා දස ලක්ෂයක් බිහිකිරීම
ආ.   ආදායම් ඉහළ නැංවීම
ඇ.   ග‍්‍රාමීය ආර්ථිකය සංවර්ධනය කිරීම
ඈ.  ග‍්‍රාමීය සහ වතුකරයේ ජනතාවටත්, මධ්‍යම පාන්තිකයන්ට සහ රජයේ සේවකයන්ටත්                  දේපල අයිතිය ලබා දීම
ඉ.   ශක්තිමත් හා පුළුල් මධ්‍යම පන්තියක් බිහි කරලීම

12ග    ගරු කථානායකතුමනි, එම ප‍්‍රතිපත්ති ප‍්‍රකාශය ඉතා විශේෂිතයි. එම ප‍්‍රකාශය මෙම අයවැයෙහි පදනමයි. ශ‍්‍රී ලංකා ආර්ථිකයට දිගුකාලීන ධනාත්මක ප‍්‍රතිඵල ගෙන දෙන ජාතික වශයෙන් වැදගත් පුළුල් ප‍්‍රතිපත්ති එම ප‍්‍රකාශයේ ඇතුළත් වෙනවා.   ආර්ථික හා සංවර්ධන ඉලක්ක ළඟා කර ගැනීම සඳහා නිවැරදි ආර්ථික අඩිතාලමක් අත්‍යවශ්‍ය බව එමගින් පැහැදිළිවම පෙන්වා දෙනවා. නියමිත ඉලක්ක හා අරමුණු ළඟා කරගත හැක්කේ එවැනි ශක්තිමත් අඩිතාලමක් මත කටයුතු කිරීමෙන් පමණයි. සාර්ථක ඉදිරි ගමනක් සඳහා ආර්ථික ක‍්‍රියාමාර්ගවල මූලික වෙනස්කම් කිරීම අත්‍යවශ්‍ය බව එම ආර්ථික ප‍්‍රකාශයෙන් ඉස්මතු කර ඇත්තේ එම නිසයි.

13.    එබැවින් අප රජයේ ප‍්‍රතිපත්ති සම්පාදනයේ දී වෙළෙඳපොල නිදහසේ ක‍්‍රියාත්මක වීමට ඇති බාධා ඉවත් කිරීම සඳහා අවධානය යොමු කරනවා. ප‍්‍රතිපත්ති ප‍්‍රකාශයෙහි අඩංගු නිදහස් ප‍්‍රතිසංස්කරණ ක‍්‍රියාමාර්ග මේ තත්ත්වය යටතේ විශේෂ වැදගත්කමක් ගනු ලබනවා. අපේක්ෂිත ප‍්‍රතිසංස්කරණ යෝජනා පෞද්ගලික අංශයේ ආර්ථික කටයුතු පෝෂණය කරනවා පමණක් නොව ධෛර්යමත් කිරීම ද සිදු කරනු ඇත. එසේම, එමගින් සමස්ත ආර්ථික ක‍්‍රියාවලිය තුළ ඔවුන්ගේ ධනාත්මක දායකත්වය තහවුරු කරනු ඇත.

14.    යෝජිත ප‍්‍රතිපත්ති, අදාළ ප‍්‍රතිසංස්කරණ හරහා ක‍්‍රියාත්මක කරනු ලබන අතර, වසර ගණනාවක් පුරා නිසි අවධානයක් යොමු නොකළ රාජ්‍ය ව්‍යවසායයන් සහ ජාත්‍යන්තර වෙළෙඳ කටයුතු කෙරෙහි විශේෂ අවධානය මෙහිදී යොමු වෙනවා. ශ‍්‍රී ලංකාවේ ව්‍යාපාර ප‍්‍රජාවගේ උන්නතියට අගතිගාමීව බලපෑ පසුගිය රජයේ කරුම උරුමයන්ගෙන් මුදා ගැනීම සඳහා හා ප‍්‍රතිසංස්කරණයන් අත්‍යවශ්‍ය වෙනවා. දෝෂ සහගත ආර්ථික ප‍්‍රතිපත්ති හා අක‍්‍රමවත් ආර්ථික කළමනාකරණ පරිචයන් පසුගිය රාජපක්ෂ පාලන සමයේ දක්නට ලැබුණු අතර යෝජිත ප‍්‍රතිසංස්කරණ හා ක‍්‍රමවත් ආර්ථික ප‍්‍රතිපත්ති ඔස්සේ අප රජය එවැනි සෘණාත්මක ක‍්‍රමවේදයන් බැහැර කරනු ඇත.

15.    මෙවැනි ප‍්‍රතිසංස්කරණ තුළින් දේශීය ව්‍යාපාර ක්ෂේත‍්‍රයන්හි තරඟකාරීත්වය වැඩි දියුණු කොට ජාත්‍යන්තර වෙළෙඳ පොළ සහ ආයෝජන ප‍්‍රවර්ධනය මෙන්ම ශ‍්‍රී ලාංකිකයන්ගේ නිපුණතාවය සහ ඵලදායීතාවය වර්ධනය කළ යුතු අතර එහි දී ජාත්‍යන්තර ආර්ථික ප‍්‍රවණතා පිළිබඳව ද සැලකිල්ල යොමුකළ යුතුව තිබෙනවා. ඒ  වගේම අප සමාජ සාධාරණත්ව මූලධර්ම මත පදනම්ව දැනුම කේන්ද්‍ර කරගත් සමාජ වෙළෙඳපල ආර්ථිකයක් ද ගොඩනැගිය යුතු වෙනවා.
16.    ආර්ථික ක්ෂේත‍්‍රය පමණක් නොව දේශපාලන, සමාජමය, අධ්‍යාපන හා සෞඛ්‍ය ක්ෂේත‍්‍රයන් ද ශක්තිමත් කිරීම සඳහා සුදුසු යාන්ත‍්‍රණයන් ස්ථාපිත කිරීම අපගේ සැලසුමයි. ශ‍්‍රී ලාංකිකයන්ගේ මූලික අවශ්‍යතා වන ඉඩම්, නිවාස, අධ්‍යාපන සහ සෞඛ්‍ය පිළිබඳව අපගේ අවධානය යොමු කොට තිබෙනවා. ගරු අග‍්‍රාමාත්‍යතුමා විසින් 2015 නොවැම්බර් 05 වන දින මෙම උත්තරීතර සභාවට ඉදිරිපත් කරන ලද ප‍්‍රතිපත්ති ප‍්‍රකාශයෙහි මෙම සියලු කරුණු අන්තර්ගතව තිබෙන්නේ  එබැවිනි.

17.    අප දිගින් දිගටම අවාධානයට ලක් කළ යුත්තේ අපගේ ප‍්‍රධාන ජීවනෝපාය වන  කෘෂිකර්මාන්තය නඟා සිටුවීම සඳහායි. අපගේ ආර්ථිකය කෘෂිකර්මය මත පදනම් වෙනවා. ආශිර්වාදලත් ජාතියක් ලෙස අපගේ ජාතිය නම් කළ හැකියි. අපගේ අතිගරු ජනාධිපතිතුමා අභිමානයෙන් යුතුව ප‍්‍රකාශ කරන්නේ එතුමා ගොවි ජනපදයකින් හා ගොවි පරම්පරාවකින් පැවතෙන බවයි. අතිගරු මෛත‍්‍රීපාල සිරිසේන ජනපතිතුමාගේ කෘෂිකාර්මික මෙහෙවර තුළින් ශ‍්‍රී ලංකාව ආහාරයෙන් සුරක්ෂිත වනවා පමණක් නොව කෘෂිකාර්මික නිෂ්පාදන අපනයනයටද නොබෝ කලකින් යොමු වනු ඇති. එවිට අපහට ශ‍්‍රී ලංකාව ඉතිහාසයේ සඳහන් පරිදි යළිත් ආසියාවේ ධාන්‍යාගාරය ලෙස නම් කළ හැකිවනු ඇත. අපගේ අතිගරු ජනාධිපති මෛත‍්‍රීපාල සිරිසේන මැතිතුමාගේ නිරන්තර කැපවීම ශ‍්‍රී ලංකාවේ කෘෂි ආර්ථිකය සාරවත් ප‍්‍රතිලාභයන්ට බඳුන් කිරීමට හේතුවනු ඇත.
 
18.    නිදහසින් පසු පැවති රජයන් ක‍්‍රියාත්මක කරන ලද ආර්ථික ප‍්‍රතිපත්ති විශ්ලේෂණය කර බැලීමෙන් වර්තමාන තත්ත්වයන්ට හේතු වූ ධනාත්මක හා සෘණාත්මක තත්ත්වයන් හඳුනාගැනීමට අවස්ථාව ලැබෙනවා.

2016 අයවැය සඳහා වූ පසුබිම
 
19.    ගරු කථානායකතුමනි, මෙම අයවැය යෝජනා ඉදිරිපත් කිරීමේ දී පාදක වූ පසුබිම පිළිබ`දව ඔබතුමාගේ අවධානය යොමු කරවීමට මා දැන් කැමතියි. 1948 වර්ෂයේ දී නිදහස ලැබූ දා සිට අද දක්වා ශ‍්‍රී ලංකාවේ ආර්ථික ප‍්‍රතිපත්තීන් ධනවාදී, සමාජවාදී හා සුභසාධන ආර්ථික මූලධර්ම මත දෝලනය වුනා. වෙන් වෙන් පාලන සමයන් තුළ මෙම ආර්ථික ප‍්‍රතිපත්ති සෘජුව, වක‍්‍රව හෝ මිශ‍්‍රව ක‍්‍රියාත්මක වූ බව අප දන්නා කරුණක්.

නිදහස ලැබූ දා සිට 1977 දක්වා

20.    1948 අප ලද නිදහස කෙතරම් සාමකාමී වූයේද යන්න හොඳින්ම සනිටුහන් වන වදන් පෙළක් ශ‍්‍රී ලාංකාවේ  විශිෂ්ඨතම ඉතිහාසඥයකු වන මහාචාර්ය කේ එම් ද සිල්වාගේ කෙටි සටහනක් තුළින් ප‍්‍රකාශිතයි. එදා එතුමා ශ‍්‍රී ලංකාව හැඳින්වූයේ ‘‘නීතිය, සාමය හා ස්ථාවරත්වයේ ක්ෂේම භූමියක්’’ වශයෙනුයි. දෙවන ලෝක යුද්ධයෙන් පසුව නිදහස ලබා ගැනීම සඳහා අරගල කළ වෙනත් බොහෝ රටවල් හා සස`දන විට අප ලද ජයග‍්‍රහණය සුවිශේෂී වෙනවා. ඒ මන්ද යත් බොහෝ රටවල නිදහස් අරගල ලේ වැගිරීම් සහ අනපේක්ෂිත සිදුවීම්වලින් ගහන වූ බැවිනුයි.

21.    ශ‍්‍රී ලාංකික දේශපාලන ඉතිහාසයේ, වත්මන් ජාතික සහයෝගිතා රජයට අනුරූපිත තවත් රජයක් ලෙස නම් කළ හැක්කේ මහාමාන්‍ය ඞී.එස්. සේනානායක මැතිඳුන් සිංහල මහා සභාව සහ දෙමළ කොන්ග‍්‍රසය ද ඇතුලූව සියළු  ප‍්‍රජාවන් ඒකාබද්ධව ස්ථාපිත කළ පළමු නිදහස් රජයයි.  එකල ශ‍්‍රී ලංකාවේ ආර්ථිකය මුළුමනින්ම කෘෂිකර්මය පදනම් කරගත් ආර්ථිකයක් වූ අතර තේ, රබර් සහ පොල් කෘෂිකාර්මික ආර්ථිකයේ කොඳු නාරටිය මෙන්ම ප‍්‍රධාන අපනයන භාණ්ඩ ලෙස ද නම් කළ හැකියි. එවැනි ද්විත්ව ආර්ථිකයක් එකල ජනතාවගේ ආර්ථික අවශ්‍යතා සපුරාලීමට ඉවහල් වුනා. ඇමරිකානු ඩොලර් 120 ක් පමණ වූ  ඒක පුද්ගල ආදායම හා ඇමරිකානු ඩොලර් බිලියන 1 ක් පමණ වූ ආර්ථිකය එම සමයේ ප‍්‍රධාන ආර්ථික දර්ශක ලෙස නම් කරන්නට පුළුවන්.  

22.    මෙම කාල පරාසය තුළ ශ‍්‍රී ලංකාව නිදහස් වෙළඳපලක් ලෙස ජාත්‍යන්තරයට ද විකාශය වූයේ අවම වූ ආර්ථික නියාමනයන් මතය. එසේ වුවත්, අපනයන අඩු මට්ටමක පැවතීම හා අඛණ්ඩව ක‍්‍රියාත්මක වූ  සුභසාධන පහසුකම් ආර්ථිකය අවදානමකට ලක් කළා. දේශපාලන වශයෙන් ක‍්‍රියාත්මක කළ සුභසාධන පහසුකම් ආර්ථික සංවර්ධනයට අහිතකර ලෙස බලපෑ අතර නොයෙක් ව්‍යවසායයන් සැලසුමක් නොමැතිව ජනසතු කිරීමේ ක‍්‍රියාවලියට  ලක්වීම ද ආර්ථිකයේ අගතිගාමීත්වයට බලපෑමක් ඇති කරනු ලැබුවා.
23.    70 දශකයේ ඇරඹුමත් සමඟ ශ‍්‍රී ලාංකිකයන් සලාක සහ ආර්ථික සීමා බන්ධන මගින් බැඳුණු  සංවෘත ආර්ථිකයක් දෙසට රට යොමු වුනා. එම පාලන සමය මතක ඇති සියල්ලන්ටම එදා පැවති ‘හාල් පොලු’ සහ ‘පාන් පෝලිම්’ පිළිබඳව අකමැත්තෙන් හෝ මතකයට ගොනු කර ගත හැකි වනු ඇති. එපමණක් නොව, රෙදිපිළි සහ අනෙකුත් මූලික අවශ්‍යතාවයන් එම සලාක සහ සීමා බන්ධන මත කේන්ද්‍රගත වූ බැවින් ජනතාවගේ ආර්ථික නිදහස ද සැබවින්ම සීමා වුණා. එම කාල පරිච්ඡ්දය තුළ තෝරාගත් පාරිභෝගික භාණ්ඩ ප‍්‍රවාහනයටද බාධක පනවනු ලැබූවා. ශ‍්‍රී ලංකාවේ ප‍්‍රථම විධායක ජනාධිපතිවරයා වූ අතිගරු ජේ. ආර්. ජයවර්ධන මැතිතුමා 1977 දී ක‍්‍රියාත්මක කළ විවෘත ආර්ථික ප‍්‍රතිපත්ති පදනම් කරගත් ප‍්‍රතිසංස්කරණ තුළින් ශ‍්‍රී ලංකාව විවෘත ආර්ථික රටාවකට යොමු කරවනු ලැබූවා.

24.    1977 දී ද අපගේ ආර්ථිකය එතරම් විශාල ආර්ථිකයක් ලෙස නම් කළ නොහැක්කේ ඇමෙරිකානු ඩොලර් 294 ක් වූ ඒක පුද්ගල ආදායම සහ ඇමෙරිකානු ඩොලර් බිලියන 4.1 ක පමණ ආර්ථිකයක් ලෙස පැවතීම නිසාය. තවද, 1948 සිට 1977 දක්වා තිස් වසරක් තුළ ඒක පුද්ගල ආදායම වර්ධනය වී ඇත්තේ ඇමෙරිකානු ඩොලර් 174 ක් වැනි සුළු මට්ටමකිනි.

1977 නව චින්තනය

25.    එක්සත් ජාතික පක්ෂ රජය 1977 දී අතිවිශිෂ්ඨ ජයග‍්‍රහණයක් ලබාගත් අතර ශ‍්‍රී ලංකා  ආර්ථිකය විවෘත ආර්ථිකයක් ලෙස ක්ෂණිකව පරිවර්තනය වුනා. ඒ අනුව, විවෘත ආර්ථිකයකට යොමු වූ දකුණු ආසියාවේ ප‍්‍රථම රට බවට ශ‍්‍රී ලංකාව පත් වුණා. මෙම නිදහස් ආර්ථික ප‍්‍රතිපත්ති  විවිධ විදේශ ආයෝජකයන්ට ඵලදායී ව්‍යාපෘතීන්හි අයෝජන අවස්ථා ළඟා කළ අතර ශ‍්‍රී ලංකාවෙහි පැවති සමාජවාදී සීමා මායිම් සහිත සංවෘත ආර්ථික ක‍්‍රමවේදයන්ගෙන් ඉවත්ව දැවැන්ත ආර්ථික වර්ධනයක් ලබා ගැනීමට හේතු වුණා.
 
26.    ආනයන සීමාවන් අවම කිරීම, මූල්‍ය වෙළෙ`දපල නිදහස් කිරීම, ඒකාබද්ධ විදේශ විනිමය ක‍්‍රමයක් හ`දුන්වා දීම, රාජ්‍ය ආයතන මගින් සිදු වූ වෙළඳ ඒකාධිකාරය ඉවත් කිරීම, මිල පාලන ක‍්‍රමවේද ලිහිල් කිරීම සහ රාජ්‍ය ආයතනයන් පෞද්ගලීකරණය කිරීම මෙම කාලය තුළ සිදුවූ ක‍්‍රියාකාරී ප‍්‍රතිසංස්කරණ

වෙනවා. මෙම ආර්ථික ප‍්‍රතිසංස්කරණ ක‍්‍රියාවලියේ ප‍්‍රධාන සංකල්ප අනුව රටක ආර්ථික වර්ධනයේ ක‍්‍රියාකාරී යාන්ත‍්‍රණය වන ලෙස පෞද්ගලික අංශයට ආරාධනා ලැබුණු අතර ‘රජයකට ව්‍යාපාර කිරීමේ ව්‍යාපාරයට යොමු විය නොහැක’ යන කියමන මෙම ප‍්‍රතිපත්තියට ඉතාම සම්බන්ධ වෙනවා.
27.    දිවංගත අතිගරු ජේ. ආර්. ජයවර්ධන ජනාධිපතිවරයාගේ අමාත්‍ය මණ්ඩලය සුවිශේෂී වූ දේශපාලන චරිතයන්ගෙන් සමන්විත වූ අතර එහි ප‍්‍රධාන චරිත ලෙස දිවංගත අතිගරු රණසිංහ පේ‍්‍රමදාස, මාගේ ගුරු වූ දිවංගත ගරු ලලිත් ඇතුලත්මුදලි, දිවංගත ගරු ගාමිණී දිසානායක සහ ගරු රොනී ද මෙල් යන නාමයන් සිහිපත් කරනවා. එමෙන්ම එවකට එම අමාත්‍ය මණ්ඩල තුළ නැඟී ආ දේශපාලන තරුවක් වූ වත්මන් අග‍්‍රාමාත්‍ය ගරු රනිල් වික‍්‍රමසිංහ මැතිතුමා ද කටයුතු කරනු ලැබුවා. මෙම සුවිශේෂී දේශපාලන චරිතයන් ශ‍්‍රී ලංකාවේ ආර්ථිකය යහමගට යොමු කොට ආර්ථික වර්ධන වේගය සියයට 6 ක පමණ සාමාන්‍යයකට රැගෙන ආවා පමණක් නොව විදේශ ආධාර සහ විදේශ ආයෝජනයන්හි සුවිශේෂී වර්ධනයක් ද ඇතිකරලීමට සමත් වුනා.

28.    1983 දී තීව‍්‍ර වූ අභ්‍යන්තර අරගල සහ ගැටුම් ආර්ථික වර්ධන වේගය පසුබෑමකට ලක් කළ ද, එක්සත් ජාතික පක්ෂ රජයේ ආර්ථික ප‍්‍රතිසංස්කරණ ක‍්‍රියාවලිය 1994 දක්වා නොනැවතී ඉදිරියටම යොමු වුනා. 1994 දී අතිගරු චන්ද්‍රිකා බණ්ඩාරනායක කුමාරතුංග මැතිණිය පොදු පෙරමුණෙන් ශ‍්‍රී ලංකාවේ ප‍්‍රථම ජනාධිපතිවරිය ලෙස තේරී පත් වුනා.

 

1994 සිට 2001 දක්වා පොදු පෙරමුණ රජයේ පාලන සමය

29.    1994 දී බලයට පත් වූ නව රජය විවෘත ආර්ථික ක‍්‍රියාවලිය මානුෂික මුහුණුවරකින් යුතුව නොකඩවා ඉදිරියට ගෙන ගිය අතර රාජ්‍ය  ආයතන පෞද්ගලීකරණය කිරීමේ ක‍්‍රියාවලිය කඩිනම් කරනු ලැබුවා.  තව දුරටත් තීව‍්‍ර වූ අභ්‍යන්තර අරගල සහ ත‍්‍රස්තවාදී ක‍්‍රියාදාමයන්හි අතුරු ඵලයක් ලෙස ආර්ථික මර්මස්ථානයන්ට  එල්ල වූ ත‍්‍රස්තවාදී ප‍්‍රහාරයන් හේතුවෙන් ආර්ථිකයේ වර්ධන වේගය අඩාල වුනා. ශ‍්‍රී ලංකාවේ ආර්ථිකය උදෙසා රජයට කළ හැකි මෙහෙවර අඩාළ වෙමින් පැවති අතර එයට ප‍්‍රධාන වශයෙන් හේතු වූයේ  ආර්ථිකය නංවාලීම වෙනුවට ත‍්‍රස්තවාදය මැඩලීමට රජයේ අවධානය යොමු කිරීමට සිදුවීමයි. වසර 2000 වන විට ද ශ‍්‍රී ලංකාව සාපේක්ෂ වශයෙන් අඩු ආදායම්ලාභී ආර්ථිකයක් වූයේ ඒකපුද්ගල ආදායම ඇ.ඩො. 869 ක් වූ බැවිනි. දළ දේශීය නිෂ්පාදිතයේ වටිනාකම ඇ.ඩො. බිලියන 16.6 ක් වූ අතර විරැකියාව සියයට 10 කට ආසන්න වුනා. මෙම පසුබිම තුළ නිදහස ලැබීමෙන් පසු ප‍්‍රථම වරට ශ‍්‍රී ලංකා ආර්ථිකයේ සෘණාත්මක වර්ධනයක් 2001 දී වාර්තා වුනා.

 

2001 සිට 2004 දක්වා දෙවසරක හැරවුම

30.    මෙම කාලය තුළ අග‍්‍රාමාත්‍යවරයා වූ ගරු රනිල් වික‍්‍රමසිංහ මැතිතුමන්ගේ එක්සත් ජාතික පක්ෂ රජය මෙම සෘණාත්මක ආර්ථික ප‍්‍රවණතාවය වෙනස්කොට යළිත් වරක් ධනාත්මක වර්ධනයකට ආර්ථිකය යොමු කළා. එම රජයේ නව දැක්ම තුළින් නොයෙක් ව්‍යවසායකයන්ට විවිධ වූ අවස්ථාවන් සලසමින් නව ආයෝජන රැුසක් ආර්ථිකයට ලැබුණු අතර  යහපාලනය සහ විනිවිදභාවය ද ශක්තිමත් වුනා. තෝරාගත් ආර්ථික ප‍්‍රතිපත්ති මගින් විවිධ ප‍්‍රතිලාභ ජනතාවට ලබා දුන් අතර යළිත් වරක් ශ‍්‍රී ලංකාවේ ආර්ථිකය යහපත් මාවතකට යොමු කරනු ලැබුවා.

31.    මෙවැනි ශක්තිමත් ක‍්‍රමවේදයක් තුළින් මන්දගාමී ආර්ථිකය ප‍්‍රවේගවත් කළ අතර පෙර රජයේ මන්දගාමී මඟ වෙනස් කොට යහපත් තත්ත්වයක් අත් කර ගැනීම ස`දහා කඩිනමින් වෙනස්වීම අරමුණු කරගත් නව ප‍්‍රවේශයන් හ`දුන්වාදෙනු ලැබුවා. කෙසේ වුවත්, මෙම කාල පරාසයේ ආරම්භය පහත දැක්වෙන ප‍්‍රකාශය තුළින් හො`දින් අවබෝධ කරගන්නට පුළුවන්.
    ‘‘ශ‍්‍රී ලංකාව දැවන්ත ආර්ථික අර්බුදයකට ගොදුරුව ඇත.  එහි සත්‍යය වන්නේ අපගේ  ණයබරතාවය මෙම අර්බුදයට හේතු පාදක වී ඇති බවයි. තවද, සුදුසු ප‍්‍රතිකර්ම නොයෙදුවහොත් ශ‍්‍රී ලංකාවේ ඉදිරි පරම්පරාවන්ට  රැකියා හි`ගයකට සහ අවම ආදායම් මට්ටමකට මුහුණ දීමට සිදුවනු ඇත. එබැවින් ශ‍්‍රී ලංකාව විනාශමුඛයට යා නොදී රැුක ගැනීම සඳහා තුලනාත්මක නව දැක්මක්  තුළ ක‍්‍රියා කිරීම ඉතා වැදගත් වේ. තව දුරටත් පවතින ක‍්‍රමවේදය අනුගමනය කළ නොහැකි අතර ප‍්‍රතිසංස්කරණවලට වහා යොමු විය යුතුය.’’

32.    ගරු කථානායකතුමනි,  එදා නිශ්චිතව හ`දුනාගත් එම තත්ත්වය අද පවතින තත්ත්වයටත් එකසේ ආදේශ කළ හැකි බව මගේ හැ`ගීමයි. එම වදන් පෙළ යළි යළිත් ශ‍්‍රවණය කළ යුතු බව මගේ විශ්වාසයයි.

33.    2001 දී බලයට පත්වූ රජය වසර දෙක හමාරක් පාලනයේ යෙදෙමින් කැපී පෙනෙන ප‍්‍රතිපත්තිමය වෙනස්කම් සිදු කරමින් සුවිශේෂී   වූ  පනත් කිහිපයක් සම්මත කර ගනු ලැබුවා. ඒ අතරට රාජ්‍ය මූල්‍ය කළමනාකරණ (වගකීම) පනත, පාරිභෝගික කටයුතු පිළිබඳ අධිකාරී පනත, කම්කරුවන්ගේ රක්ෂාව අවසන් කිරීමේ පනත, කාර්මික ආරවුල් පනත, ස්ත‍්‍රීන්, තරුණ අය හා ළමයින් සේවයෙහි යෙදවීම පිළිබඳ පනත සහ සුභසාධන ප‍්‍රතිලාභ පනත අඩංගු වෙනවා. තවද, නව මහ බැංකු පනත සහ විදේශ විනිමය කළමනාකරණ පනත වැනි විප්ලවීය යෝජනා හඳුන්වා දීමට පෙර රජය විසුරුවා හරිනු ලැබුවා.

34.    රාජ්‍ය අංශයේ ප‍්‍රතිසංස්කරණ හරහා ආර්ථිකයේ සීමා බන්ධන ලිහිල් කිරීමට සහ  විදේශ ආයෝජන ආකර්ශනය කර ගැනීම සඳහා විකල්ප ක‍්‍රියා මාර්ග හඳන්වා දීම තුළින්  ආර්ථිකය නංවාලීමටත්  මෙම කාලය තුළදී විශේෂ පරිශ‍්‍රමයක් දරනු ලැබූවා.
   
35.    මෙම ප‍්‍රගතිශීලී හා ප‍්‍රගමනකාරී පියවරයන් දේශපාලන වශයෙන් ජනප‍්‍රිය නොවුවද, නිශ්චිත මූල්‍ය විනයක් සහිත රජයක් සහ වෙළෙ`දපොළ හිතකාමී ආර්ථික ප‍්‍රතිපත්ති ඇති කරලීමට ඒවා සමත් වුනා. මෙම සීමිත කාල පරාසය තුළ  අපට නොයෙක් විදේශ රාජ්‍යයන් හා එක්වෙමින් ඔවුන්ගේ සහයෝගය සහ උපකාර ලබා ගනිමින් ආර්ථික දියුණුව සඳහා නව දැක්මකින් යුතුව කටයුතු කිරීමට මඟ පෑදුනා. එහි ප‍්‍රතිඵලයක් වශයෙන් ලැබුණු ආයෝජන හේතුවෙන් වැඩි වූ ඵලදායීතාව මත ආර්ථිකය සියයට 6 කට වැඩි වේගයකින් වර්ධනය වූ අතර උද්ධමනය සියයට 2  කට පමණ අඩු වුනා.   කෙසේවෙතත්, 2004 අපේ‍්‍රල් මස සිදුවූ රජය වෙනස්වීම හේතුවෙන්  බලාපොරොත්තු වූ අනාගත වර්ධනය සහ ආර්ථික පුනරුදය සාක්ෂාත් කර ගැනීමට නොහැකි වුනා.

 
2005-2014 රාජපක්ෂ පාලන සමය

36.    2005-2014 කාල පරිච්ෙඡ්දය ඉතිහාසගත වන්නේ ජනතාවගේ අහස උසට දිස්වූ බලාපොරොත්තු සමුදායකට නිසි පිළිතුරු ලබා නොදුන්  යුගයක් ලෙසයි.

37.    වසර 2009 දී අදාළ සෑම දෙනාගේම හෙළා දැකීමට ලක් වූ අභ්‍යන්තර අර්බුදය හා ත‍්‍රස්තවාදී උවදුර දශක තුනක පමණ කාලයකට පසු සහමුලින්ම උපුටා දැමීමට හැකි වීම තුළින් ත‍්‍රස්තවාදයේ අඳුරු හා අමානුෂික පැතිකඩ නිමා කිරීමට හැකි වුණා. ඒ සමඟ ම ශ‍්‍රී ලාංකිකයන් සියලූදෙනා නොඉවසිලිමත්ව බලාපොරොත්තු වූයේ සමෘද්ධිමත් සහ සතුටින් පිරි අනාගතයක් ඇතිවනු දැකීමටයි. අරගලයේ උච්ඡුතම අවස්ථාවන්හි දී පටි තදකරගන්නා ලෙස ජනතාව දැනුවත් කළ පාලකයින් අරගලය අවසානයේ  එම පටි ලිහිල් කිරීම සඳහා කිසිදු වෙහෙසක් නොගත් බව සත්‍යයකි. ආර්ථිකය ද ඉතාම අනතුරුදායී මාවතකට යොමු වූයේ දිනෙන් දින වැඩිවන ණයබරතාවය හේතුවෙනි.  ‘ගොබෙල්ස්’ න්‍යායවාදී රාජ්‍ය නියෝජිතයින් විසින් පතුරවන ලද ආර්ථික අතිශයෝක්තිය සහ රාජ්‍ය පාලකයින් වෙනුවෙන් ගැයූ ප‍්‍රශස්ති ගායනා ශ‍්‍රී ලංකාව මෙගොඩ විය නොහැකි ගැඹුරු ප‍්‍රපාතයකට ඇද දමන්නට හේතු වුනා. මෙම අතිශයෝක්තියේ බුබුල පුපුරා යාම සිදුවිය යුතුව තිබූ අතර 2015 ජනවාරි 8 වැනි සුවිශේෂී දිනයේ දී එය පුපුරා ගිය අතර වෙනසකට මුල පුරමින් ශ‍්‍රී ලංකාවට නව යුගයක් උදා වුනා.

38.    2009 වර්ෂයෙන් පසු  අර්බුදකාරී වාතාවරණයෙන් මිදුණු යුගය තුළ බහුතරයකගේ බලාපොරොත්තුව වූයේ  ශ‍්‍රී ලාංකිකයන් යළිත් අවදි කොට සෑම ජනවර්ගයකටම, සෑම ආගමකටම, සෑම දෙනාටම පොදු වූ සොඳුරු අනාගතයක් උදාකර ගැනීමටය. ආර්ථිකයෙහි යළි පිබිදීමක් ද ඔවුන් බලාපොරොත්තු වුනා.  
                      
39.    ගරු කථානායකතුමනි, මේ අවස්ථාවේ දී මාගේ වගකීම වන්නේ එම අති දරුණු ත‍්‍රස්තවාදී ව්‍යසනයෙන් අපේ මව්බිම බේරා දුන් සියලූම ආරක්ෂක අංශ නිලධාරීන්ට ප‍්‍රණාමය පුදකරලීමයි. ඔවුන් විසින් පරාජය කරනු ලැබූවේ රුදුරු ත‍්‍රස්තවාදය සහ කල්ගත වූ වාර්ගික අර්බූදයයි. ඔවුන්ගේ කැපවීම අපගේ මතකයේ සදා අනුස්මරණීය බව මාගේ විශ්වාසයයි. ඔවුන් කළ කැපවීම කෙතරම් සිහිවටන සහ සමරුඵලක ස්ථාපිත කළත් කියා නිම කළ නොහැකි වනු ඇත. තවද ඔවුන්ගේ කැපවීම තුළින් ලබා දුන් ඒ සොඳුරු සාමය රැක ගැනීම සැමවිටම කළ යුතුයි. අප ජීවත් වන ලෝකයේ පවතින තර්ජනයන් ගැන අවබෝධයෙන් කටයුතු කරනවා. අප ත‍්‍රස්තවාදයේ වෙනස්වන මුහුණුවර පිළිබඳව ද නිසි අවධානයෙන් සිටිනවා. සාමය රැක ගැනීම සඳහා කොන්වූ ප‍්‍රතිපත්තියකට ගොනු නොවී අපගේ මිත‍්‍ර රාජ්‍යයන් සහ අපගේ අසල්වැසි රාජ්‍යයන් සමඟ අත්වැල් බැඳ ගනිමින් උපායශීලී ක‍්‍රියාමාර්ගයන්ට යොමු විය යුතුයි. රටක ජාතික ආරක්ෂාව උදෙසා නවීනතම ක‍්‍රමෝපාය භාවිතා කිරීම ඉතා වැදගත් වෙනවා. රජයක් ලෙස අප කිසි විටක රටේ ආරක්ෂාව ලඝු කොට නොසිතන අතර රටේ ජාතික ආරක්ෂාව වෙනුවෙන් උපරිම දායකත්වය ලබා දෙන බවට පොරොන්දු වනවා.

40.    රටක ආර්ථිකය අතිශයෝක්තිය සහ පාලකයන් වෙනුවෙන් කරනු ලබන ප‍්‍රශස්ති ගායනා තුළ ස්ථාපනය කළ නොහැකියි. රාජපක්ෂ පාලන සමය තුළ සංචාරක ක්ෂේත‍්‍රය යළිත් වර්ධනය වීම ආරම්භ වූ බව සැබෑවක්.  ශ‍්‍රී ලංකාවේ ආර්ථික වර්ධනය උදෙසා දීප්තිමත් පසුතලයක් ස්ථාපිතව තිබිනා. ආයෝජකයන් යළිත් වරක් ශ‍්‍රී ලංකාවට පැමිණියේ ධනාත්මක චින්තනයකිනි. ජාත්‍යන්තර ප‍්‍රාග්ධන වෙළ`දපොළ හරහා නව අවස්ථා රාශියක් රාජ්‍ය සහ රාජ්‍ය නොවන අංශයන්ට උදා වුනා. එහි ප‍්‍රතිඵලයක් ලෙස ආර්ථික වර්ධන වේගය වැඩි වූ අතර ශ‍්‍රී ලංකාව මැදි ආදායම්  ආර්ථිකයක් සහිත රටක් බවට පත්වෙමින් තිබුනා. එනමුත් දැවන්ත ව්‍යසනයකට අප රට ගොදුරු වූයේ රජයේ ගජ මිතුරු දේශපාලනඥයෙකු සහ ඔහුගේ සහචරයන් දකුණුකරයේ සංචාරක හෝටලයකට ඇතුලූ වී සංචාරකයන් දෙදෙනෙකුට එල්ල කළ දැවන්ත ප‍්‍රහාරය හේතුවෙනි. අප සියල්ලන් දන්නා පරිදි ඒ හා සම්බන්ධ වූ අධිකරණ ක‍්‍රියාවලිය ද බලාපොරොත්තු නොවූ ආකාරයට ප‍්‍රමාද වූ අතර එම සංචාරකයන් පැමිණි රටවලට ඒ පිළිබ`දව කටයුතු කිරීමට මැදිහත් වීමට සිදු වුනා. දේශපාලන ගජ මිතුරන්ගේ තවත් මෙවැනි නොපහත්කම් හේතුවෙන් රජය පමණක් නොව රට ද අවමානයට පත් කරමින් ආර්ථික වර්ධනය අඩාල වුනා.

41.    අප හට පවසා තිබුනේ 2009 ට පසු කාල පරාසය තුළ ශ‍්‍රී ලංකාව දැවන්ත ආර්ථික වර්ධනයකට ලක් වූ බවයි. එහෙත් සාමාන්‍ය ශ‍්‍රී ලාංකිකයෙකුට මේ හරහා ලැබුණු  ප‍්‍රතිලාභ මොනවාද? මැදි ආදායම් රටක් ලෙස 2016 දී ස්ථාපිත වීම ඔවුන් සඳහන් කළේ සුවිශේෂී කඩඉමක් ලෙසිනුයි. එය එසේ වුවත්, ජාත්‍යන්තර අපවාද සහ බොහෝ රටවල් පිළිනොගත් විදේශ ප‍්‍රතිපත්ති හා එවකට පැවති රජයේ දේශපාලන මිථ්‍යා සමාලෝචන විදෙස් රටවල ආයෝජකයන් පිළි ගත්තේ නැහැ. ශ‍්‍රී ලංකාව ව්‍යාපාරවල  නිරත වීමේ පහසුතා දර්ශකයේ පහතට වැටුනා. එකල කැබිනට් අමාත්‍යවරයෙකු  එක්සත් ජාතීන්ගේ සංවිධානය ඉදිරිපිට උපවාසයක නිරත වීමේ නාටකය බලහත්කාරයෙන් බලා සිටීමට ශ‍්‍රී ලාංකිකයන්ව යොමු කරනු ලැබුවා. එම නාටකය අවසන් වුනේ. රාජ්‍ය නායකයා විසින් ඔහුට තැඹිලි වතුර වීදුරුවක් පෙවීමෙනි. මෙවැනි දේශපාලන ප‍්‍රහසනයන් සමහරුන්  කුල්මත් කළා. නමුත්, අපහසුතාවයට පත් වූයේ ශ‍්‍රී ලංකාවයි. බලාපොරොත්තු වූ සෘජු විදේශ ආයෝජන නොලැබුනා පමණක් නොව මිත‍්‍රශීලී රාජ්‍යයන් ලබා දුන් ජී.එස්.පී. ප්ලස් වැනි පහසුකම් ද අහිමි වීමට ගතවූයේ සීමිත කාලසීමාවක්. ශ‍්‍රී ලංකාව සෙමින් සෙමින් ආර්ථික අගාධයක් කරා ළං වෙමින් ජාත්‍යන්තර සම්බාධක පැනවීමේ අවදානමකට ද ලක්වුනා.

42.    අවශ්‍ය ආර්ථික ප‍්‍රතිසංස්කරණ සිදු කරමින් රට තිරසාර සංවර්ධනයකට යොමු  කිරීමට ස්වර්ණමය අවස්ථාවක් පසුගිය රජයට උදාවී තිබුණා. යහපත් දැක්මක් හා කඩිනම් දේශපාලන සහ ආර්ථික මෙහෙයවීමක් තුළින් ශ‍්‍රී ලංකාව ඉහළ මැදි ආදායම්ලාභී රටක් බවට පත් කිරීමට ඉඩ කඩ තිබුනා.  එවැනි සාධනීය ක‍්‍රියාවලියක් හරහා මැදි ආදායම් රටක සිදු විය හැකි අගතිගාමී හා පරස්පර විරෝධී ගැටළු මඟ හැර ඉදිරි අනාගතය සමෘධිමත් කළ හැකිවද තිබුණා.  එවකට පැවති දූරදර්ශී දේශපාලන පසුබිම තුළ පැවති අර්බුදකාරී ආර්ථික මූලධර්ම හේතුවෙන් ශ‍්‍රී ලංකාවේ වෙළඳු පාර්ශවකරුවන් සහ ආයෝජකයින් ශ‍්‍රී ලංකාව හැර ගිය අතර එමගින් පීඩනයට ලක් වූයේ රජයේ මූල්‍ය තත්ත්වයයි. මෙනිසා සාර්ව ආර්ථිකයෙහි ද විවිධ අසමතුලිතතා ඇති වුනා.

43.    අපි අවිවාදයෙන් පිළිගත යුතු කරුණක් වන්නේ පසුගිය රජය රටේ යටිතල පහසුකම් දියුණු කිරීම සඳහා කටයුතු කළ බවයි. එසේ වුවත්,  එම කර්තව්‍යය මහා මාර්ග, වරාය සහ ගුවන් තොටුපලවල් සඳහා ඉතා වැඩි පොළියකට විදේශ ණය ලබාගෙන රාජ්‍ය කොන්ත‍්‍රාත් හා ප‍්‍රසම්පාදන ක‍්‍රමවේදයන් උල්ලංඝනය කරමින් සිදු කළ බව ද සඳහන් කළ යුතුයි. ගරු කථානායකතුමනි, අකමැත්තෙන් වුවද මේ පිළිබඳව තවදුරටත් සමාලෝචනය කළ යුතු වන්නේ යටිතල පහසුකම් නැංවීම සඳහා අනුගමනය කළ  අප‍්‍රසන්න සහ වෘත්තීමය නොවන, සුදුසු මූල්‍ය කළමනාකරණයෙන්, සහ පාරදෘශ්‍ය හා යහපාලනයෙන් තොර ක‍්‍රමවේදය රටෙහි ආර්ථිකයට සෘණාත්මක බලපෑමක් ඇති කළ නිසයි.

44.    පැවති රජය විසින් ඉතා වැඩි පොළී අනුපාතිකයකට විදේශ ණය ලබා ගත් අතර එම ණයබරතාවය මෙන්ම ණය වාරික සහ පොළී ගෙවීමේ පීඩනය අප රටට සුවිශාල ලෙස බලපා තිබෙනවා. මෙම මූල්‍ය ප‍්‍රතිපාදන වැඩි වශයෙන් යොදවා තිබුණේ මහා මාර්ග, අධිවේගී මාර්ග සහ වරායවල් ගොඩනැංවීමටයි. මෙවැනි වැඩි පොළී මත ලබාගත් ප‍්‍රාග්ධනය කෙටිකාලීනව දේශීය හෝ විදේශීය ණය ගෙවීමට හැකි වන ආදායම් ලැබිය හැකි ව්‍යාපෘති සඳහා නොයොදවා දීර්ඝ කාලීන ආයෝජන මෙන්ම ශක්‍යතාවයෙන් තොර ව්‍යාපෘති සඳහා ද යොදවා තිබෙනවා. ජාත්‍යන්තර ගුවන් සේවා කෙසේ වෙතත් දේශීය ගුවන් සේවාවල ගුවන්යානාවත් ගොඩ නොබසින ගුවන්තොටුපලක් පිහිටි එකම රට ලෙස ශ‍්‍රී ලංකාව හැඳන්විය හැකි අතර දැන් එම ගුවන්තොටුපල මොණරුන්ට රජ දහනක් ලෙස පවතිනවා. හම්බන්තොට  වරායද බලාපොරොත්තු වූ පරිදි නාවික කටයුතු සඳහා කේන්ද්‍රගත නොවී ඇති බව අප කවුරුත් දන්නා කරුණක්. එම වරායට පැමිණෙන නැව් සංඛ්‍යාව අඩු මට්ටමක පවතිනවා. ඒ කෙසේ වුවත්, එම වරාය සහ ගුවන්තොටුපල නිර්මාණය කිරීමට දායක වූ රාජ්‍ය නායකයාගේ නාමය සහිත පුවරු පමණක් බොහෝ විට සංචාරය සඳහා  එම ස්ථානවලට පිවිසෙන සාමාන්‍ය ජනතාවට දැකගත හැකිය.

45.    ගරු කථානායකතුමනි, අප නිල මට්ටමෙන් දැනගත් සහ නිල නොවන මට්ටමෙන් දැනගත් දෑ අයිස් කන්දක ශීර්ෂයටත් වඩා කුඩා වන්නට පුළුවන්. විමර්ශන ක‍්‍රමවේදයට කලක් ගත විය හැකි වුවත් අප සතු සාක්ෂි කාහටවත් විවාදයට ලක් කළ නොහැකි බව අපගේ හැඟීමයි. මම යළිත් වරක් දේශමාමක ජනතාවගෙන් ඉල්ලා සිටින්නේ ඉවසීමෙන් යුතුව විමර්ශන ක‍්‍රියාවලිය දෙස බලා සිටින ලෙසයි. අපගේ බලාපොරොත්තුව වැරදිකරුවන් නිදොස් කිරීම නොව ඔවුන්ට දඩුවම් ලබා දීමයි. තවද, විදේශ රටවල රඳවා ඇති මුදල් ශ‍්‍රී ලංකාවට ගෙනවිත් ආයෝජනය කරන ලෙස අප ආදරණීය මාතෘ භූමිය අදාළ පුරවැසියන්ට සුවිශේෂී ආයාචනයක් කරන්නට මෙම අවස්ථාවේ දී මා කැමතියි. ශ‍්‍රී ලංකාවට මේ අවස්ථාවේ දී එවැනි ආයෝජන අත්‍යවශ්‍ය බව අපගේ විශ්වාසයයි.

46.    පසුගිය පාලන සමයේ දී බදු ආදායම් මට්ටම නොනවත්වා අඩුවෙමින් 2014 දී දළ දේශීය  නිෂ්පාදිතයෙන් සියයට 10.2 කට අඩු වුනා. එබැවින් ශ‍්‍රී ලංකාව අඩුම බදු ආදායම් ප‍්‍රතිශතයක් ලබන රටක් බවට පත්ව තිබෙනවා. තවද, එකල අතිශයෝක්තියෙන් ආර්ථික වර්ධනය ගැන උදම් ඇනුවද අද රාජ්‍ය ආදායම ණය සේවා ගෙවීම් සඳහාවත් ප‍්‍රමාණවත් වන්නේ නැහැ. එනමුත්, ඔවුන් උදම් ඇනුවේ ශ‍්‍රී ලංකාව ආසියාවේ ආශ්චර්යය  යනුවෙන් නම් කරමිනි. සැබැවින්ම, අප ප‍්‍රායෝගික හා සාධනීය ආර්ථික රටාවෙන් මෙන්ම යථාර්ථයෙන් ද  මිදී ආර්ථික ව්‍යසනයකට ලක්වී තිබෙනවා. අප විමසිලිමත් විය යුත්තේ එම රජය සමයේ ආර්ථික විශේෂඥයන් වසර දහයක තම පාලන කාලය තුළ  ක‍්‍රියාත්මක කළේ කුමන ආර්ථික මූලධර්මයන් ද යන්න පිළිබඳවයි.

               
47.    අපට නිශ්චිතව විශ්ලේෂණය කළ හැක්කේ සමහර යටිතල පහසුකම් ස්ථාපිත කළත් පසුගිය රජයේ ආර්ථික ප‍්‍රතිපත්ති හා අදාළ තීරණ තුළින් ග‍්‍රාමීය සහ ප‍්‍රාදේශීය  ජනතාවට සිදු වූ සේවය ඉතා අඩු මට්ටමක පවතින බවයි. අපගේ ජනතාව රටෙහි ජීවනාලිය වන අතර පසුගිය දශකය තුළ ඔවුන්ගේ ජීවන තත්ත්වයේ  පැහැදිලි වෙනසක් සිදු වී නැහැ. ආදායම් බෙදී යාමේ විෂමතා දර්ශකය සමීපව විශ්ලේෂණය කළහොත් පෙනී යන්නේ ජනතාවගෙන් සුළු කොටසක් ජාතික ආදායමෙන් වැඩි කොටසක් භුක්ති විඳින බවයි.

  2015 : ජාතික සහයෝගීතා රජය - ශ‍්‍රී ලංකාවේ නව දේශපාලන දැක්ම

48.    2015 ජනවාරි මාසයේ දී මෛත‍්‍රීපාල සිරිසේන මැතිතුමා ජනාධිපති ධූරයට තේරී පත්වීම හා ගරු අග‍්‍රාමාත්‍ය රනිල් වික‍්‍රමසිංහ මැතිතුමාගේ ප‍්‍රශස්ත නායකත්වය යටතේ එක්සත් ජාතික පක්ෂයේ ප‍්‍රධානත්වයෙන් නව සහයෝගීතා ජාතික රජයක් බිහිවීම, ශ‍්‍රී ලංකාවේ සමාජ ආර්ථික ඉතිහාසයේ හා සමකාලීන දේශපාලනයේ නව පිටුවක් පෙරලීමට සමත් වී තිබෙනවා. අප ලද මෙම මහඟ අවස්ථාව රටේ ආනගත සෞභ්‍යාග්‍යය උදාකරලීම සඳහා අවශ්‍ය සුදුසු ක‍්‍රියාමාර්ග ගැනීමට යොදාගත යුතු වන අතර 2009 වසරේ දී  හා ඊට පෙර අවස්ථාවල දී මෙන් මෙම අවස්ථාව මඟ හැරී යාමට ඉඩ නොදිය යුතු බවට මම අවධාරණය කරනවා. නැසී ගිය ජෝන් එෆ් කෙනඩි ඇමෙරිකානු ජනාධිපතිවරයාගේ සුප‍්‍රසිද්ධ වදන් එනම් ‘ඔබ වෙනුවෙන් රටට කළ හැකි දේ නොව ඔබෙන් රටට විය යුතු දේ ගැන සිතන්න’ ගැන අපටද සිත් යොමු කිරීමට දැන් කාලය එළඹ තිබෙනවා.

49.    නව රජය පිහිටුවීමෙන් පසු සමාජයේ නොයෙකුත් අංශයන්ගෙන් ඉදිරිපත් වූ විවිධ ගැටළුවලට අපට මුහුණ දීමට සිදුවුනා. මැදි ආදායම් රටක් ලෙස පිළිගැනීමට හේතුවන පමණට ඉහළ ඒක පුද්ගල ආදායමක් ලබන්නේ නම් රටේ ජනගහනයෙන් වැඩි කොටසක් ජීවත් වීම සඳහා අරගලයක යෙදෙන්නේ මන්ද? ආර්ථික වර්ධන වේගය  ඉතා ඉහළ නම් සහ උද්ධමනය ඉතා අඩු නම් දෛනික ජීවිතය ගෙවා ගත නොහැකි පමණට අත්‍යවශ්‍ය භාණ්ඩයන්හි මිල දිනපතා ඉහළ යන්නේ ඇයි? ජාත්‍යන්තර වෙළෙඳ පොළෙහි තෙල් මිළ පහළ යන්නේ නම් අප රටේ ඉන්ධන මිළ පහළ නොදමන්නේ ඇයි? යනාදී ගැටළු අප වෙත යොමු වුනා. පසුගිය කෙටි කාල පරාසය තුළ ධනාත්මක ක‍්‍රියාමාර්ගවලට එළඹීමට අපට හැකි වුවද නොවිසදුණු තවත් ගැටළු රාශියක් පවතින බව පිළිගත යුතුව තිබෙනවා.

50.    ආර්ථිකය වර්ධනය වන්නේ නම් අපගේ දූදරුවන්ට තවමත් රැකියා නොමැත්තේ ඇයි? ඔවුන් විදේශ රැකියා සොයන්නේ ඇයි?  ආර්ථික වශයෙන් අපේක්ෂිත ප‍්‍රතිඵල නොලැබෙන නුසුදුසු ස්ථානවල පිහිටුවන ගුවන්තොටුපොළවල් සහ ජාතික ව්‍යාපෘතිවල අවශ්‍යතාවයක් තිබෙනවාද? උත්සහවන්ත හා කැපවීමෙන් ක‍්‍රියා කරන මධ්‍යම පාන්තික පවුලකට කුඩා මෝටර් රථයක් මිලට ගත හැකි වන්නේ කවදාද? ආර්ථිකය වර්ධනය වන්නේ නම් බදු ආදායම් අනුපාතය අඩු වන්නේ ඇයි? කෙටියෙන් කිවහොත් බහුතර සමාජය සැළකිලිමත් වන්නේ ශ‍්‍රී ලංකා ආර්ථිකයේ සත්‍ය තත්ත්වය කුමක්ද යන්න ගැනයි.

51.    මෙසේ ඉදිරිපත් වන ගැටළු පසුගිය රජයෙන් අපට දායාද වූ උරුමයන් මත පදනම්ව ඇති බව කිව යුතුයි. ආකර්ශණීය ආර්ථික වර්ධන වේගයක් අත්කරගෙන තිබෙන බවට වූ හැඟීමක් ඇති කරන්නට උත්සාහ කළද අපට උරුම වූ ආර්ථික අවදානම නොයෙක් ක්ෂේත‍්‍රයන්ට විකාශය වී ආර්ථිකයේ ප‍්‍රධාන ව්‍යුහයට ද බලපා ඇති බව කිව යුතුය. එසේම, ආර්ථික වර්ධනය ප‍්‍රධාන වශයෙන් පදනම්ව තිබුණේ අලෙවි කළ නොහැකි ක්ෂේත‍්‍රයන් මතය. රාජ්‍ය මූල්‍ය අංශයේ විශ්මයජනක රාජ්‍ය මූල්‍ය ඒකාග‍්‍රතා ක‍්‍රියාවලියක් ගැන උදම් ඇනුවද රාජ්‍ය මූල්‍ය ව්‍යුහයේ ඇති ප‍්‍රධාන දුර්වලතාවයන් සඟවා ඇති බවත් සඳහන් කළ යුතුයි. පුනරාවර්තන වියදම් සඳහා වූ බැඳීම් ක‍්‍රමයෙන් වර්ධනය වීමෙන් මානව සම්පත් සංවර්ධනය සඳහා වූ ආයෝජනය අවම වීම මත දිගු කාලීන ඵලදායීතාවය අනතුරුදායක තත්ත්වයකට පත් වූ අතර දරිද්‍රතාවයෙන් පෙලෙන්නන්ගේ සංඛ්‍යාව අඩු වුවද, අකාර්යක්ෂම ලෙස සම්පත් බෙදීයාමේ ප‍්‍රතිඵලයක් ලෙස ආදායම් මට්ටම් අතර අසමතාවය වර්ධනය වීම සිදුවුනා.  ප‍්‍රශස්ත මට්ටමට වඩා අඩු සමාජ සුබසාධන ක‍්‍රියාවලියක් පැවති බවත් ඒ සමඟම කිව යුතුයි.

    
52.    ආර්ථික ව්‍යසනයේ තත්ත්වය පිටාර ගැලීමට ආසන්න තත්ත්වයක පැවතුණා. ගරු කථානායකතුමනි, මෙම අයවැය යෝජනා සකස් කිරීම සඳහා අප විශාල උත්සාහයක් දරන ලද අතර 2016 ජාතික අයවැය තුළින් අපට යොමු වූ ගැටලු බොහොමයකට පිළිතුරු ලබා දීමට අප අදහස් කරන බව සඳහන් කරන්නට කැමතියි.

 
රාජ්‍ය මූල්‍ය තත්ත්වය සහ වර්තමාන ආර්ථිකය  

53.    ගරු කථානායකතුමනි, මම දැන් කැමතියි අප ඉදිරියේ තිබෙන අභියෝගාත්මක දැවැන්ත කාර්යභාරය පිළිබඳව පැහැදිළි කිරීමට. ශ‍්‍රී ලංකා ආර්ථිකය ගෙවිය යුතු විශාල ණය සම්භාරයක සහ අයවැය හිඟයක හිරවී තිබෙනවා. මම නැවත නැවතත් ප‍්‍රකාශ කරන්නේ මෙම ණය සහ අයවැය හිඟය පිළිබඳ ගැටලුව අප විසින් නිර්මාණය කරන ලද්දක් නොව අපට උරුම වූ, අකමැත්තෙන් වුවද අවිනිශ්චිත කොන්දේසි තුළ දරාගත යුතුව ඇති තත්ත්වයක් බවය. මෙහි දී අප විසින් ආර්ථික දෘෂ්ඨියෙන් පමණක් නොව සමාජ හා දේශපාලන දෘෂ්ඨියෙන් ද පිළිගත හැකි ප‍්‍රතිඵල ගෙන දෙන නැවුම් වෙනසක් ඇතිවන පරිදි සුබවාදීව කටයුතු කළ යුතු වෙනවා. ඇත්තෙන්ම සාමාන්‍ය ජන වහරේ ඇති පරිදි අයවැය පිළිසකර කිරීමකට වඩා වැදගත් කාර්ය භාරයක් මෙම ආර්ථික පුනරුත්ථාපන සංග‍්‍රාමය තුළ  ඉටු කළ යුතු වෙනවා.

54.    සෑම ජාතියක්ම එම ජාතියට පවතින සම්පත් මත කටයුතු කළ යුතුය යන්න ශ‍්‍රී ලංකාවටත්  පොදුයි.  එම නිසා ආදායම් ඇති කර ගැනීම වෙනුවෙන් බදු එකතු කර ගැනීම සඳහා අසංවේදී ලෙස කටයුතු කිරීමේ හැකියාවක් අපට නැහැ. එමෙන්ම අප විසින් ඉතිරි කිරීම් පිළිබ`දවද අඛණ්ඩ අවධානය යොමු කළ යුතු වෙනවා. ගරු කථානායකතුමනි, බදු ගෙවන්නන්ගේ බදු මුදල් ජාතියේ අභිවෘද්ධිය  සඳහා දැඩි සැලකිල්ලකින් යුතුව ආයෝජනය කළ යුතු බවට ඇති මූලධර්මයට මා එකඟ වෙනවා. පසුගිය අවුරුදු කිහිපයක් තුළ නාස්ති වූ සම්පත් සහ අවස්ථාවන් දෙස බැලීමේ දී එවකට සිටි ආර්ථික විශේෂඥයන් මෙම මූලධර්මයට අනුව කටයුතු කළා ද යන්න මට සැකසහිතයි.

55.     රාජ්‍ය මූල්‍ය අංශයේ ව්‍යුහාත්මක දුර්වලතා පිළිබඳව කඩිනම් අවධානය යොමු කළ යුත්තේ එසේ නොවුනහොත් දිගුකාලීන තිරසාර සංවර්ධනය යථාර්තයක් නොවන නිසයි.  විශාල වශයෙන් සිදුකළ අසත්‍ය ප‍්‍රකාශන පළපුරුදු ආර්ථික විශේෂඥයන්ට යහපත් මාර්ගෝපදේශ නොවනු ඇත. අයවැය හිඟය 2001 වර්ෂයේ දී දළ දේශීය නිෂ්පාදිතයේ ප‍්‍රතිශතයක් ලෙස සියයට 10 සිට 2014 වර්ෂයේ දී සියයට 5.7 දක්වා අඩු වීම සහ සමස්ත ණය ප‍්‍රමාණය 2002 දළ දේශීය නිෂ්පාදිතයේ ප‍්‍රතිශතයක් වශයෙන් සියයට 102 සිට 2014 දී සියයට 72 දක්වා අඩුවීම තුළින් රාජ්‍ය මූල්‍ය ඒකාග‍්‍රතාවය ශක්තිමත් වූ බවට විශ්වාස කිරීමට අපව යොමු කර තිබෙනවා.

 
56.    දැනටමත් මා ප‍්‍රකාශ කළ පරිදි ණයසේවාකරණය සඳහා මුළු රාජ්‍ය ආදායමම උපයෝගී  කරගන්නා බැවින්  එය බරපතල ලෙස පුනරාවර්තන හා මූලධන වියදම් සීමා කිරීම්වලට හේතු වී තිබෙනවා. වර්ධනය වෙමින් පවතින ණය ප‍්‍රමාණය  සමඟ ණය ගැනීමේ මූලාශ‍්‍රයන් ද සැලකිය යුතු වෙනසක්  පෙන්නුම් කරන අතර ගෙවීමට ඇති විදේශ ණය ප‍්‍රමාණයේ වාණිජ ණයවල ප‍්‍රමාණය ද පසුගිය වර්ෂ කිහිපය තුළ වැඩි වීමක් පෙන්නුම් කරනවා.

57.    වඩාත් විනිවිදභාවයෙන් යුත් පෞද්ගලික අංශයේ ආර්ථික කටයුතුවලට පහසුකම් සපයන නිදහස් වෙළඳපල ක‍්‍රමයක් ක‍්‍රියාත්මක කිරීමටත් ආර්ථිකයේ පවත්නා බාධා ඉවත් කිරීමට තුඩු දෙන වෙළඳපොළ මුල් කරගත් ප‍්‍රතිපත්ති අනුගමනය කිරීමටත් අපගේ  රජය ඇපකැප වී සිටිනවා. මේ සඳහා රාජ්‍ය මූල්‍ය අංශයෙන් ආරම්භ කර ආර්ථිකයේ සියලුම අංශ ආවරණය වන පරිදි ක‍්‍රියාත්මක වන දැඩි ප‍්‍රතිසංස්කරණ ක‍්‍රියාත්මක කිරීම අවශ්‍ය වී  තිබෙනවා.

 
58ග    ගරු කථානායකතුමනි, සියලුම ශ‍්‍රී ලාංකිකයින් විසින් දැන ගත යුතු රාජ්‍ය මූල්‍ය අංශයට බලපාන්නා වූ ගැටළු පිළිබ`දව විස්තරාත්මක නිශ්චිත තොරතුරු ඉදිරිපත් කිරීමට ඉඩදෙන ලෙස මා ඉල්ලා සිටිනවා. අප මෙම ගැටලූ පිළිබදව දීර්ඝ කාලයක් තිස්සේ සාකච්ඡුා කරමින් සිටි අතර පසුගිය මාස දහයක පමණ කාලය තුළ දී රාජ්‍ය මූල්‍ය ගැටලූවල නියම ස්වභාවය විමර්ශනය කිරීමට මට අවස්ථාව ලැබුණා. මුදල් අමාත්‍යාංශයේ නිලධාරීන් සම`ග සීමිත සම්පත් උපයෝගීකර ගනිමින් රටේ මහජනතාවට උපරිම ප‍්‍රතිලාභ අත්වෙන අන්දමින් කටයුතු කිරීමට අවස්ථාව ලැබී තිබෙනවා.

බදු ආදායම

59.     ඕනෑම රාජ්‍ය මූල්‍ය ක‍්‍රමවේදයක ශක්තිය ර`දා පවතින්නේ සැලසුම්ගත සහ අවශ්‍ය වියදම් පියවීමට සරිලන ආදායම් ඉපයීමේ හැකියාව මතයි. මෙහි සෘනාත්මක ප‍්‍රතිඵල පසුගිය දශකය තුළ වඩාත්  උත්සන්න වී ඇති අතර ගන්නා ලද ක‍්‍රියාමාර්ග තුළින් අර්ථාන්විත ප‍්‍රතිඵල අත්කර ගැනීමට  අපොහොසත් වී ඇති නිසා මෙම මූලධර්මය අවාසනාවකට මෙන් ශ‍්‍රී ලංකාවට අදාළව ප‍්‍රතිඵල දරා නැහැ.

60.    දළ දේශීය නිෂ්පාදිතයේ ප‍්‍රතිශතයක් ලෙස අඩුවෙමින් පවතින රාජ්‍ය ආදායම ප‍්‍රධාන සාර්ව ආර්ථික ගැටලුවක් පිළිබිඹු කරන බැවින් මෙම උපනතිය ප‍්‍රමුඛතා පදනමින් යුතුව ආපසු හැරවිය යුතු වෙනවා. 1990 වසර තුළ දළ දේශීය නිෂ්පාදිතයෙන් සියයට 19 ක් වූ ශ‍්‍රී ලංකාවේ බදු ආදායම 2014 වර්ෂයේ දී දළ දේශීය නිෂ්පාදිතයෙන් සියයට 10.2 ක් දක්වා සීග‍්‍රයෙන් පහත වැටී තිබෙනවා. 2014 වර්ෂයේ දී බදු ආදායමෙහි වර්ධනය සියයට 4.4 ක් වූ අතර එය නාමික දළ දේශීය නිෂ්පාදිතයේ වර්ධන වේගය වූ සියයට 7.3 වඩා අඩු මට්ටමක පැවතුනා.  මේ නිසා බදු ආදායම ආර්ථිකයේ පුළුල් වීමත් සමඟ වර්ධනය වීමට අපොහොසත් වී ඇති බව පසුගිය වසරවල පෙනෙන්නට තිබෙන බරපතල තත්ත්වයක්.  රාජ්‍ය ආදායම වැඩිකර ගැනීම සඳහා පසුගිය කාලයේ කරන ලද උත්සාහයන් අවාසනාවන්ත ලෙස අසමත් වී ඇති බව දැන ගැනීමට ලැබීම  කණගාටුවට කරුණක් විශ්වාස කළ නොහැකි පරිදි බදු සහ ගාස්තු වර්ග 35 ක් පමණ අයබදු  ක‍්‍රමය තුළ තිබෙනවා. මෙම බදු වලට අදාල නීති සමහරක් යල් පැන ගිය ඒවා වන අතර  බදු ගෙවන්නන්ට  පැහැදිළිව හඳුනා ගත නොහැකියි. බදු නීතිය ගැන අවබෝධයක් ඇති අයට  පමණක් මෙම ව්‍යාකූලතාවය අවබෝධ කරගත හැකි තත්ත්වයක පවතී.  

 
61.    පහත වැටෙන එකතු කළ අගය මත වන බදු එනම් ඪ්ඔ බදු ආදායම මෑත වර්ෂවල දී බදු ආදායම පහත වැටීමට ප‍්‍රධාන සාධකය වී තිබෙන බව පැහැදිළිවම පෙනෙන්නට තිබෙනවා. 2005 වසර තුළ දී එකතු කළ අගය මත බදු ආදායම මුළු බදු ආදායමෙන් සියයට 41 ක් වූ අතර  එය 2014 වර්ෂය වන විට සියයට 26 දක්වා පහත වැටී තිබෙනවා. ඒ වගේම එකතු කළ අගය මත බදු ආදායම දළ දේශීය නිෂ්පාදිතයේ ප‍්‍රතිශතයක් ලෙස 2004 වර්ෂයේ දී සියයට 5.8 සිට 2014 වර්ෂයේ දී සියයට 2.7 දක්වා සීග‍්‍රයෙන් අඩු වී තිබෙනවා. ආදායම් බදුවලින් ලද ආදායම දුර්වල වීම 2006 දළ දේශීය නිෂ්පාදිතයෙන් සියයට 2.7 සිට 2014 දී දළ දේශීය නිෂ්පාදිතයෙන් සියයට 1.9 දක්වා පහත වැටීම තුළින් පෙන්නුම් කරනවා. මේ නිසා ජාතික ආදායම ඉහළ ගිය ද ඊට සරිලන බදු ආදායමක් පෙන්නුම් කරන්නේ නැහැ. බදු ආදායම අඩුවීමට හේතුවූ ආවේනික ලක්ෂණ කීපයක් මෙහි දී වැදගත් වෙනවා. බදු පරිපාලනයේ තිබෙන ගැටලූ නිසා ඇති වී තිබෙන දුර්වල බදු අනුකූලතාවය මීට බලපාන ප‍්‍රධාන හේතුවක්. විවිධ රජයේ ආයතන විසින් ප‍්‍රදානය කර ඇති විවිධාකාරයේ බදු නිදහස් කිරීම් ද බදු කළමනාකරණය දුර්වල කිරීමට හේතු වෙනවා.

 
62.    රාජ්‍ය ආදායමෙන් වැඩි කොටසක් ලැබෙන්නේ වක‍්‍ර බදුවලින් වන අතර සෘජු බදුවලින් එකතු වන අගය ඉතා අඩු කොටසක් වෙනවා. බදු ගෙවිය යුතු සහ බදු ගෙවිය හැකි පුද්ගලයන් බොහොමයක් බදු ක‍්‍රමය තුළ දක්නට ලැබෙන්නේ නැහැ. බදු ගෙවීම මග හැරීම වලක්වන උපායක් ලෙස බදු අනුකූලතාවය ඇති කරන ක‍්‍රමවේදයන් දියුණු කළ යුතු බව කවුරුත් පිළිගන්නා කරුණක්. ඒ වගේම බදු පරිපාලනය ශක්තිමත් කිරීම මේ අනුව අවශ්‍යම වී තිබෙනවා.

63.    ගරු කථානායකතුමනි, ඔබතුමාට මතක ඇති පසුගිය මාස කිහිපය තුළ අප විසින් බදුකරණය පිළිබඳව  පවතින ගැටලූ සඳහා නිර්මාණශීලී ලෙස යම් යම්  ක‍්‍රියාමාර්ග යෝජනා කිරීමට උත්සාහයන් ගත් බව. කෙසේ වුණත් තාවකාලික විසදුම්වලින් ඉවත්වී ඉදිරියට ගෙනයා හැකි ශක්තිමත් බදු ප‍්‍රතිසංස්කරණ මත පදනම් වූ බදු ව්‍යුහයක් බිහි කිරීම තුළින් රටට දිගුකාලීන ප‍්‍රතිලාභ අත්කර ගන්නට පුළුවන්.

 

පුනරාවර්තන වියදම්
 
64.    ගරු කථානායකතුමනි, ආදායම් වැඩිකර ගැනීම සඳහා සිදු කරන  බදු ප‍්‍රතිසංස්කරණ  රාජ්‍ය මූල්‍ය අංශය ශක්තිමත් කිරීමට ප‍්‍රමාණවත් වන්නේ නැහැ.  වියදම් වඩාත් තාර්කීකරණය කිරීම ද ඒ සඳහා ඉතා වැදගත් වනවා. නමුත් ගැටලූව වන්නේ මෙම අවශ්‍යතාවය  සපුරා ගන්නේ කෙසේ ද යන්නයි. වියදම් මට්ටම් අප අසා නැති ප‍්‍රමාණයෙන් වැඩිවීම සිදු වූ පසුගිය රාජපක්ෂ පාලන කාලය තුළින් අපට බොහෝ පාඩම් ඉගෙන ගන්නට පුළුවන්.

65    රේඛීය අමාත්‍යාංශ හා දෙපාර්තමේන්තුවලට  ඔවුන්ගේ පුනරාවර්තන වියදම් මට්ටම අඩු කළ හැකි බවට මා තරයේ විශ්වාස කරනවා. අත්‍යවශ්‍ය නොවන වියදම්  වඩාත් තාර්කීකරණය කිරීමට සහ සීමිත සෘජු බදු ගෙවන්නන්ගේ වියදමින් සහ සමාජයේ දිළිඳු පුද්ගලයන් ද අයත් විවිධ ක්ෂේත‍්‍රවලින් ලැබෙන වක‍්‍ර බදුවලින් කෙරෙන අධික පරිපාලන වියදම් පාලනය කිරීම සඳහා රේඛීය අමාත්‍යාංශ හා දෙපාර්තමේන්තුවල වියදම් අවශ්‍යතා දැඩි ලෙස විශ්ලේෂණය කිරීමට හා ඇගයීමට කාලය පැමිණ තිබෙනවා.

66.    එමනිසා, ජාතික අයවැය සකස් කිරීම සඳහා ශූන්‍ය අයවැය සංකල්පය යොදා ගැනීම මා විසින් තරයේ නිර්දේශ කරනවා. ඇත්ත වශයෙන්ම, 2016 අයවැය සඳහා අප විසින් ශුන්‍ය අයවැය සංකල්පය ඉලක්ක කර ගත් අතර මේ යටතේ වියදම් දරන ආයතන විසින් අරමුදල් සඳහා ඉල්ලීම් කිරීමට පෙර තම අයවැය තුළ ඇති සෑම වියදම් අයිතමයක්ම සාධාරණීකරණය කළ යුතු වෙනවා. මෙම ක‍්‍රියාමාර්ගය ඉදිරි අයවැය සම්පාදනයේ දී තදින්ම පිළිපැ`දිය යුතු වෙනවා. ගරු කථානායකතුමනි, ශුන්‍ය අයවැය සංකල්පය බොහෝ රටවල අයවැය පිළියෙළ කිරීමේ දී අනුගමනය කරනු ලබන ගිණුම්කරණ සිද්ධාන්තයකින් ලබා ගත් සංකල්පයක් වන අතර මෙය ක‍්‍රියාත්මක කිරීමට මෙපමණ කාලයක් ගතවීම ගැන මා මවිත වෙනවා. 2016 ජනවාරි මාසයේ සිට මහා භාණ්ඩාගාරය විසින් ඒ ඒ අමාත්‍යාංශ සහ ආයතනවල අයවැය ප‍්‍රතිපාදන විමර්ශනය කිරීම සඳහා පසු විපරම් කටයුතු ආරම්භ කිරීමට අපේක්ෂා කරනවා.

67.    මහජනතාවගේ දුෂ්කරතාවලට සංවේදී වගකිව යුතු රජයක් වශයෙන් රාජ්‍ය සේවක වැටුප් හා විශ‍්‍රාම වැටුප් ප‍්‍රමාණාත්මකව වැඩි කරමින් ඒ සඳහා වන අපගේ කැපවීම පෙන්නුම් කර තිබෙනවා. ඒ අතරතුර අප සිහියේ තබා ගත යුතු කරුණක් වන්නේ රාජ්‍ය අංශයේ සේවා නියුක්තිය පසුගිය වසර කිහිපය තුළ සිව් ගුණයකින් පමණ වැඩි වී ඇති බවයි.

68.    ගරු කථානායකතුමනි, මේ ක‍්‍රියාදාමයේ පැහැදිළි ප‍්‍රතිවිපාකය වන්නේ කැපී පෙනෙන මට්ටමින් වැඩි වී ඇති වැටුප් වියදමයි. එය උපරිම තත්ත්වයට හා  ඕනෑම සාධාරණත්වයේ මිණුම් දණ්ඩකටත් වඩා ඔබ්බට වර්ධනය වී ඇති බවට අප විශ්වාස කරනවා. මේ නිසා අප විසින් රාජ්‍ය අංශයේ වැටුප් හා වේතනවල අඛණ්ඩ හා තිරසාරභාවය පවත්වාගෙන යාම ස`දහා වඩාත් යෝග්‍ය වැඩපිළිවෙලක් පිළිබ`දව සොයා බැලිය යුතුවනවා. අනෙකුත් කරුණු අතර, රාජ්‍ය සේවයේ කාර්යක්ෂමතාවය, ඵලදායීතාවය හා හැකියා වර්ධනය කිරීම ද මෙයට අන්තර්ගත විය යුතු වනවා.
69.    එසේම, ක‍්‍රමක‍්‍රමයෙන් විශාල අභියෝගයක් දක්වා වර්ධනය  වෙමින් පවතින ඉතා වැදගත් හා සංවේදී කරුණක් වන්නේ රජයේ විශ‍්‍රාම වැටුප් පිළිබඳ වගකීමයි. 2005-2014 කාලය තුළ විශ‍්‍රාම වැටුප් සඳහා වන වියදම සියයට 170 කින් පමණ වැඩිවීම මගින් ජනගහනය වයස්ගතවීම සමඟ අඛණ්ඩව වර්ධනය වන විශ‍්‍රාම වැටුප් වගකීම පවත්වාගෙන යෑම සඳහා අවශ්‍ය සම්පත් ප‍්‍රමාණයෙහි ඉහළ යෑම පෙන්නුම් කරනවා. වැඩිවෙමින් පවතින විශ‍්‍රාමිකයින්ගේ  සංඛ්‍යාව සහ  විශ‍්‍රාම අරමුදල් සඳහා වන වියදමට මේ අවස්ථාවේ පිළියම් නොයෙදුවහොත් අනාගතයේදී එය ඉතා බරපතල ව්‍යාකූල තත්ත්වයකට පත් විය හැකියි.

70.    වර්තමාන විශ‍්‍රාම වැටුප් ක‍්‍රමය යටතේ ප‍්‍රතිලාභ ලබා දීම සඳහා රජය විසින් ඒකාබද්ධ අරමුදලෙන් අරමුදල් ලබා දිය යුතු තත්ත්වයක් තුළ කාලයත් සමඟ ඒ සඳහා වන පිරිවැය ඉහළ යාමේ ප‍්‍රවනතාවයක් පවතින අතර ඒ හේතුවෙන් බදු ගෙවන්නන් මත අනාගතයේ ඒ වෙනුවෙන් විශාල වගකීමක් පැවරෙනු ඇත. එම නිසා විශ‍්‍රාම වැටුප් පිරිවැය රටේ ජනතාවට දැරිය හැකි මට්ටමේ පිරිවැයක් බවට තහවුරු කර ගැනීම සඳහා නව උපක‍්‍රම අප විසින් සොයා බැලිය යුතු වනවා. ගරු කථානායකතුමනි, දැනටමත් විශ‍්‍රාම ගොස් ඇති රජයේ විශ‍්‍රාමිකයන්ගේ සහ දැනට සේවයේ නියුතු රජයේ සේවකයන්ගේ විශ‍්‍රාම වැටුප් වගකීම කිසිම සීමා කිරීමක් නොමැතිව දැරීමට රජයේ ඇති කැපවීම මා සහතික කරනවා. කෙසේ නමුත්, රජයේ සේවයට අභිනවයෙන් බඳවා ගන්නා අයට තිරසාර ලෙස පවත්වාගෙන යා හැකි විශ‍්‍රාම වැටුපක් සැලසුම් කිරීමට අවශ්‍ය තීරණාත්මක උපාය මාර්ග හඳුන්වා දීම අත්‍යවශ්‍ය වී තිබෙනවා.   

71.    ජාතික අයවැයේ පුනරාවර්තන වියදමෙන් සියයට 21 පමණ වන දිගින් දිගටම වර්ධනය වන සහනාධාර සහ පැවරුම්, තවත් ඒ හා සමාන අංගයක්. වඩා විනිවිදභාවයෙන් හා වගකීමෙන් යුක්තව මනා ලෙස ඉලක්ක කරගත් සහනාධාර  ක‍්‍රමයක් තුළින් පුනරාවර්තන වියදම් අඩු කිරීමටත් එමගින් වැඩි සම්පත් ප‍්‍රමාණයක් තිරසාර ඉහළ ආර්ථික වර්ධනයක් ස`දහා අවශ්‍ය සමාජ ආර්ථික පොදු යටිතල පහසුකම්වල ආයෝජනයටත් ඉඩකඩ සැලසෙනවා. ඒ අතරම, අප සමාජයේ විශේෂ අවධානය හා රැකවරණය අවශ්‍ය පුරවැසියන් සිටින බව අප හොඳින් දන්නා කරුණක්. රජය විසින් මෙම පුරවැසියන්ට අඛණ්ඩව උපකාර කිරීමටත් එම තත්ත්වයන්ට හේතු කාරණා හඳුනාගෙන ඔවුන්ට විය හැකි අනර්ථකාරී තත්ත්වයන්ගෙන් ආරක්ෂා කිරීමටත් අප කටයුතු කරනවා.

රාජ්‍ය ආයෝජන

72.    රාජ්‍ය ආයෝජන මෑත අතීතයේ, විශේෂයෙන්ම රාජපක්ෂ රජය කාලයේ, බොහෝ සෙයින් කතා බහට ලක්වූ විෂයයක්. මීට හේතුව රාජ්‍ය ආයෝජන රටේ ආර්ථික සංවර්ධනය ස`දහා වැදගත් අවශ්‍යතාවයක් ලෙස සලකනු ලැබීමයි. රටක රාජ්‍ය ආයෝජනය මූලික වශයෙන් පෞද්ගලික ආයෝජනය දිරි ගැන්වීම සඳහා අත්‍යවශ්‍ය බව තහවුරු කිරීමට මා කැමතියි. මෙම මූලධර්මය පිළිබඳව කිසිදු වෙනසක් හෝ බෙදීමක් නැහැ. කෙසේ වෙතත්, රාජ්‍ය ආයෝජන වැඩසටහන් ඇගයීමේ දී සහ තෝරා ගැනීමේ දී අපගේ ප‍්‍රමුඛතාවයන් සහ ශක්‍යතාවයන් හඳුනාගත යුතු අතර එම ආයෝජන සඳහා සාධාරණ ප‍්‍රතිලාභයක් ලැබෙන බවට තහවුරු කර ගැනීම සඳහා අප කල්පනාකාරී විය යුතුයි.

    
73.    පසුගිය කාලය තුළ දී රාජ්‍ය අංශය විශාල ලෙස පුළුල් වීම තුළ පෞද්ගලික ආයෝජන අඩු වී ඇත. මෑත කාලයේ දී පෞද්ගලික ආයෝජන දළ දේශීය නිෂ්පාදිතයේ ප‍්‍රතිශතයක් ලෙස සියයට 22 ක පමණ අඩු මට්ටමේ පැවතුණි. එය 2011 වසරේදී දළ දේශීය නිෂ්පාදිතයෙන් සියයට 24 ක මට්ටමේ සිට ක‍්‍රමානුකූල අඩුවීමක් පෙන්නුම් කරයි. මෙම ප‍්‍රවනතාවය නැවත සකස් කළ යුතුව තිබෙනවා. අනෙක් අතට, 2005 වසරේ දළ දේශීය නිෂ්පාදිතයෙන් සියයට 4 ක පමණ ප‍්‍රතිශතයක් වූ රාජ්‍ය අයෝජන පසුගිය අවුරුදු 10 තුළ දළ දේශීය නිෂ්පාදිතයේ ප‍්‍රතිශතයක් ලෙස සියයට 6 ක පමණ සාමාන්‍ය අගයක් ගනු ලැබූවා.  මෙම වැඩිවීම විශාල පරිමාණයේ සංවර්ධන ව්‍යාපාරවල ආයෝජන හේතුවෙන් සිදු වී ඇති අතර අවධානයට ලක් කළ යුතු සැබෑ ගැටළුව වන්නේ මෙම අයෝජනවලින් සාධාරණ ප‍්‍රතිලාභයක් ලැබීමට කොපමණ කාලයක් ගතවේද යන්නයි.  මෑතකදී කරන ලද රාජ්‍ය ආයෝජන පිළිබඳ අවිධිමත් ඇගයීමකට අනුව එම ආයෝජන දිගු කාලයක් ගත වන ඉතා අධික විදේශ ණය ප‍්‍රමාණයක් ඉහළ පොළී අනුපාතයකට ලබා ගෙන සිදු කිරීම නිසා එම ණයබර ආර්ථිකය වසා ගත් අඳුරු වළාවක් වී ඇති බව පෙනී ගොස් තිබෙනවා.

 රාජ්‍ය ණය කළමනාකරණය

74.    ගරු කථානායකතුමනි, අප සියලූ දෙනා ඉතා හොඳින් දන්නා පරිදි රාජ්‍ය ණය කළමනාකරණයෙහි තිරසාර බව සහතික කිරීම සඳහා ඉතා දැඩි උපාය මාර්ග සහිතව කඩිනම් අවධානයක් යොමු කළ යුතු වෙනවා. වර්තමානයේ රාජ්‍ය ණය දළ දේශීය නිෂ්පාදිතයේ ප‍්‍රතිශතයක් ලෙස රාජ්‍ය ණය සියයට 72 ක පමණ මට්ටමක පවතින අතර එය පිළිගත් ජාත්‍යන්තර ප‍්‍රමිතීන්ට අනුව ඉතා ඉහළ අගයක් වෙනවා.

75.    මෙහි දී අප විසින් සැලකිල්ලට ගත යුතු ප‍්‍රධානතම කාරණය වන්නේ අපට දරාගත හැකි ණය ප‍්‍රමාණයක් පවත්වාගෙන යන්නේ කෙසේද යන්නයි. පැහැදිළිවම මෙම විසඳුම රඳා පවතින්නේ ප‍්‍රධාන වශයෙන් දැඩි රාජ්‍ය මූල්‍ය කළමනාකරණ විනයක් තුළින් අයවැය හිඟය අඩු කිරීම ඉලක්ක කර ගත් හා ඒ සඳහා කැපවීම් කළ හැකි තත්ත්වයක් මතයි. රාජ්‍ය ණය කළමනාකරණය වැඩි දියුණු කිරීමේ ප‍්‍රධානතම මූලධර්මයක් වන්නේ ණය සේවාකරණය දැරිය හැකි මට්ටමක පවත්වාගෙන යාමයි. අපගේ ඉලක්කය සහ ක‍්‍රමෝපාය වන්නේ සෑමවිටම මේ තත්ත්වය සමඟ අනුකූල වීමයි.

 

රාජ්‍ය ව්‍යවසායයන්

76.    රාජ්‍ය ව්‍යාවසායයන්ගේ පාඩු ලබන ස්වභාවය ජාතික අයවැය මත පමණක් නොව රටේ සමස්ත මූල්‍ය ක්ෂේත‍්‍රයටම විශාල බලපෑමක් ඇති කරනවා. මෙම තත්ත්වය සමනය කිරීමට නිර්මාණශීලී ක‍්‍රියාමාර්ග හඳුන්වාදීමට අසමත්වීම ඉතා අනතුරුදායක තත්ත්වයක් ලෙස සලකන්නට පුළුවන්. මේ නිසා පාඩු ලබන රාජ්‍ය ව්‍යවසායන් වාණිජමය වශයෙන් ඵලදායී රාජ්‍ය ව්‍යවසායන් බවට පත් කර ගැනීම සඳහා අවශ්‍ය ක‍්‍රියාමාර්ග  ප‍්‍රමුඛතා පදනමින් හ`දුන්වාදීමේ දැඩි අවශ්‍යතාවයක් පවතිනවා.

77.    මෙම ව්‍යසනයෙන් මිදීම සඳහා අවශ්‍ය ක‍්‍රියාමාර්ග අප දැනටමත් ආරම්භ කර තිබෙනවා. මෑතකදී, රාජ්‍ය ව්‍යාපාර සංවර්ධන අමාත්‍යාංශය පිහිටුවීම මේ සම්බන්ධව ගනු ලැබූ වැදගත් ඉදිරි පියවරක්. මෙහි දී අප විසින් අවධානය යොමු කරන්නේ රාජ්‍ය ව්‍යාපාර කළමනාකරණ මාදිලිය ප‍්‍රතිසංස්කරණය කිරීම, තෝරාගත් පොදු සේවා සඳහා වෙළඳපොළ පදනම් කර ගත් මිල ක‍්‍රමවේදයන් හඳුන්වා දීම මෙන්ම පවතින ශ‍්‍රමබලකායේ ඵලදායීතාවය වැඩි කරන අතරම නව බඳවා ගැනීම් තර්කාන්විත කිරීම සහ පෞද්ගලික අංශයේ සහාය ඇතිව රාජ්‍ය ව්‍යාපාරවල කාර්යක්ෂමතාවය වැඩි දියුණු කර ගැනීම පිළිබඳවයි.

 

 
ආර්ථිකයට අදාළ අනෙකුත් ප‍්‍රවනතාවයන් සහ ගැටලු

78.    ගරු කථානායකතුමනි, වසරකට අඩු පාලන කාලය තුළ අප ලද සුවිශේෂී ජයග‍්‍රහණයක් වන්නේ උද්ධමනය විශාල ලෙස අඩුකරගත හැකි වීමයි. උද්ධමන පාලනය කොතරම් තීව‍්‍ර වීද යත් අවුරුදු තිහකට පසුව ප‍්‍රථම වරට ශ‍්‍රී ලංකාවේ අවධමනයක් වාර්තා වුනා. මෙම තත්ත්වය ඒ හා සම්බන්ධ ව්‍යුහාත්මක වෙනසක් නියෝජනය කරන බව මාගේ විශ්වාසයයි. මේ අනුව වර්ෂය අවසානය වන විට උද්ධමනය සියයට 2 සිට 3 අතර ප‍්‍රමාණයක පවතී යැයි බලාපොරොත්තු වෙනවා. මධ්‍ය කාලීනව ද අපගේ ඉලක්කය වන්නේ උද්ධමනය මෙවැනිම තනි පහළ අගයක පවත්වාගෙන යාම සහ එම අරමුණ ළ`ගා කර ගැනීමට  මහ බැංකුවට වඩාත් ස්වාධීනව කටයුතු කිරීමට ඉඩකඩ සැලසීමයි.

79.    ගරු කථානායකතුමනි, අපට තවමත් මුහුණු දීමට සිදු වී ඇත්තේ පසුගිය රජය විසින් අප වෙත උරුම කළ ගැටළු විසඳා ගැනීමේ අභියෝගයටයි. ඔවුන් විසින් ප‍්‍රචාරය කරන ලද පසුගිය රජයේ ආර්ථික දර්ශක අතිශයෝක්තියෙන් යුක්ත වූ හිස් බඳුනකින් නැගෙගන හඩක් ලෙස හඳුන්වා දෙන්නට පුළුවන්. ඔබතුමා දන්නා පරිදි ජනලේඛන හා සංඛ්‍යා ලේඛන දෙපාර්තමේන්තුව මෑතක දී නිකුත් කළ ආර්ථික වර්ධනයට අදාළ සංඛ්‍යා ලේඛන අනුව ඔවුන් විසින් පසුගිය කාලයේදී පදනම් විරහිතව ඉදිරිපත් කළ සංඛ්‍යා ලේඛන සම්ප‍්‍රප්ලාප  ලෙස නම් කරන්නට පුළුවන්. වත්මන් සංඛ්‍යා ලේඛන අනුව  රටේ ආර්ථික වර්ධනය 2013 දී සියයට 3.4 වූ අතර 2014 දී එය සියයට 4.5 ක් වනවා. පෙර නිකුත් කළ දත්ත හා සැස`දීමේ දී ඒවා ඉතා අඩු බව පෙනී යනවා. මෙම පසුබිම තුළ 2015 දී ආර්ථික වර්ධනය සියයට 6 ක්  පමණ වේ යැයි  අපගේ විශ්වාසයයි. අප ලබා ගත් ජයග‍්‍රහණ මත නිද්‍රෝපගත නොවී ජවසම්පන්නව ඉදිරියට ගමන් කරමින් ඉදිරි වර්ෂ කිහිපය තුළ සියයට 7 සිට සියයට 8 ක පමණ ආර්ථික වර්ධන වේගයක් අත්කර ගන්නට අපේක්ෂා කරනවා. මෙම අයවැය යෝජනා ඒ සඳහා පදනමක් වන අතර බලාපොරොත්තු වන ආර්ථික වර්ධනය ලබා ගැනීම සඳහා ශක්තියක් ද වනු ඇත.

 
80.    ශ‍්‍රී ලංකාවේ විරැකියා අනුපාතය රටේ රැකියාවල නිරත විය හැකි ජනගහනයෙන් සියයට 4.6 ක් පමණ වනවා. කෙසේ වෙතත් තියුණු විශේලේෂණයන් පෙන්වා දෙන්නේ උගත් තරුණ තරුණියන් අතර විරැකියාව සියයට 20 කටත් වඩා වැඩි බවයි. මෙය ඉතා අවාසනාවන්ත තත්ත්වයක්. මෙම තත්ත්වය සමනය කර ගැනීම සඳහා වහාම ක‍්‍රියාත්මක විය යුතු වනවා. අප විසින් උගත්කමේ වටිනාකමට සරිලන අගයක් ලබා දිය යුතු අතර ඔවුන්ට රැකියා සඳහා සුදුසු අවස්ථාවන් ද ලබා දිය යුතු වනවා.

81.    ගරු කථානායකතුමනි, ජනලේඛන හා සංඛ්‍යා  ලේඛන දෙපාර්තමේන්තුවේ දත්තයන්ට අනුව ශ‍්‍රී ලංකාවේ දරිද්‍රතාවය සියයට 6.7 ක් වනවා. එසේ වුවත්, ශ‍්‍රී ලංකාවේ දරිද්‍රතා දර්ශක තුළ දිනකට ඇමෙරිකන් ඩොලර් 2 කට වඩා අඩු ආදායම් ලබන සංඛ්‍යාව සියයට 20 ක් පමණ වන බව පෙනෙනවා.  මේ පිළිබඳව අපට සතුටු විය හැකිද? ශ‍්‍රී ලංකාවේ උපන් සියලූම පුරවැසියන්ට අවම අවශ්‍යතාවයන් වන කෑම බීම, ඇඳුම් පැලඳුම් සහ නිවහනක් ලබා ගත හැකි විය යුතු වනවා. මේ පිළිබඳ වගකීම අප සැම භාරගත යුතු අතර සුදුසු විසඳුම් සොයා දීම සඳහා උත්සුක විය යුතු වනවා.  තව ද, ආදායම් බෙදී යාමේ විෂමතාවය පිළිබඳව ද අපගේ දැඩි අවධානය යොමු විය යුතු වෙනවා.

82ග    එමනිසා, ආර්ථික ප‍්‍රතිපත්ති ක‍්‍රියාමාර්ග සැළසුම් කළ යුත්තේ දරිද්‍රතාවයෙන් පෙළෙන ජනතාව සංවර්ධන ක‍්‍රියාදාමයේ කොටස්කරුවන් වීමට ඉඩ සලසා දෙන ලෙසයි. එසේ වුවත්, මෙවනි ක‍්‍රියාමාර්ග සුදුසු පරිදි ඉලක්ක කොට පසු විපරමකට ලක් කළ යුත්තේ රාජ්‍ය මූල්‍ය ක්ෂේත‍්‍රයට අනවශ්‍ය පීඩනයක් ඇති නොවන ලෙසයි. ක්ෂද්‍ර මූල්‍ය ක්ෂේත‍්‍රයේ පහසුකම් ලබන සුළු පරිමාණ ව්‍යාවසායකයන් බලාපොරොත්තු වන්නේ ඔවුන්ගේ තිරසාර අරමුණු ඉටු කර ගැනීමටයි. ක්ෂුද්‍ර මූල්‍ය ක්ෂේත‍්‍රයේ නියුතු ආයතන ඔවුන්ගේ අපේක්ෂාවන් ඉටු කරලීමේ මෙහෙවර සාක්ෂාත් කර ගැනීමට උපකාර කරනු ඇති බව මගේ විශ්වාසයයි.

83.    සෞඛ්‍ය සම්පන්න දේශයක් බිහිකිරීමෙහි ලා ශ‍්‍රී ලංකාවේ දරුවන්ගේ සහ මව්වරුන්ගේ මන්දපෝෂණය දුරුකිරීම අත්‍යවශ්‍ය කාරණයක්. පාසල් සහ සෞඛ්‍ය සේවා ඒකාබද්ධ ප‍්‍රතිපත්ති තුළින් ප‍්‍රජාව දැනුවත් කිරීම මගින් ඔවුන්ගේ පෝෂණ තත්ත්වය ඉහළ දැමීම කළ යුතුව තිබෙනවා. අපගේ සාක්ෂරතාවය ජාත්‍යන්තරව ද ඉහළ මට්ටමක පවතිනවා. නමුත්, අපගේ තියුණු මන්දපෝෂණ දර්ශකය සසඳනු ලබන්නේ දකුණු ආසියාවේ රටවල් සමග පමණයි. අප මෙම දර්ශකය මෙම කලාපයෙන් ඔබ්බට  ජාත්‍යන්තර මට්ටමින් සළකාබැලිය යුතු අවස්ථාවට දැන් එළඹ තිබෙනවා.

84.    ගරු කථානායකතුමනි, ශක්තිමත් ආර්ථිකයක් බිහි කිරීම සඳහා වන අපගේ ප‍්‍රයත්නයේදී  විදේශ අංශය සහ ගෙවුම් තුලනය වැඩි දියුණු කර ගැනීම සඳහා ශක්තිමත් ක‍්‍රියාමාර්ග ගතයුතු වෙනවා. මේ ස`දහා අපනයන වර්ධනය කිරීම, ආනයන වඩාත් තාර්කීකරණය කිරීම සහ අවශ්‍ය ප‍්‍රතිසංස්කරණ හඳුන්වා දීම මගින් වර්තන ගිණුම සඳහා වන අනෙකුත් ගලා ඒම් දිරිගැන්වීම සිදුකළ යුතු වනවා.
 
85.    ගරු කථානායකතුමනි, ශ‍්‍රී ලංකාව පුළුල් වෙළඳ හිඟියකට මුහුණ දී තිබෙනවා. අපගේ අපනයනයන් ක‍්‍රමයෙන් අඩු වී වර්තමානයේ එය දළ දේශීය නිෂ්පාදිතයෙන් සියයට 14 ක පමණ ප‍්‍රතිශතයක තිබෙනවා. එසේ වුවත්, ආනයන දළ දේශීය නිෂ්පාදිතයෙන් සියයට 27 ක් පමණ දක්වා වැඩි වී තිබෙනවා. තවද, දළ දේශීය නිෂ්පාදිතයේ ප‍්‍රතිශතයක් ලෙස ආනයන හා අපනයන ප‍්‍රමාණය 2000 වසර මැද භාගයේ දී පැවති සියයට 60 සිට මේ වන විට සියයට 41 දක්වා අඩු වී තිබෙනවා. දශකයක් පුරා ක‍්‍රියාත්මක වූ පසුගිය රජයේ දූරදර්ශී ප‍්‍රතිපත්ති මෙම පසුබෑමට හේතු වී ඇති බව පෙනෙනවා.  ගරු කථානායකතුමනි, පසුගිය කාලය තුළ ආර්ථික විශේෂඥයන්ගේ දැක්මට අනුව නොයෙකුත් ආර්ථික මූලධර්මයන් අනුගමනය කර විවෘත ආර්ථික ප‍්‍රතිපත්තිවලින් බැහැර වෙමින් දිනෙන් දින සංවෘත ආර්ථිකයක් කරා ළඟා වෙමින් සිටි බව පෙනෙන්නට තිබෙනවා. මෙම සෘණාත්මක ප‍්‍රවණතාවයන්ගෙන් ආර්ථිකය මුදවාගත හැක්කේ නිර්මාණාත්මක ක‍්‍රියාමාර්ගයක් සහිතව ඒකාබද්ධ ක‍්‍රමවේදයක් තුළින් අපනයන ක්ෂේත‍්‍රය දිරිමත් කිරීම තුළිනුයි.

86.    අපගේ ආනයන වියදම් තිරසාර මට්ටමකට අඩු කිරීමට ද අප විසින් කටයුතු කළ යුතුයි. ඒ අතරම ආර්ථික ක‍්‍රියාවලියෙහි දී ඇතිවන අන්තර්භාණ්ඩ හා ආයෝජන භාණ්ඩ  අවශ්‍යතාවයන්ට මෙන්ම රටෙහි ආදායම් මට්ටම ඉහළ යෑම තුළින් ඇතිවන ඉල්ලුම සපුරාලීමටත් ආනයන සිදුකිරීම අවශ්‍ය බව සහතිකවම මා දන්නවා. කෙසේ වුවත්, දේශීය නිෂ්පාදන ක්ෂේත‍්‍රය ප‍්‍රවර්ධනය කිරීම සඳහා අවශ්‍ය සහාය ලැබී නොමැතිවීම මෙහිදී අප සැලකිල්ලට ගත යුතුයි. තවද, අපනයන වෙළඳපොළට පිවිසීමේ අරමුණින් කෘෂිකාර්මික නිෂ්පාදනවල තත්ත්වය සහ අස්වැන්න වැඩි කරලීමේ ක‍්‍රමවේදයන්ටද අපගේ සහාය ලබා දිය  යුතුයි. අපගේ අවසාන ඉලක්කය විය යුත්තේ දැනටමත් පවතින අපනයන වෙළඳපොල අවස්ථා තවදුරටත් ප‍්‍රසාරණය කරගැනීම, නව අපනයන වෙළඳපොලවලට පිවිසීම, අපනයන විවිධාංගීකරණය කිරීම මෙන්ම, ආහාරවලින් ස්වයංපෝෂිත කිරීම මගින් ආහාර සුරක්ෂිතාවය තහවුරු කිරීමයි.  

 
87.    විදේශ රැකියාවල නියුතු ශ‍්‍රී ලාංකිකයින් මෙරටට පේ‍්‍රෂණය කරනු ලබන මුදල් රටේ ගෙවුම් තුලනයට විශාල පිටිවහලක් වෙනවා. විදේශ රැකියාවල නිරත වෙමින් මහන්සි වී උපයනු ලබන මුදල් මෙරටට පේ‍්‍රෂණය කරන ශ‍්‍රී ලාංකිකයන්ට අප රජයක් ලෙස කෘතවේදී විය යුත්තේ ඔවුන්ගේ එම පේ‍්‍රෂණ මගින් රටේ ආර්ථිකය ශක්තිමත් වන බැවිනුයි. ඔවුන්ගේ මෙම දායකත්වය අගය කරන අතරම නුපුහුණු සේවකයන් ලෙස මැදපෙරදිග රටවලට අපගේ මව්වරුන්, සහෝදරියන් හා දියණියන් යැවීම සීමා කිරීමට අප සෑම උත්සාහයක්ම දැරිය යුතුයි. මේ සඳහා කළ යුත්තේ පිටරටක රැකියා සොයායාම වැළැක්වීමට පිළියමක් ලෙස ඔවුන්ට ශ‍්‍රී ලංකාව තුළ රැකියා අවස්ථා ඇති කරලීමයි. මෙම අරමුණ ඉටුකර ගැනීම සඳහා සුදුසු සියලු ක‍්‍රියාමාර්ග සොයා බැලීමට අප කටයුතු කළ යුතුව තිබෙනවා. එසේම තවත් උපක‍්‍රමයක් ලෙස පුහුණු හා නිපුණතාවලින් හෙබි පුද්ගලයන්ට විදේශ රැකියා ලබාගැනීමේ ඉඩකඩ සැලසීම ස`දහා නිපුණතා සංවර්ධනය කිරීමට අවශ්‍ය පියවර ද අප විසින් ගත යුතුව තිබෙනවා. එවැනි ප‍්‍රවේශයන් විදේශ රැකියා අපේක්ෂා කරන්නන්ගේ වටිනාකම වැඩි දියුණු කිරීමට හේතු වනවා ඇති.

88    ගරු කථානායකතුමනි, සංචාරක ව්‍යාපාරයේ ඇති වැදගත්කම ගැන විශේෂයෙන් ස`දහන් කළ යුතු යයි මා අදහස් කරන්නේ නැහැ. රටේ ආර්ථික ක‍්‍රියාවලියට හා සංවර්ධනයට ධනාත්මක ලෙස දායකවන සංචාරක ව්‍යාපාරය කැපී පෙනෙන විදේශ විනිමය ප‍්‍රමාණයක් උපයන ශක්තිමත් ව්‍යාපාරයක් වනවා. සංචාරක ගමනාන්තයක් ලෙස ශ‍්‍රී ලංකාවේ ඇති ඉතා විශාල වැදගත්කම හා එහි විභවතාවය අප තවමත් හරිහැටි හ`දුනාගෙන නොමැති බව පිළිගත යුතුයි. අපට කොතැනක හෝ වැරදීමක් සිදු වී ඇති බැවින් එය සොයා බැලීමට ගැඹුරු විශ්ලේෂණයක් කළ යුතුවෙනවා. ශ‍්‍රී ලංකාව ලෝකයේ පිළිගත් ප‍්‍රමිතීන්ට අනුකූලවන සංචාරක ගමනාන්තයක් කිරීම පසුගිය රජය සිදුකළ පරිදි පටු ආකල්ප සහිත විවිධ වාණිජ පරමාර්ථයන් පදනම් වූ උධෘත පාඨවලින් පමණක් කළ හැකි වන්නේ නැහැ. ‘‘ඉන්දියන් සාගරයේ මුතු ඇටය’’ ලෙස හැ`දින්වූ ශ‍්‍රී ලංකාවට නැවත එම නම ප‍්‍රතිෂ්ඨාපනය කිරීම සඳහා අවශ්‍ය ක‍්‍රියාමාර්ග සොයමින් යාමේ කාර්යය නතර කිරීමට දැන් කාලය පැමිණ ඇත. ඒ වෙනුවට, මෙම කර්මාන්තය නඟා සිටුවීම සඳහා පුළුල් ප‍්‍රතිපත්ති රාමුවක් සකස් කිරීම අත්‍යවශ්‍ය වී තිබෙනවා. අප රටේ ඓතිහාසික වැදගත්කමකින් යුතු ස්ථාන හා සෞන්දර්යාත්මක පරිසරය උපයෝගී කර ගනිමින් මෙම ව්‍යාපාරය දියුණු කිරීමට ඇති අවස්ථා වර්ධනය කිරීම අත්‍යවශ්‍ය වෙනවා.

89.    පසුගිය දශකය තුළ සෘජු විදේශ ආයෝජන ඉතා අඩු මට්ටමක පැවති ඇති අතර දශක තුනක් පමණ කාලයක් පැවතුණු දීර්ඝ අභ්‍යන්තර අරගලය අවසන් වූ පසුව ද අයෝජනයන්හි සැලකිය යුතු වර්ධනයක් සිදු වී නැහැ.  පසුගිය වසර 10 තුළ සාමාන්‍යයක් ලෙස අප ලද විදේශ ආයෝජන වසරකට ඇමෙරිකන් ඩොලර් මිලියන 919 පමණ වෙනවා. මෙවැනි දුර්වල තත්ත්වයකට පත්වීමට ප‍්‍රධාන හේතුවක් ලෙස සඳහන් කළ හැක්කේ පසුගිය රජය පවත්වාගෙන ගිය හිතුවක්කාර විදේශ ප‍්‍රතිපත්තිය හා රජය නියෝජනය කළ දේශපාලනඥයන් විසින් ජාත්‍යන්තරය පිළිගත් විදේශ රටවල නායකයන්ට එල්ල කළ වාග් ප‍්‍රහාර හේතුවෙන් ඇති වූ දැඩි විරෝධයයි. මෙය වෙනස් කළ යුතු ඉතාම කණගාටුදායක තත්ත්වයක්. දේශීය ඉතිරිකිරීම් පමණක් ප‍්‍රමාණවත් නොවන තත්ත්වයක් තුළ විශේෂයෙන් අප විසින් අත්පත් කර ගත යුත්තේ ණයබරක් ඇති නොකරන විදේශ ආයෝජන ප‍්‍රභවයන්ය.  ගරු කථානායකතුමනි, යුධමය වාතාවරණයකින් මිදුණු බොහෝ ආසියානු රටවල් දියුණු තත්ත්වයට පත් වූයේ සෘජු විදේශ ආයෝජන හරහා බව සත්‍යයක්. අපි දේශයක් ලෙස පසුගාමී වූ කාලය අවසන් කළ යුතුව ඇති අතර යදම් බිඳ දැමීමට සුදුසුම අවස්ථාව වර්තමානයයි. එබැවින් ශ‍්‍රී ලාංකීය ආර්ථිකයේ උන්නතිය උදෙසා ආර්ථික වර්ධන වේගය වැඩි කර ගැනීමට විදේශ ආයෝජකයින්ට අප ආරාධනා කරනවා.

90.    රටෙහි විදේශ අංශයෙහි අපේක්ෂා කරන මෙම වර්ධනයන්  ශ‍්‍රී ලංකාවේ විදේශ සංචිත ශක්තිමත් කිරීමට උපකාරී වනු ඇති අතර දේශීය විදේශ විනිමය වෙළඳපොළ තුළ රුපියල ශක්තිමත් කිරීමට ද හේතු වෙනවා.
 
91.    ඵලදායීතා වර්ධනය අත්‍යවශ්‍ය කාර්යයක් බවට පත්ව තිබෙන අතර එය සංවර්ධන ඉලක්ක  ළඟා කර ගැනීම සඳහා තීරණාත්මක වන කාරණයක්. ඵලදායීතා වර්ධන ගමන් මඟෙහි කෘෂිකාර්මික අංශයට විශේෂ අවධානයක් යොමු කළ යුතුවන අතර කර්මාන්ත හා සේවා අංශයන්හි ද ඵලදායීතාව වැඩි දියුණු කළ යුතු වෙනවා.  

92.    කෘෂිකාර්මික අංශයෙහි ඵලදායිතාවය දුර්වල තත්ත්වයක පැවතීමට, බීජ හා කෘෂි උපකරණවල තත්ත්වය, දුර්වල යාන්ත‍්‍රීකරණය, ව්‍යාප්ති සේවාවන්හි දුර්වලතා, අධික පසු අස්වනු හානි, ගොවීන්ට සාධාරණ මිලක් නොලැබීම, මෙන්ම වෙළඳපොල හා ගබඩා පහසුකම් අවම වීම ආදී හේතු බලපා තිබෙනවා.  කෙසේ වෙතත්, කෘෂිකාර්මික ක්ෂේත‍්‍රය සංවර්ධනය කිරීමේදී රජයේ වැඩි ආයෝජනය සිදුවී ඇත්තේ සහනාධාර ලබාදීම පිළිබඳව බව පෙනෙනවා.  කෘෂිකාර්මික ක්ෂේත‍්‍රයේ වර්ධනය සඳහා විද්‍යාත්මක පර්යේෂණ යොදා ගැනීම හා ඒ පිළිබඳව දැනට පවත්නා අඩුපාඩු අවම කිරීම මෙහි දී ප‍්‍රමුඛ වෙනවා. මෙවැනි ක‍්‍රමවේදයන් තුළින් ගොවි ජනතාවගේ ජීවන තත්ත්වය වැඩි දියුණු කළ හැකි බව මගේ විශ්වාසයයි.

 
93.    රටේ ආර්ථික වර්ධනය සඳහා සුළු හා මධ්‍ය පරිමාණ ක්ෂේත‍්‍රයේ වර්ධනය ඉතා වැදගත්  වෙනවා.  දළ දේශීය නිෂ්පාදිතයෙන්  සියයට 70  ක් පමණ සුළු හා මධ්‍ය පරිමාණ ක්ෂේත‍්‍රයෙන් ලබා දීම සතුටුදායක තත්ත්වයක් වුනත්, ආර්ථික සංවර්ධනයට තවත් සහායවීම පිණිස මෙම ක්ෂේත‍්‍රයට වැඩි අවධානයක් යොමු කළ යුතු වෙනවා. ගරු කථානායකතුමනි, පසුගිය කාලයේදී රාජ්‍ය ආයතන, සුළු හා මධ්‍ය පරිමාණ කර්මාන්ත සංවර්ධනය සඳහා ලබා දී ඇති දායකත්වය ප‍්‍රමාණවත් නොවන බවත්, පෞද්ගලික අංශය ප‍්‍රමාණවත් දායකත්වයක් මෙම අංශයට ලබා දී ඇති බවත්, මා මෙහි දී සඳහන් කළ යුතුයි. සුළු හා මධ්‍ය පරිමාණ අංශය පිළිබඳව පසුගිය රජයේ අවධානය කොතෙක් දුරට යොමු වූයේද යන්න අපැහැදිලි බවත් එම අංශයේ දියුණුව සඳහා ඉතා අවම කාර්යභාරයක් ඉටු කර ඇති බවත් සඳහන් කරන්නට කැමතියි.
94.    ගරු කථානායකතුමනි, ලූහු කාර්මික නිෂ්පාදනයේ සිට අධිතාක්ෂණික නිෂ්පාදනය දක්වා වටිනාකම් දාමය වර්ධනය කරමින්, නිෂ්පාදන ක්ෂේත‍්‍ර වැඩි දියුණු කිරීම  සඳහා තිරසාර කර්මාන්ත ප‍්‍රතිපත්තියක් රටට අවශ්‍යයි. විධිමත් පර්යේෂණ හා සංවර්ධන ක‍්‍රියාදාමයන් තුළින් නව තාක්ෂණය යොදා ගැනීම සහ නවීන ක‍්‍රම හඳුන්වා දීම අත්‍යවශ්‍ය වෙනවා. කුඩා හා මධ්‍ය පරිමාණ ව්‍යාපාර පෝෂණය හා සංවර්ධනය කිරීමට කටයුතු කළ යුතු අතර ඒවාට විශාල ව්‍යාපාර හා සම්බන්ධවීමට පහසුකම් සලසා  දිය යුතුයි.   එමගින් සුළු හා මධ්‍ය පරිමාණ කර්මාන්තකරුවන්ට මහා පරිමාණ සැපයුම් දාමයට සම්බන්ධවීමට අවස්ථාව සැලසෙනවා. ඉදිරි තරඟකාරිත්වයට මුහුණදීම සඳහා අපේ කර්මාන්ත දියුණු කිරීම සඳහා ජාත්‍යන්තරය පිළිගත් සැපයුම්දාම කළමනාකරණ මූලධර්ම හඳුන්වාදිය යුතුව තිබෙනවා. අතිගරු ජනාධිපතිතුමාගේ දැක්ම වන්නේ දේශීය ව්‍යවසායකත්වය සංවර්ධනය කිරීම මඟින් දේශීය කර්මාන්ත වැඩි  දියුණු කිරීමයි.  

95.    අතිගරු ජනාධිපතිවරයාගේ දර්ශනය වන්නේ  දේශීය ව්‍යවසායක්තවය සංවර්ධනය ස`දහා සහාය ලබා දීම තුලින් දේශීය කර්මාන්ත නඟා සිටුවීමයි. වැදගත් ආර්ථික අංශයක් ලෙස ක්ෂුද්‍ර මූල්‍ය ක්ෂේත‍්‍රය සංවර්ධනය වී ඇති අතර ක්ෂුද්‍ර මූල්‍ය ව්‍යවසායකයා මූල්‍ය හා ව්‍යාපාර ජාලයට ඇතුලත් වී අවශ්‍ය සහාය ලබා ගැනීමට හැකි මට්ටමකට පත්වෙමින් සිටිනවා.  රටේ ආර්ථික වර්ධනය කෙරෙහි ධනාත්මක බලපෑමක් ඇති කරමින් මෑත වසරවලදී දරිද්‍රතා දර්ශකය පහළ මට්ටමකට ගෙන ඒමට ක්ෂුද්‍ර මූල්‍ය ක්ෂේත‍්‍රයේ වර්ධනය දායක වී ඇති බව සඳහන් කළ යුතුයි.  කෙසේ වුවත්, මෙම ක්ෂේත‍්‍රයේ ධනාත්මක වර්ධනය පවත්වාගෙන යාම සහතික කරනු සඳහා ක්ෂුද්‍ර මූල්‍ය ක්ෂේත‍්‍රය ප‍්‍රමුඛතාවයක් ලෙස සලකා නියාමනය කළ යුතුව තිබෙනවා.

96.    විශේෂයෙන් විවෘත වෙළඳපොල ක‍්‍රමය හඳුන්වා දීමෙන් පසුව කුඩා පරිමාණ විවිධ සේවාවන්හි සිට තොරතුරු හා සන්නිවේදන තාක්ෂණ සහ මූල්‍ය සේවා වැනි ඉහළ තාක්ෂණික හැකියාවන් හා ඉහළ වටිනාකමින් යුතු ක‍්‍රියාකාරකම් දක්වා සේවා අංශයේ වැදගත්කම හා එහි ස්වභාවය පසුගිය කාලයේදී කැපී පෙනෙන පරිවර්තනයකට බඳුන් වී තිබෙනවා. මෙම තත්ත්වය යටතේ විශේෂයෙන් වරාය හා ගුවන්තොටුපල ආශ‍්‍රිත කටයුතු, සංචාරක කර්මාන්තය, තොරතුරු තාක්ෂණය සහ විදුලි සංදේශ ආදී ක්ෂේත‍්‍රයන්හි ප‍්‍රතිපත්ති ක‍්‍රියාමාර්ග ශක්තිමත් කළ යුතු වෙනවා.  බාහිර පාර්ශවයන්ට ව්‍යාපාරික කටයුතු සඳහා සේවා ලබා දීමේ සංකල්පය  (^Business Process Outsourcing -BPO) දීර්ඝ කාලයක් තිස්සේ පැවති අතර වසරින් වසර මෙම BPO අංශය වර්ධනය වී  තිබෙනවා.  එහෙත් මෙම අංශයේ අපගේ සේවකයන්ගේ ඉහළ දැනුම හා කුසලතා පිළිබ`දව සලකන කල දළ දේශීය නිෂ්පාදිතයට මෙම අංශයෙන් ලබා දී ඇති සමස්ත දායකත්වය පිළිබඳව සෑහීමකට පත්විය නොහැකියි.

97.    විරැකියා දර්ශකය දිගින් දිගටම අඩු මට්ටමක පවතින තත්ත්වයක් යටතේ ශ‍්‍රම ඵලදායීතාවය ඉහළ නැංවීමට හා ප‍්‍රාග්ධන සම්පත් යොදා ගැනීම වැඩි කිරීමද අත්‍යවශ්‍ය වනවා.  ප‍්‍රාග්ධන යෙදවුම් වැඩි කිරීමේදී පෞද්ගලික අංශයේ කාර්යභාරය වැදගත් කමක් ගන්නවා. විරැකියාව හා ශ‍්‍රම බලකායේ සහභාගිත්වය ගැන සැලකීමේදී කාන්තා ජනගහනය අසමානව නියෝජනය වීමක් දක්නට තිබෙනවා. එබැවින් මෙම අසමතුලිතතාවයට පිළියමක් ලෙස රැකියාවලට යන කාන්තාවන්ට සිය දරුවන් සුරක්ෂිත ලෙස රඳවා තැබීමට හැකි පහසුකම් වැඩිදියුණු කිරීම සහ ආරක්ෂිත පොදු මගී ප‍්‍රවාහන සේවයක් ලබා දීම කෙරෙහි අවධානය යොමුවිය යුතුයි. ශ‍්‍රී ලංකාවේ ආර්ථිකය ශක්තිමත් කිරීම සඳහා ශ‍්‍රී ලාංකීය කාන්තාවන් විසින් ලබා දෙන ඉමහත් දායකත්වය අප සියළු දෙනාම දන්නා කරුණක්. එබැවින්, දේශයේ ආර්ථිකය දිරිගැන්වීම සඳහා අපේ මව්වරුන් දරන ප‍්‍රයත්නය තවදුරටත් පවත්වා ගෙන යාම සඳහා ඔවුන්ට උපරිම පහසුකම් සැලසිය හැකි මාර්ග සොයා බැලිය යුතු වෙනවා.

98.    පසුගිය එක්සත් ජාතික පක්ෂ රජයේ පාලන සමයේදී යල් පැනගිය කම්කරු නීති යාවත්කාලීන කිරීමට කටයුතු කරනු ලැබුවා.  එහෙත් පවත්නා නීතිමය හා සමාජමය බාධක හේතුවෙන් සහ දැනට පවත්නා කුසලතා හා අවශ්‍ය කුසලතා අතර පවතින අසමානතාවය හේතුවෙන් තවමත් ශ‍්‍රම නම්‍යතාවය පහළ මට්ටමක පවතී. අධ්‍යාපන ප‍්‍රතිසංස්කරණ යටතේ නව පාඨමාලා හඳුන්වාදීම මගින් මෙම අසමානතා අවම කිරීමේ කාර්යය අධ්‍යාපන විශේෂඥයන්ට පැවරිය යුතුව තිබේ. එසේම ශ‍්‍රී ලංකාවේ තොරතුරු හා සන්නිවේදන තාක්ෂණ ක්ෂේත‍්‍රයේ මෑතකදී ඇති වූ දියුණුව සමඟ මතුව ඇති එහි අසුබවාදී පැතිකඩ පිළිබඳවද අප විසින් සොයා බැලිය යුතු වෙනවා.

 
99.    තවද, විශේෂිත හැකියාවන් සහිත ජනතාව ශ‍්‍රම බලකායට ඇතුලත් කර ගැනීම සඳහා භෞතික යටිතල පහසුකම් හා සමාජ ආර්ථික පුරුදු වැඩි දියුණු කිරීම ද අත්‍යවශ්‍ය වෙනවා. මේ අවස්ථාවේදී අවශ්‍ය වන්නේ විශේෂ හැකියා සහිත පුද්ගලයන්ට තිරසාර රැකියා අවස්ථා ලබා ගැනීමට අවකාශ සැලසීම විනා ඔවුන්ට හුදු පාරිතෝෂිත ආධාර ලබා දීම නොවේ.
 
100.    ගරු කථානායකතුමනි, ඔබතුමා දන්නා පරිදි පැවති සියළුම රජයන් අධ්‍යාපනය සම්බන්ධයෙන් බොහෝ ප‍්‍රතිපත්තීන් ක‍්‍රියාත්මක කර තිබෙනවා. කෙසේ වෙතත්, ආර්ථිකයේ වර්ධන ප‍්‍රවණතාවය පවත්වාගෙන යාමට අවශ්‍ය කරන මානව සම්පත් බිහි කිරීම සඳහා ශ‍්‍රී ලංකාවේ අධ්‍යාපන ක‍්‍රමය හරවත්ව නවීකරණය විය යුතු වෙනවා. ශ‍්‍රී ලංකාවේ අධ්‍යාපන ක‍්‍රමය දරු දැරියන්ගේ ජීවන කුසලතා නංවාලීමට හා ස්වාධීන චින්තන ශක්තිය දිරිමත් කිරීම සඳහා දැනට පවතින විභාග කේන්ද්‍ර කරගත් විෂය මාලාවන් වෙනුවට දක්ෂතාවය මූලික කරගත් විෂය මාලාවක් ලෙස නැවත පෙළ ගැස්විය යුතු වෙනවා. අඩු පහසුකම් සහිත පාසැල්වල දරුවන්ට සමාන අවස්ථා ලබාදීම සඳහා, ප‍්‍රමුඛ විෂයයන් සඳහා වූ ගුරු හිඟය මෙන්ම එම පාසල්වල සනීපාරක්ෂක පහසුකම්, පුස්තකාල හා විද්‍යාගාර පහසුකම්වල අඩුපාඩු පිළිබඳව කඩිනම් අවධානය යොමු විය යුතු වෙනවා.

101.    පසුගිය වර්ෂවලදී අධ්‍යාපනය සඳහා වන රාජ්‍ය ආයෝජන මට්ටමෙහි සිදු වූ අඛණ්ඩව අඩුවීම සුබවාදී තත්ත්වයක් නොවේ. මෙම අසුබවාදී තත්ත්වය පිළිබඳව ඇගයීමක් කිරීමට දැන් අවශ්‍ය කාලය පැමිණ ඇතැයි මා සිතනවා. ගරු කථානායකතුමනි, ශිෂ්‍යයන්ට පමණක් නොව කාර්යක්ෂම සහ ඵලදායී සේවක මණ්ඩලයක් අපේක්ෂා කරන සේවායෝජකයන්ට ද සහනයක් වන ආකාරයෙන් පවතින ගැටලූ නිරාකරණය කර ගැනීමට අපගේ යහපාලන සම්මුතිවාදී රජයට හැකියාව ඇති බව මගේ විශ්වාසයයි.

102.    තරුණයන් අතර ඇති සේවා වියුක්තිය සහ ඌණසේවා නියුක්තිය අඩු කරලීමට ඉවහල් වන ආකාරයෙන් උපාධිධාරීන්ගේ දක්ෂතා සහ ශ‍්‍රම වෙළඳපොලේ ඉල්ලීම් අතර ඇති අසමතුලිතතාවය නැති කිරීමට සුභවාදී ලෙස දායකවන පරිදි විශ්ව විද්‍යාල පද්ධතියෙහි අවශ්‍ය ප‍්‍රතිසංස්කරණ සිදුකිරීමද අවශ්‍ය වෙනවා.

103.    ජන විකාශයෙහි වෙනස්වීම හේතුකොට ගෙන සමස්ත සුවසේවා කටයුතු දියුණු කරන අතරතුර වයස් ගතවන ජනගහනය සඳහා අවශ්‍ය පහසුකම් සැපයීම ද සිදුකළ යුතුව තිබෙනවා. ජාතියේ අභිවෘද්ධිය සඳහා වයස්ගත වන මානව සම්පත් පදනම ප‍්‍රයෝජනයට ගැනීමේ ක‍්‍රමවේදයක් නිර්මාණය කරන අතර ඔවුන්ගේ අවශ්‍යතාද ඉටුකළ යුතුව පවතිනවා. එමෙන්ම හඳුනාගත නොහැකිව ඇති නිදන්ගත වකුගඩු රෝගය හා ඉතා සීග‍්‍රයෙන් ඉහළ යන පිළිකා රෝගී තත්ත්වයන් නිවාරණය කිරීමට සහ ඩෙංගු උවදුර පැතිරීම වැළැක්වීම සඳහා අවශ්‍ය ක‍්‍රියාමාර්ගද  ගත යුතු වෙනවා. අතිගරු ජනාධිපතිතුමා නිදන්ගත වකුගඩු රෝගය තුරන් කිරීමට දැඩි වෙහෙසක් ගනිමින් සිටින අතර එමගින් මෙම රෝගයෙන් පීඩා වි`දින ජනතාවට සහන අත්වනු ඇත.  

104.    සෙමින් සිදුවන ජනගහන වර්ධනය මගින් ඇතිකරනු ලබන වයස් ගත ජනගහනය වැඩිවීම පිළිබඳ අභියෝගය ජය ගැනීම සඳහා දිගුකාලීන දැක්මක් සහිතව සෞඛ්‍ය අංශය නව්‍යකරණය කරන අතරම නිර්මාණශීලී විශ‍්‍රාම ප‍්‍රතිලාභ ක‍්‍රමයක් හඳුන්වාදීම ද  සිදුකළ යුතු වෙනවා. පෞද්ගලික අංශයේ සේවකයන් සඳහා ද විශ‍්‍රාම වැටුප් ක‍්‍රමයක් ඇති කිරීමේ අවශ්‍යතාවය ඉතා වැදගත් වන්නේ එය අඩු වශයෙන් ජ්‍යෙෂ්ඨ පුරවැසියන් සම්බන්ධව අනාගතයේදී ඇති විය හැකි ගැටළු අවම කර ගැනීමට උපකාරී වන නිසාය.

 
105.     ශ‍්‍රී ලංකාවේ සිදුවන ජන විකාශයේ  පරිවර්තනයත්  සමඟ ක‍්‍රමානුකූලව සිදුවන ජනගහනයේ වයස්ගතවීම සහ ඉහළයන ජීවිත අපේක්ෂාව තුළින් මෙන්ම විශ‍්‍රාම යන ජනකොටසේ අවශ්‍යතාවන් ඉටු කිරීම සඳහා ඉතිරිකිරීම් හා විශ‍්‍රාම වැටුප් සම්බන්ධව විකල්ප ක‍්‍රම ඇති කිරීමේ අවශ්‍යතාවය අවධාරණය කරනු ලබනවා. වෙළඳපොලේ පහළ  පොළී අනුපාතිකයන් පැවතීමත් විශ‍්‍රාමිකයින් බොහොමයක් පොළී ආදායම මත යැපීමත් මෙම ක‍්‍රම  ඇති කිරීමේ හදිසිභාවය තීව‍්‍ර කරනවා.

106.    ජනගහන වර්ධනය සමඟ මෙන්ම දියුණුවන සමාජ ආර්ථික තත්ත්වයන් හමුවේ මිලට ගත හැකි උසස් තත්ත්වයේ නිවාස අවශ්‍යතාවයද කාලයත් සමඟ ඉහළ ගොස් තිබෙනවා. අභ්‍යන්තර සංක‍්‍රමණය හේතුවෙන් ජනගහනය අධික වීම නිසා මෙය කොළඹ දිස්ත‍්‍රික්කය තුළ බරපතල කරුණක් බවට පත්වී තිබෙනවා. එක්සත් ජාතික පක්ෂ රජයන් පෙර කාලයන්හිදී විශේෂයෙන්ම දිවංගත අතිගරු රණසිංහ පේ‍්‍රමදාස ජනාධිපතිතුමාගේ සමයේ අවධානය යොමු කළේ ජනතාවට නිවාස ලබාදීම සඳහායි.  එම ක‍්‍රියාවලිය නැවත ආරම්භ කිරීමට ලැබීම ගැන මා සතුටු වෙනවා.

107.    මැදි ආදායම් මට්ටමේ පුද්ගලයින්ගේ නිවාස අවශ්‍යතාවයන් වසර ගණනාවක් තිස්සේ වැඩිවී තිබෙනවා. මොවුනට අධික මිල ගණන් හේතුවෙන් පෞද්ගලික අංශය මගින් ක‍්‍රියාත්මක කරනු ලබන නිවාස ව්‍යාපෘතිවලට ඇතුලත් වීමට ඇති අවස්ථාවන්ද සීමිතයි.  එම නිසා මධ්‍යම පාන්තිකයින්ට පහසුවක් සැලසීම සඳහා වියදම දරාගත හැකි මට්ටමේ නිවාස ව්‍යාපෘති ඇති කිරීම සඳහා රජයේ මැදිහත්වීම අවශ්‍ය වී තිබෙනවා. මේ සඳහා රාජ්‍ය හා පෞද්ගලික අංශවල හවුල් කාරිත්වයෙන් යුත් ව්‍යාපෘති ක‍්‍රියාත්මක කිරීම සඳහා රජය මැදිහත්වීම අවශ්‍ය වෙනවා.

108.    එසේම, දැනට පවතින විදුලිය, ජල සැපයුම, මලාපවහනය සහ අපද්‍රව්‍ය විනාශකිරීම, විදුලි සංදේශ සහ අන්තර්ජාල පහසුකම් ලබාදීම යනාදිය නවීන ආර්ථිකයක් කාර්යක්ෂමව සහ සඵලදායී ලෙස ක‍්‍රියාත්මක කිරීම සඳහා ප‍්‍රමාණවත් වන්නේ නැහැ. බස්නාහිර පළාත තුළ පවතින මෙවැනි ගැටලූ විසදීම සඳහා මහනගර සංවර්ධන (Megapolic) මූලධර්මය වඩාත් සුදුසු විසදුමක් වෙනවා.

109.    පොදු ප‍්‍රවාහන සේවයේ පවතින අකාර්යක්ෂමතාවයන් මාර්ගවල ධාවනය වන පුද්ගලයින් අඩු ගණනකින් යුත් වාහන සංඛ්‍යාව වැඩිවීමට හේතුවක් වී තිබෙනවා. එම තත්ත්වය  වාහන තදබදය අධික කිරීමට, කුටුම්භවල මෙන්ම සමස්ත ආර්ථිකයේද ඉන්ධන පිරිවැය ඉහළ යෑමට මෙන්ම සැලකිය යුතු දුරකට ඵලදායී මිනිස් පැය ගණන නැතිවී යෑම සඳහා ද බලපා තිබෙනවා. ඉහළ ප‍්‍රමිතියකින් සහ විශ්වාසනීයත්වයකින් යුත් ප‍්‍රවාහන සේවාවක් නොමැතිවීම නිසා යටිතල පහසුකම් වෙනුවෙන් කරනු ලැබූ අති විශාල ආයෝජන ප‍්‍රමාණයද අභිබවමින් වාහන තදබදය පිළිබඳව ගැටලුව උග‍්‍ර වී තිබෙනවා. එබැවින්, විශේෂයෙන්ම නාගරික ප‍්‍රදේශවල පවතින මහාමාර්ග සහ දුම්රිය ප‍්‍රවාහන සේවා ක‍්‍රමයෙන් වැඩිදියුණු කිරීම සඳහා සුදුසු ක‍්‍රියාමාර්ග ගත යුතුව තිබෙනවා.  ගරු කථානායකතුමනි, පසුගිය රජය විසින් අතිශෝක්තියකින් හ`දුන්වා දෙන ලද  රජයේ ප‍්‍රධාන මිණුම් දණ්ඩ ලෙස ගනු ලැබූ මහා මාර්ග සහ තාර අතුරනු ලැබූ මාර්ග පද්ධතිය තුළින් පමණක් රටතුළ දියුණු සහ ක‍්‍රමවත් ප‍්‍රවාහන සේවාවක් සපයන්නේ නැතිබව අද අප විසින් පිළිගත යුතුයි. වඩාත්ම වැදගත් කරුණ වන්නේ පෞද්ගලික ප‍්‍රවාහන ක‍්‍රමයන් භාවිතා කිරීම වෙත රටේ ජනතාව යොමු නොවීම සනාථ කිරීම ස`දහා කුමන මට්ටමකට රාජ්‍ය ප‍්‍රවාහන සේවාව දියුණු කළ යුතුද යන්නයි.

110.    උපාය මාර්ගික වශයෙන් ශ‍්‍රී ලංකාවේ පිහිටීම මෙන්ම වර්ධනය වන ජාත්‍යන්තර සබඳතා සැලකිල්ලට ගත්විට දැනට පවත්නා යටිතල පහසුකම් ඵලදායී ලෙස ප‍්‍රයෝජනයට ගැනීම උදෙසා පෞද්ගලික අංශය මූලික කරගත් වාණිජමය ක‍්‍රියාකාරකම් වර්ධනය කිරීම කාලීන අවශ්‍යතාවයක්. අක්වෙරළ සේවාවන් සපයනු ලබන මූල්‍ය ආයතන පිහිටුවීම සඳහා පෞද්ගලික අංශය ධෛර්යවත් කිරීම තුළින් පුහුණු ශ‍්‍රම අවස්ථා ඇතිකරලීම හරහා ඒ ආශ‍්‍රීත ආර්ථික ක‍්‍රියාවලි වර්ධනය කිරීමට හැකි වෙනවා. එයට සමගාමීව මූල්‍ය ප‍්‍රවාහ ධෛර්යමත් කිරීම උදෙසා ගෝලීය මට්ටමේ වාණිජ මධ්‍යස්ථානයන් පිහිටුවීම සඳහා අවශ්‍ය නීතිමය තත්ත්වයන් ද ස්ථාපිත කළ යුතුව තිබෙනවා. ඒ අනුව පැරණි ආර්ථික ක‍්‍රියාවලීන්ගෙන් බැහැරව, සමහරක් දියුණු වෙමින් පවතින රටවල් හා දියුණු රටවල් විසින් ක‍්‍රියාත්මක කරනු ලබන නවීනතම මෙන්ම නිර්මාණශීලී ක‍්‍රියාමාර්ග හ`දුන්වාදීමට කාලය එලඹ තිබෙනවා.

111.    සංවර්ධන අවශ්‍යතා වෙනුවෙන් යොමුවීම පාරිසරික අවශ්‍යතා සම`ග සම්බන්ධ කළ යුතුව තිබෙනවා.  මේ සඳහා සියලූම ව්‍යාපෘති ආරම්භ කිරීමට ප‍්‍රථමයෙන් අවශ්‍ය පාරිසරික අනුමැතීන් ලබාගන්නා බවට සහතික වීම පිණිස නිශ්චිත මෙන්ම කාර්යක්ෂම ක‍්‍රමවේදයක් ඇතිකළ යුතුයි. මෑත ඉතිහාසයේදී ප‍්‍රධාන ව්‍යාපෘති සම්බන්ධව පාරිසරික ප‍්‍රශ්න ක‍්‍රමානුකූලව ආමන්ත‍්‍රණය නොකරන අවස්ථා කිහිපයකට උදාහරණ අප සතුව තිබෙනවා. එවැනි ගැටලූ ප‍්‍රබල අවුල් සහගත මෙන්ම අනාගතයේදී විස`දීමට අපහසු තත්ත්වයන් ඇති කිරීම ස`දහා හේතුවනු ඇත.
112.    තිරසාර සංවර්ධනයක් අත්කර ගැනීමේ දී පරිසර හිතකාමී ලෙස හා කාර්යක්ෂම ලෙස බලශක්ති භාවිතා කිරීමට ඇති අවශ්‍යතාවය අප අවධාරණය කරනවා. ෆොසිල ඇසුරින් නිපදවන බලශක්තිය වෙනුවට සූර්ය බලශක්තිය සහ ජීවවායු පදනම් කරගත් බලශක්තිය, විදුලිබලය, ප‍්‍රවාහනය හා ඒ හා සම්බන්ධ අංශවලදී යොදා ගැනීම අත්‍යවශ්‍ය වෙනවා.

නව ආර්ථික ගමන්මග

113.    ගරු කථානායකතුමනි, නව රජයට ඉහත ගැටලූ සම්බන්ධව කටයුතු කිරීමට මෙන්ම රටේ අනාගත, ආර්ථික මෙන්ම සමාජීය සංවර්ධනය වෙනුවෙන් ද කටයුතු කිරීමේ වගකීමක් තිබෙනවා. මෙහිදී ආර්ථිකය නිත්‍ය වශයෙන්ම ගොඩනැගීම සඳහා කැපවීමෙන් කටයුතු කළ යුතුව තිබෙනවා. අපේ ඉලක්කය වන්නේ මිනිසුන්ට ඇති තෝරා ගැනීමේ නිදහස ස්ථාපිත කිරීම තුළින් වටිනාකම් වැඩි කිරීම හා ඒ සඳහා අවස්ථාවන් ඇති කරලීමයි.

114.    අප අපේක්ෂා කරන වැඩිදියුණු වීම ජාත්‍යන්තර දර්ශකවල ඉහළ  යෑම තුළින් ද පිළිබිඹු කරනු ඇති අතර එය අනාගත ආර්ථික වර්ධනයට ද ඉවහල් වෙනවා.  ව්‍යාපාර කිරීමේ පහසු බවේ දර්ශකය, ගෝලීය තරඟකාරිත්ව දර්ශකය, ගෝලීය නව සොයාගැනීම් දර්ශකය සහ ජාලගත පහසුකම්වල සූදානම්භාවය සහ ගෝලීය ආර්ථික වාර්තාව  යනාදිය මේ සම්බන්ධයෙන් පවතින වැදගත් අංශයන් වෙනවා.

115.    පෞද්ගලික අංශයෙහි ආර්ථික කටයුතුවලට පහසුකම් සැලසීමට හා වෙලඳපොළේ සුමට ක‍්‍රියාකාරිත්වයට අවහිරවන විවිධ බාධාවන් ඉවත් කිරීම සඳහා වෙළඳපල මූලික කොටගත් ප‍්‍රතිපත්ති අනුගමනය කිරීමට රජය කැපවී සිටිනවා. නව ආර්ථික ගමන්මග මෙම අයවැය යෝජනා තුළින් පිළිබිඹුවනු ඇති අතර පසුගිය වැරදිවලින් තොරව ශුන්‍ය පදනමක සිට එම ප‍්‍රතිපත්තීන් සකස් කිරීමට හැකිවීම ගැන මා සතුටු වනවා.

116.    ගරු කථානායකතුමනි, අපගෙන් ගිලිහී ගිය අවස්ථා බොහෝය. මේ පිළිබඳව දිවංගත  ගරු අග‍්‍රාමාත්‍ය ඩඞ්ලි සේනානායක මැතිඳුන්ගේ ධූර කාලයෙහි අවස්ථා දෙකක් පෙන්වා දිය හැකියි.  යාපනයට මාර්ගයක් තැනීමට යෝජනා කළ අවස්ථාවේදී එතුමා ජනතාවට විකල්පයක් වශයෙන් හාල් සේරුවක් ලබාදීමට වැඩි කැමැත්තක් දැක්වීය. ”ආසියාන්” සංවිධානයේ සාමාජිකත්වය වෙත ප‍්‍රවේශවීමට 1967 වර්ෂයේදී ශ‍්‍රී ලංකාවට මහඟු අවස්ථාවක් ලැබිණි. ගරු ඩඞ්ලි සේනානායක මැතිතුමාගේ ළඟම මිතුරෙකු වන මැලේසියාවේ පළමු අගමැති දිවංගත ගරු තුංකු අබ්දුල් රහ්මාන් මැතිතුමා ලංකාව ආසියාන් සංවිධානයේ සාමාජිකයෙකු විය යුතු බවට කියා සිටියා. ගරු ඩඩ්ලි සේනානායක මැතිතුමා අදාළ සමුළුවට සහභාගිවීම සඳහා ගුවන් යානයට ප‍්‍රවේශ වීමට ගුවන් තොටුපොලට ලඟාවී සිටියේය.  එසේ වුවද, සමහරක් වාමාංශික පක්ෂවල දැන්වීම මත එම සමුළුවට සහභාගිවීම අතහැර දමන ලදී.  ගරු ඩඩ්ලි සේනානායක මැතිතුමාගේ ගුවන් යානය ප‍්‍රමාද වී ඇතැයි උපකල්පනය කර සමුළුව ආරම්භ කිරීම පැය 6 කින් කල් දැමූ බව ද වාර්තා වී ඇත. අප කණගාටුවෙන් යුතුව කිවයුතු වන්නේ එවක්පටන් මෙවැනි ඉහළ මට්ටමේ කලාපීය සංවිධානයක සාමාජිකත්වය ලබා ගැනීමට කිසිදු සාර්ථකත්වයකින් තොරව අද අප උත්සාහ කරමින් සිටින බවයි.  එවැනි අවස්ථා බොහොමයක් මට පෙන්වා දිය හැකි අතර මෙවැනි තත්ත්වයන්ගෙන් පාඩම් උගත යුතු කාලය පැමිණ තිබෙනවා.

 
117.    මෙවන් අවස්ථා තවදුරටත් අත්හල හැකි තත්ත්වයක අප නොසිටිමු.  අද ඉදිරිපත් කළ දේවල් ඉටු කරන බවට අප සහතික වෙමු.  සෞභාග්‍යය හා ප‍්‍රීතිමත් බවේ අනාගතය කෙරෙහි බලාපොරොත්තු තබා ගනිමු. අපගේ ඒකායන අරමුණ වනුයේ වෙනසකින් තොරව සියළු ශ‍්‍රී ලාංකිකයන්ට වඩා හොඳ අනාගතයක් උදාකර දීමයි.  අපගේ මාතෘ භූමිය හා අනාගත පරම්පරාව වෙනුවෙන් එකමුතු වී පෙල ගැසෙමු.

118.    ගරු කථානායකතුමනි, අපට පහත සඳහන් කරන වැඩසටහන ක‍්‍රියාත්මක කිරීමට අධිෂ්ඨානය ඇති අතර ඒ සඳහා අප සූදානම්. ඒ වගේම, ඒ සඳහා අවශ්‍ය නායක්තවය දීමටද අපට හැකියාව තිබෙනවා. ඉතාම වැදගත් මෙම කාර්යයන් ඉටු කිරීම සඳහා අතීතය අමතක කර අප වහා එක්සත් විය යුතුව තිබෙනවා.
 
119.   මේ අවස්ථාවේදී මම අතිගරු ජනාධිපතිතුමා, ගරු අගමැතිතුමා, මගේ අමාත්‍ය මණ්ඩල සගයන් සහ රජය වෙනුවෙන් අපගේ රට සෞභාග්‍යයේ මාවත කරා රැුගෙන යාමට විවිධ පැහැයන් දරන දේශපාලන උදව්කරුවන් වෙත මිත‍්‍රත්වයේ හස්තය දිගු කරමි.  වසර ගණන් විවිධ බාධකයන්ට මුහුණ දුන් අපේ ආර්ථිකයේ නිවැරදි තත්ත්වය මා විසින් ඔබ වෙත පෙන්වා දී ඇති අතර අප එක්සත්  නොවන්නේ නම් අපගේ පැවැත්මට ඇති අවස්ථා අහිමි වී යනු ඇත.  ”අඳුරට ශාප නොකර ඉටි පහනක් දල්වා අදුර පළවා හරිමු. ”

120.    මෙම පසුබිම යටතේ අපගේ රජයේ ප‍්‍රථම අයවැයට ඇතුලත් යෝජනා වෙත පිවිසීමට මා කැමතියි. එමෙන්ම ජාති, ආගම් හා සමාජ බාධාවන් හා අනෙකුත් වෙනස්කම් වලින් තොරව සාමුහිකත්වය පෙරදැරි කරගෙන ශ‍්‍රී ලංකා ප‍්‍රජාත‍්‍රාන්තික සමාජවාදී ජනරජයේ සහ එහි සියළුම ජනතාවගේ අභිවෘද්ධිය වෙනුවෙන් කැපවිය යුතු බැව් සඳහන් කරමි.   

අයවැය යෝජනා

ක්ෂුද්‍ර, සුළු හා මධ්‍ය පරිමාණ ව්‍යවසායන් දිරිමත් කිරීම

121.    ගරු කථානායකතුමනි, ක්ෂුද්‍ර, කුඩා හා මධ්‍ය පරිමාණ ව්‍යවසායකයන් රැකියා උත්පාදනයේදී, ආදායම් බෙදීයාමේ ගැටලු විසඳීමේ දී මෙන්ම ප‍්‍රාදේශීය සංවර්ධනයේදී හා සමාජ ඒකාබද්ධතාවය ඇති කිරීමේ දී ද අප ආර්ථිකය තුළ විශාල සේවයක් කරනවා. වර්තමානයේදී ක්ෂුද්‍ර, සුළු හා මධ්‍ය පරිමාණ ව්‍යවසාය අංශය අපගේ ආර්ථික උපාය මාර්ගයේ වැදගත් අංගයක් වී තිබෙනවා. මෙහිදී විශාල හැකියාවක් ඇති ප‍්‍රධාන අංශ වන්නේ ලීබඩු උපකරණ, තොරතුරු තාක්ෂණය, කිරි ආශ‍්‍රිත නිෂ්පාදන, ගෙවතු වගාව, මල්වගාව, ආහාර, එළවලූ සහ පලතුරු, මිරිදිය මත්ස්‍ය කර්මාන්තය, රූපලාවන්‍ය සහ සුරතල් මසුන් කර්මාන්තය ආදියයි.

122.    ක්ෂුද්‍ර, සුළු හා මධ්‍ය පරිමාණ ව්‍යවසායයන් විසින් ආර්ථිකයට සැලකිය යුතු දායකත්වයක් ලබාදී තිබුන ද මෙම ව්‍යවසායකයන් ප‍්‍රාග්ධන සහ ණය අරමුදල් ලබා ගැනීමේ දී මුහුණදෙන ගැටලූ හේතුවෙන් මෙම ව්‍යාපාර පුළුල්කිරීම තවමත් දුෂ්කර කාර්යයක් වී තිබෙනවා. මෙම නිසා අපගේ රජය මෙම ව්‍යවසායකයන්ගේ දියුණුවේදී  කොටස්කරුවෙකු වීමට කැමතියි. එමනිසා දැනටමත් අප විසින් සකසා ඇති ක්ෂුද්‍ර, සුළු හා මධ්‍ය පරිමාණ ව්‍යවසායකයන් සඳහා වන ප‍්‍රතිපත්තිය තුළින් මෙම ක්ෂේත‍්‍රයේ සියළුම ගැටලූ  ආවරණය වනවා. මේ සමගම ක්ෂුද්‍ර මූල්‍ය ව්‍යාපාර පාලනය කිරීම සඳහා පනතක් මෙම ගරු සභාවට ඉදිරිපත් කිරීමටත් මෙම අංශය විධිමත් කිරීමට අවශ්‍ය නියාමන අධිකාරියක් පිහිටුවීමටත් කටයුතු කරනු ඇත. එසේම සියලූ ක්ෂුද්‍ර මූල්‍ය ආයතන මෙම යෝජිත අධිකාරිය යටතේ ඒකකයකට රු.25,000/- ක වාර්ෂික ගාස්තුවකට යටත්ව ලියාපදිංචි විය යුතු බවට මා යෝජනා කරනවා. ගරු අග‍්‍රාමාත්‍යතුමා විසින් 2015 නොවැම්බර් 05 දින ඉදිරිපත් කරන ලද ප‍්‍රතිපත්ති ප‍්‍රකාශයේ දැක්වෙන පරිදි කුඩා සහ මධ්‍ය පරිමාණ ව්‍යාපාර අංශය මුහුණ දෙන ගැටලූ අධ්‍යයනය කිරීම සඳහා උපදේශක කමිටුවක් ද පිහිටුවනු ඇත.  එසේම කුඩා හා මධ්‍ය පරිමාණ ව්‍යාපාරික අංශයේ අනාගත කටයුතු එම කමිටුවේ නිර්දේශ මත තීරණය වනු ඇත.  

123.     මෙම ක්ෂේත‍්‍රයේ පවතින ඉහළ පරිපාලන පිරිවැය සහ ඉහළ අවදානම හේතුවෙන් නිර්මාණශීලී ක්ෂුද්‍ර, කුඩා හා මධ්‍ය පරිමාණ ව්‍යවසායකයන්ට බැංකු ඇතුලූ ස්ථාපිත මූල්‍ය ආයතනයන් විසින් ණයදීමේ දී දැඩි අකමැත්තක් පෙන්නුම් කරනවා. එසේම දැනට ඇති මූල්‍ය ආයතන ඇප පදනම් කරගෙන මූල්‍ය පහසුකම් සැපයීම පිලිබඳව දැඩි ලෙස අවධානය යොමු කරන බැවින් අලූත් ව්‍යවසායකයන් සහ දැනට සිටින ව්‍යවසායකයන්ට මෙම ඇප ඉදිරිපත් කිරීමේ හැකියාවක් නැහැ. මේනිසා තෝරාගත් මූල්‍ය ආයතනවල සහයෝගයෙන් සුළු හා මධ්‍ය පරිමාණ ව්‍යවසායකයන් සඳහා වූ ණය ආරක්ෂණ වැඩපිලිවෙලක් ක‍්‍රියාත්මක කිරීම සඳහා 2016 දී රුපියල් මිලියන 500 ක මූලික අරමුදලක් ලබාදීමට  යෝජනා කරනවා.  මෙම යෝජනා ක‍්‍රමය යටතේ, ණය ගෙවීමට නොහැකි අවස්ථාවලදී මූලික ණය මුදලෙන් සියයට 75 ක ප‍්‍රමාණයකට ඇපයක් ලබාදෙනු ඇත. මෙමගින් මෙම ක්ෂේත‍්‍රයේ ව්‍යවසායකයන්ට සාපේක්ෂව ලාභදායී සහ දිගුකාලීන කොන්දේසි යටතේ මූල්‍ය පහසුකම් ලබාගැනීමට ඇති ඉඩකඩ පුළුල් කෙරේ.  මෙම ක්ෂේත‍්‍රයට සහනදායී පොළී අනුපාත යටතේ මූල්‍ය පහසුකම් ලබා ගැනීමට උපකාර කිරීම සඳහා ඇමෙරිකානු ඩොලර් මිලියන 100 ක ණය පහසුකමක් (Credit line)  ආසියානු සංවර්ධන බැංකුව වෙතින් ලබා ගැනීමට අපට හැකියාව ලැබී තිබෙනවා. තවද ශ‍්‍රී ලංකා මහ බැංකුව විසින් කුඩා හා මධ්‍ය පරිමාණ  ව්‍යවසායකයන්ට උපකාර කිරීම සඳහා ක‍්‍රියාත්මක කරනු ලබන සෞභාග්‍යා ණය යෝජනා ක‍්‍රමය, දරිද්‍රතාවය තුරන් කිරීම සඳහා වන ක්ෂුද්‍ර මූල්‍ය ව්‍යාපෘතිය (PAMP) වැනි අරමුදල් එක වැඩසටහකට  ඒකාබද්ධ කරනවා.  එම ඒකාබද්ධ කිරීම තුළින් ක්ෂුද්‍ර, කුඩා හා මධ්‍ය පරිමාණ ව්‍යවසායකයන්ට වඩා හොඳ සේවාවක් ලබාදීමට මහ බැංකුවට හැකිවනු ඇති.
 
ව්‍යාපාර ප‍්‍රාග්ධනය :(Venture Capital)

124.    ගරු කථානායකතුමනි, කුඩා හා මධ්‍ය පරිමාණ ව්‍යවසායකයින් සඳහා අද පවතින පොදු මූල්‍යකරණ මාධ්‍යය වන්නේ ඇප අත්‍යවශ්‍ය වන්නා වූ ණය මූල්‍යකරණයයි. කෙසේ වෙතත් යම් දීප්තිමත් අදහසක් ඇතිව ව්‍යාපාරයක් ආරම්භ කරන පුද්ගලයෙකුට ඇප ලෙස තැබීමට තරම් වන වත්කම් ඔවුන් සතුව නොපවතී. මේ නිසා සුළු හා මධ්‍ය පරිමාණ ව්‍යවසායකයින් වෙත අවශ්‍ය ස්කන්ධ ප‍්‍රාග්ධන පහසුකම් (Equity Financing Facilities)    සැලසීම සඳහා බැංකු, රක්ෂණ සමාගම්, සේවක අර්ථසාධක අරමුදල (EPF),  සේවා නියුක්තිකයන්ගේ භාර අරමුදල (ETF) සහ විදේශ අරමුදල්වලින් සමන්විත ”අරමුදල්වල අරමුදලක්” ඇති කරමින් ව්‍යාපාර ප‍්‍රාග්ධන ප‍්‍රවේශයට ආරම්භයක් ලබාදීමට යෝජනා කරනවා.  මෙහිදී මම ජාත්‍යන්තර මූල්‍ය සංස්ථාවට (IFC) සහ ආසියානු සංවර්ධන බැංකුවට ආරාධනා කර සිටිනවා මෙම අරමුදලට ආධාර කරන ලෙස ඒ වගේම පෞද්ගලික අංශයේ ව්‍යාපාරවලටත් මෙම අරමුදලට සහභාගි වන ලෙස උනන්දු කිරීමට කැමතියි.  මෙම අරමුදල මගින් වගකිව යුතු ව්‍යාපාර ප‍්‍රාග්ධන සමාගම් වෙත (Venture Capital Firms)සහතික කළ අවම අනුපාතයක් යටතේ ණය පහසුකම් ලබාදෙනු ඇත.  ඒ අනුව එම ව්‍යාපාරික සමාගම් විසින් මෙම කුඩා හා මධ්‍ය පරිමාණ ව්‍යවසායයන්හි අවශ්‍ය ස්කන්ධ ආයෝජන (Equit Investment)  සිදුකරනු ඇත.  මෙම ස්කන්ධ ආයෝජනවලට අමතරව දිගුකාලීනව ප‍්‍රතිලාභ ලබාගැනීමට අවශ්‍ය වර්ධනය සහතික කිරීම සඳහා මෙම සමාගම් විසින් කුඩා හා මධ්‍ය පරිමාණ ව්‍යවසායකයින් වෙත අවශ්‍ය උපදේශක සේවා වන මූල්‍ය සැලසුම් ^Financial Planning) තොරතුරු තාක්ෂණය, අලෙවි ක‍්‍රමෝපායයන් ආදිය ලබාදෙනු ඇත.  මෙම ක‍්‍රියාමාර්ගය දිරිගැන්වීම සඳහා අදාළ ව්‍යාපාර ප‍්‍රාග්ධන සමාගම් සඳහා වූ සාංගමික ආදායම් බදු වසර 5 ක කාලයක් සඳහා සියයට 50 කින් අඩුකිරීමට යෝජනා කරනවා.  මෙය 2016 අපේ‍්‍රල් 01 දින සිට ක‍්‍රියාත්මක කරනවා.

125.      ක්ෂූද්‍ර, කුඩා සහ මධ්‍ය පරිමාණ කර්මාන්තවලට සහාය වන ඉන්කියුබේටරයන්  - ගරු කථානායකතුමනි, ඉන්කියුබේටර් ලෙස කටයුතු කරන සුළු කාර්මික උද්‍යාන (Mini Industrial Park)  මොණරාගල, පුත්තලම, යාපනය, වන්නි සහ අම්පාර වැනි ප‍්‍රදේශවල පිහිටුවීමට මා යෝජනා කරනවා. මෙම කාර්යයට සම්බන්ධ වන ලෙසට පෞද්ගලික අංශයද උනන්දු කිරීමට කැමතියි.   මෙම ආයෝජන තෝරාගත් ක්ෂේත‍්‍රයන්හි දිරිගැන්වීම සඳහා ලාභ උපයන වසරේ සිට වසර තුනක කාලයකට අදාල බදු අනුපාතය සියයට 50 කින් අඩුකිරීමට යෝජනා කරනවා. මේ සඳහා රුපියල් මිලියන 150 ක් වෙන්කිරීමටත් මා යෝජනා කරනවා.

126.    තවද, සුළු හා මධ්‍ය පරිමාණ ව්‍යවසායකයින් තම නිෂ්පාදන අලෙවි කර ගැනීමේදී විවිධ ප‍්‍රශ්නවලට මුහුණ දෙන බව මා දන්නවා.  අලෙවිකරණ සහ ප‍්‍රචාරණය සඳහා අරමුදල්වල පවතින හිඟය නිසා ඔවුන්ගේ නිෂ්පාදන සඳහා සුපිරි වෙළඳසැල් සහ සාප්පු තුළ ප‍්‍රමාණවත් ප‍්‍රසිද්ධියක් නොලැබෙනු ඇති. එමනිසා සුපිරි වෙළඳසැල් සහ සිල්ලර වෙළඳසැල් විසින් කුඩා හා මධ්‍ය පරිමාණ ව්‍යවසායකයින්ට අවශ්‍ය රාක්ක ඉඩකඩ සාධාරණ මිලකට ලබා දෙමින් ඔවුන්ට අත හිත දීමට කටයුතු කරන ලෙස මා අවධාරණය කරනවා.

කෘෂිකර්මාන්තය

127.     ගරු කථානායකතුමනි, අපගේ ආර්ථිකයේ, සමාජ ව්‍යුහයේ සහ අපගේ ඉතිහාසයේ මූලික පදනම කෘෂිකර්මාන්තයයි. කෙසේ වුවත් සංඛ්‍යා මගින් නිරූපනය වන්නේ වෙනත් කථාවකි.  අපගේ කෘෂිකාර්මික ආනයනයන් ඇමෙරිකානු ඩොලර් මිලියන දහසක් පමණ වෙනවා. අතරමැදියාගේ සූරාකෑමටත්, කාලගුණයේ අහිතකර බලපෑම්වලටත්, තම අස්වැන්න සඳහා සාධාරණ මිලක් ලබාගැනීමේ අරගලයටත් ගොවියා තවමත් ගොදුරුවී සිටිනවා. මෙමගින් අපගේ පාරිභෝගික ජනතාවට ද ගුණාත්මක භාවයෙන් අඩු කෘෂිකාර්මික නිෂ්පාදිතයන් සඳහා අධික මිලක් ගෙවීමට සිදුවී තියෙනවා. එබැවින් මෙම අහිතකර ප‍්‍රවණතාවය කඩිනමින් ආපසු හැරවීමේ අවශ්‍යතාවය අප හදුනාගෙන තිබෙනවා.  මේ සම්බන්ධයෙන් පුළුල් දෘෂ්ඨිකෝණයකින් බැලීම අත්‍යවශ්‍යයි.  මේ තත්ත්වය යටතේ නව කෘෂිකාර්මික ප‍්‍රතිපත්තියක් සකස් කිරීම සඳහා අපගේ නව රජයට නායකත්වය දෙන අතිගරු ජනාධිපතිතුමාගේ හා ගරු අග‍්‍රාමාත්‍යතුමාගේ අවධානය යොමු වී තිබෙනවා.

    බෝග  විවිධාංගීකරණය  හා  ඵලදායිතාවය ඉහළ නැංවීම තුලින් 2018 වන විට අප රට බඩඉරි`ගු, සෝයා බෝංචි, වියලි මිරිස්, අර්තාපල් හා බී ලූණු වලින් ස්වයංපෝෂිත කිරීමටත්, යැපුම් කෘෂිකර්මාන්තයේ සිට කෘෂි ව්‍යාපාර දක්වා ඉහළ තලයකට නැංවීමටත් එමගින් 2020 වන විට අපනයන වෙළඳපලට ප‍්‍රවිශ්ඨ වීමටත් හැකිවන පරිදි අපගේ කෘෂිකාර්මික ප‍්‍රතිපත්තිය සම්පාදනය කරනු ඇත.

128.    තවද, කෘෂිකාර්මික ක්ෂේත‍්‍රයේ අස්වැන්න ඉහළ නැංවීමේ ප‍්‍රශස්ත උපායමාර්ගය රාජ්‍ය හා පෞද්ගලික අංශයේ ශක්තිමත් සහයෝගිතාව මත රඳා පවතින බව අප හදුනාගෙන තිබෙන අතර එමගින් කෘෂිකාර්මික ක්ෂේත‍්‍රයේ සැපයුම්දාමය ශක්තිමත්ව කළමනාකරණය කළ හැකි බවද අපේක්ෂා කරනවා. මේ පිළිබඳව නායකත්වය ගැනීමට පෞද්ගලික අංශය දිරි ගන්වන්වනවා.  බීජ හා රෝපණ ද්‍රව්‍ය නිෂ්පාදනය කරනු ලබන සමාගම්වලට පහසුකම් සැලසෙන රාජ්‍ය මූල්‍ය පරිසරයක් ඇති කිරීම සඳහා ප‍්‍රයෝජනයට නොගත් හා ඌණ උපයෝජිත රජයේ ඉඩම් ඉල්ලා සිටින විට ලබා දීම වැනි විවිධ කි‍්‍රයාමාර්ග ගැනීමට මා යෝජනා කරනවා.

129.    ගරු කථානායකතුමනි, කෘෂිකාර්මික ක්ෂේත‍්‍රය සඳහා ආයෝජනය, විශේෂයෙන් ඵලදායිතා වර්ධනය සඳහා වන ආයෝජනය දැඩි අවශ්‍යතාවයකි. මේ සඳහා වඩා හොඳ ඵලදායිතාවයක් සහතික කිරීම සඳහා ඉහළ ගුණාත්මක තත්ත්වයෙන් යුතු බීජ ලබාගත හැකි වීම ඉතා වැදගත් වනවා.  ඒ අනුව, ඉහළ ගුණාත්මක භාවයෙන් යුතු බීජ හා රෝපණ ද්‍රව්‍ය නිෂ්පාදනය කිරීම සඳහා රාජ්‍ය හා පෞද්ගලික අංශයේ මනා සහයෝගිතාව දිරිමත් කිරීමට ප‍්‍රයෝජනයට නොගත් සහ ඌණ උපයෝජිත රජයේ ඉඩම් දිරි ගැන්වීමක් වශයෙන් පෞද්ගලික අංශයට ලබා දෙනු ඇත.  මේ සඳහා රුපියල් මිලියන 1,000 ක මුදලක් වෙන් කිරීමට මා යෝජනා කරනවා.

130.     උසස් ඵලදාවක් ලබාදෙන බීජ හඳුන්වා දීම සඳහා බිංදු ජල සම්පාදන ක‍්‍රම (Drip Irrigation System) භාවිතා කරන, හරිතාගාර තාක්ෂණය යොදා ගන්නා සහ වැඩි අස්වනු ලබාදෙන බීජ හඳුන්වා දෙන සමාගම් සඳහා අර්ධ බදු විරාම ලබාදෙනු ඇත.  මේ සමගම ඵලදායිතා වර්ධනය  සඳහා යාන්ත‍්‍රීකරණය කිරීමේ වැදගත්කම හඳුනාගනිමින් කෘෂිකාර්මික යන්ත්‍රෝපකරණවලට අදාල ආනයන බදු ඉවත් කිරීමට ද මා යෝජනා කරනවා.

131.    ඒ අතරම සහභාගිත්ව හවුල් ක‍්‍රියාවලියක් තුළින් සැපයුම් දාමයේ බැඳීම් ශක්තිමත් කිරීම සඳහා කෘෂිකර්ම ව්‍යාප්ති නිලධාරීන්ගේ දැනුම ඔවුන්ගේ සාමාන්‍ය රාජකාරියට අමතරව පෞද්ගලික අංශයේ ගොවිපලවල් සඳහා ද ගාස්තුවක් අයකර ලබාදීම සඳහා අවසර දීමට මා යෝජනා කරනවා.

132.    ගරු කථානායකතුමනි,  ගබඩා කිරීම සහ අලෙවිකරණය අපගේ කෘෂිකාර්මික ක්ෂේත‍්‍රයේ ඇති ප‍්‍රධාන ගැටලූ අතර වෙනවා. සියයට 30 සිට 40 දක්වා වන පසු අස්වනු හානිය අවම කිරීම සඳහා නවීන තාක්ෂණයෙන් යුතු අංග සම්පූර්ණ ගබඩා ඇති කිරීමට මා යෝජනා කරනවා. කෘෂි අස්වනු නෙළන සමයේ මිල පහළ යාමෙන් වන අහිතකර බලපෑම අවම කිරීම සඳහා ගොවීන්ගේ වී, බඩඉරිඟු, තල, ගම්මිරිස්, උඳු වැනි භෝගයන්හි අස්වනු ගබඩා කර  තැබීම සඳහා ගොවීන්ට උසස් තත්ත්වයේ ගබඩා පහසුකම් සපයනු ලබනවා.  මෙම ගබඩා පහසුකම් තුළ තම අස්වැන්න ගබඩා කිරීමේදී ගබඩාව විසින් නිකුත් කරනු ලබන ලදුපත  වාණිජ බැංකුවක් වෙත ඉදිරිපත් කිරීමෙන් තම ක්ෂණික මුදල් අවශ්‍යතාවය සඳහා ගබඩාකළ අස්වැන්නේ වටිනාකමින් සියයට 50 ක ණය මුදලක් ලෙස ලබා ගැනීමට ගොවීන්ට හැකියාව තිබෙනවා. කෙසේ වෙතත්, මිල ගණන් යහපත්වන අවස්ථාවේදී ගබඩාකර ඇති අස්වැන්න වෙළඳපලේ වඩාත් හොඳ මිලකට අලෙවි කිරීමට ගොවීන්ට හැකියාව ලැබෙනවා. මෙම ක‍්‍රමවේදය තුළ ගොවියා අතරමැදියාගේ සූරාකෑමට ලක් නොවන අතර අවාරයේදී තම අස්වැන්නට ඉහළ මිලක් ලැබීම ද තහවුරු වෙනවා. දැනටමත් රජය අනුරාධපුර හා මොණරාගල දිස්ත‍්‍රික්කවල මෙවැනි ගබඩා පහසුකම් ඉදිකර ඇති අතර මන්නාරම් දිස්ත‍්‍රික්කය තුළ ගබඩාවක් ඉදිකරමින් පවතිනවා. මෙම ක‍්‍රමය තුළින් ගොවි නිෂ්පාදන අවසාන පාරිභෝගිකයා වෙත යැවීමේදී වන අතරමැදි වියදම් අඩුවන බැවින් සාධාරණ මිලක් ගෙවීමෙන් පාරිභෝගිකයාටද ප‍්‍රතිලාභයක් ලැබෙනු ඇත.  ඒ අනුව පොලොන්නරුව, කිළිනොච්චිය හා රත්නපුර (ඇඹිලිපිටිය) දිස්ත‍්‍රික්කයන්හි තවත් මෙවැනි ගබඩා තුනක් ඉදිකිරීමට හා මන්නාරම් දිස්ත‍්‍රික්කයේ දැනට ඉදිවන ගබඩාවේ ඉතිරි වැඩ අවසන් කිරීම සඳහා රුපියල් මිලියන 1,000 ක් වෙන් කිරීමට මා යෝජනා කරනවා.

133.    ගරු කථානායකතුමනි, ගොවියාගේ නිෂ්පාදන වියදම මෙන්ම පාරිභෝගිකයාට සිදුවන බලපෑම සැලකිල්ලට ගනිමින් කීරි සම්බා කිලෝවක් සඳහා රුපියල් 50/- ක්, සම්බා කිලෝවක් සඳහා රුපියල් 41/- ක් සහ නාඩු සහ අනෙකුත් වී වර්ග සඳහා කිලෝවකට රුපියල් 38/- ක් වන පරිදි වී සඳහා සහතික මිලක් ලබා දීමට මා යෝජනා කරනවා. මෙමගින් පාරිභෝගිකයාට සහල් කිලෝ ග‍්‍රෑම් 1 ක් රුපියල් 65 කට පමණ ලබා ගැනීමට හැකි වෙනවා.

134.    ගරු කථානායකතුමනි, රටෙහි සහල් නිෂ්පාදනය වර්ධනය වී තිබෙනවා.  එමනිසා අතිරික්ත සහල් මන්දපෝෂණයට පහසුවෙන් ගොදුරු වීමේ වැඩි අවදානමක් ඇති සමෘද්ධිලාභීන්ට ලබාදීමට මා යෝජනා කරනවා. මෙම යෝජිත ක‍්‍රමය තුළින් ඔවුන්ගේ පෝෂණ මට්ටම ඉහළ නංවනු ඇති. මේ ස`දහා සහල් මෙටි‍්‍රක් ටොන් 44,000 ක් ලබා ගැනීමට අප බලාපොරොත්තු වෙනවා.

135.    සහල් අපනයනය කිරීම සඳහා දැන් කාලය එළඹී ඇති බවට මා විශ්වාස කරනවා.  එමනිසා අපනයන වෙළඳපල අරමුණු කරගත් සහල් නිෂ්පාදනය සඳහා ගොවීන්ට අනුබල ලබා දෙනවා. ශ‍්‍රී  ලංකා සහල් සඳහා සන්නාම ලබා ගැනීම වැඩපිළිවෙලක් සකස් කිරීමටත්  අපගේ සහල් සඳහා විදේශීය වෙළඳපල හඳුනා ගැනීමටත් අපනයන සංවර්ධන මණ්ඩලය දිරිමත් කරනවා.   

136.     ගරු කථානායකතුමනි, පෙර පැවති රජයන් විසින් ගොවි ජනතාව වෙනුවෙන් ප‍්‍රතිලාභ රැසක් ලබා දී තිබෙනවා. මෙම ගරු සභාව විසින් පොහොර සහනාධාරය, ඉඩම්, තාක්ෂණික සහායන්, බීජ ඇතුළු නිමක් නැති සහනාධාර ගොන්නක් අනුමත කර තිබෙනවා.  එහෙත් අද කෘෂිකර්මාන්තයේ තත්ත්වය කුමක්ද? කෘෂිකර්ම ක්ෂේත‍්‍රයෙන් දළ දේශීය නිෂ්පාදිතයට ලැබුන දායකත්වය ක‍්‍රමයෙන් අඩු වී 2014 දී එය සියයට 10 ක් පමණ වී ඇත.  හෙක්ටයාර් එකකට ලැබෙන අස්වැන්න ඉතා අඩු මට්ටමක පැවතීම නිසා අපට ජාත්‍යන්තරය සමඟ තරඟ කළ නොහැකියි.  ප‍්‍රධාන වී නිෂ්පාදන ප‍්‍රදේශවල සමාජ ප‍්‍රශ්ණයක් බවට පත්වී ඇති හේතු කාරකයක් නොදන්නා නිදන්ගත වකුගඩු රෝගය අධික පොහොර භාවිතය නිසා ඇති වූ බව තවදුරටත් විවාදයට තුඩු දී ඇත.  එසේම එය ජලය සහ පස අපවිත‍්‍ර වීමටද බලපා ඇති අතර එමගින් සෞඛ්‍ය ගැටලූ රැසක්ම මෙන්ම පරිසර උවදුරුවලට ද හේතුවී ඇත.  අද අප මුහුණපාන මෙම ගැටලූව අපගේ කෘෂිකාර්මික ප‍්‍රතිපත්තියේ අනාගතය තීරණය කිරීම සඳහා විශාල බලපෑමක් ඇති කරනවා. පොහොර භාවිතය සහ වී නිෂ්පාදනයේ ඵලදායීතාවය අතර සෘජු සහ සම්බන්ධතාවයක් නොමැති බව අධ්‍යයනවලින්ද සනාථ කර තිබෙනවා.  වී ගොවීන් සඳහා කෙතරම් සහායක් ලබා දුන්නද ඔවුන් අප රටේ තවමත් සමාජයේ සූරාකෑමට ලක්වූ කොටසක් වේ.  එසේම පාරිභෝගිකයින්ටද බලාපොරොත්තු වූ ප‍්‍රතිලාභ ලැබී නොමැත.  ගොවියාට හෝ පාරිභෝගිකයාට බලාපොරොත්තු වූ ප‍්‍රතිලාභ නොලැබේ නම්, ගොවියා හා පාරිභෝගිකයා යන දෙපාර්ශවයටම වඩාත් ප‍්‍රතිලාභ ලැබෙන සහායක් ලබාදිය හැකි පරිදි අපගේ කෘෂිකාර්මික උපායමාර්ගයන් ගැන නැවත සිතා බැලීමට මා පොළඹවනවා.  එබැවින් දැනට ලබාදෙන පොහොර සහනාධාරය සුළු පරිමාණ වී ගොවීන් සඳහා පමණක් ලබාදීමට මා යෝජනා කරනවා. ඒ අනුව, වී ගොවීන් සඳහා හෙක්ටයාර් එකක් දක්වා යල සහ මහ කන්න දෙකම ආවරණය වන පරිදි වර්ෂයකට රුපියල් 25,000 ක උපරිමයකට යටත්ව මුදල් ප‍්‍රදානයක් ලබාදෙනවා.  මෙමගින් ගොවීන්ට තම වගාවන් සඳහා අවශ්‍ය යෙදවුම් තීරණය කිරීමට වඩාත් නිදහසක් ලැබෙන අතරම එයින් ඵලදායිතාව ඉහළ නැංවෙන බව මාගේ විශ්වාසයයි.  මේ සඳහා රුපියල් මිලියන 37,500 ක් වෙන්කිරීමට මා යෝජනා කරන අතර, එය 2015 වසරේ වෙන්කළ රුපියල් මිලියන 35,000 ට වඩා වැඩිවීමකි.

පලතුරු සහ එලවළු කර්මාන්තය

13.    ගරු කථානායකතුමනි,  දේශීය හා විදේශීය වෙළඳපල අවස්ථා උකහා ගැනීමට හැකිවන පරිදි පලතුරු හා එලවළු කර්මාන්තය වාණිජමය වශයෙන් සංවර්ධනය වී නැහැ.

138.    පලතුරු විජලනය හා ටින්කිරීමේ කර්මාන්තය තවමත් ආරම්භක අවධියේ මෙන්ම නොදියුණු මට්ටමේ පවතිනවා. මෙම කර්මාන්තයේ අභිවෘර්ධිය සඳහා එයට ඇතුළුවන ආයතන හා පුද්ගලයින් බැංකු මගින් ලබාගන්නා ණය සඳහා අයකෙරෙන පොලී ප‍්‍රමාණයෙන් සියයට 50 කට පොලී සහනයක් ලබා දීමට මා යෝජනා කරනවා.  මෙම කර්මාන්තය සඳහා අවශ්‍ය යන්ත්‍රෝපකරණ ආනයන බද්දෙන් කරන අතර නිදහස් කරන අතර ඉඩදිය හැකි ක්ෂය දීමනාවට අමතරව සුදුසුකම් ලැබීම් ලෙස අඩු කිරීමට ද ඉඩ දෙනු ලැබේ.

139.    අතුරු වගාව, ඉහළ අස්වැන්නක් ලැබෙන රෝපණ ද්‍රව්‍ය හා බීජ භාවිතය, තාක්ෂණය යොදාගැනීම ආදිය තුළින් ඉඩම් භාවිතය ප‍්‍රශස්ත මට්ටමින් සිදු කිරීම සඳහා මා පෞද්ගලික  අංශය උනන්දු කරවනවා. අවභාවිතාවයක් සහිත හෝ භාවිතයට නොගත් රජයේ ඉඩම් එලවළු හා පලතුරු ගොවීන්ගේ ඉල්ලීම මත කල්බදු ක‍්‍රමය යටතේ ලබාදෙනු ඇත.  

140.    නුවරඑලිය, දඹුල්ල, ඇඹිලිපිටිය, කැප්පෙටිපොල සහ තඹුත්තේගම පිහිටි ආර්ථික මධ්‍යස්ථානයන්ට ආසන්නයෙන් එලවළු හා පලතුරු ගබඩා කිරීම සඳහා පෞද්ගලික අංශය මගින් කළමනාකරණය කරනු ලබන ශීතාගාර 5 ක් පිහිටුවීමට මා යෝජනා කරනවා. එමගින් වෙළඳපල මිල ස්ථායීකරණය ඇති කිරීමට මෙන්ම පසු අස්වනු හානිය අවම කිරීමටත් අපේක්ෂා කරනවා. මේ සඳහා රුපියල් මිලියන 2,000 ක් වෙන් කිරීමට මා යෝජනා කරනවා.

කිරි කර්මාන්තය

141.    ගරු කථානායකතුමනි, දේශීය කිරි නිෂ්පාදනයේ වෙළඳපල ප‍්‍රතිශතය ඉතා සීමිතයි. දේශීය කිරි නිෂ්පාදනය දිරි ගැන්වීමට හා ආනයන සීමාකිරීම සඳහා පසුගිය රජය විසින් දරන ලද උත්සාහයන් අප අගය කරනවා. රජයේ ප‍්‍රතිපත්තිය වන්නේද දේශීය කිරි නිෂ්පාදකයින්ගේ නිෂ්පාදන ඉහළ නැංවීම සඳහා ඔවුන් දිරිමත් කිරීමයි. ඒ අනුව, දේශීයව නිෂ්පාදනය කරනු ලබන ග‍්‍රෑම් 400 කිරිපිටි පැකට්ටුවක් සඳහා වන උපරිම සිල්ලර මිල රුපියල් 325 සිට රුපියල් 295 දක්වා අඩුකිරීමට මා යෝජනා කරනවා.  එසේ විකුණනු ලබන ග‍්‍රෑම් 400 ක කිරිපිටි පැකට්ටුවක් සඳහා රජය විසින් රුපියල් 30 ක සහනාධාරයක් දේශීය කිරි නිෂ්පාදකයින් සඳහා ලබාදීමටත් ඒ සඳහා මිලියන 1,000 ක් වෙන්කිරීමටත් මා යෝජනා කරනවා. මේ තුළින් දේශීය නිෂ්පාදකයාට උපකාර කරන අතර ජීවන වියදම් අඩු කර ගැනීමට ද හැකි වෙනවා.

142.    දේශීය කිරි නිෂ්පාදන අංශයෙන් රටෙහි ආර්ථිකයට ලැබෙන දායකත්වය ඉතා සීමිත වුවත්, එම කර්මාන්තය තවදුරටත් දියුණු කිරීම සඳහා විශාල හැකියාවක් තියෙනවා.  එබැවින් රාජ්‍ය සහ පෞද්ගලික අංශයේ සහභාගිත්වය යටතේ (Public Prviate Partnership)  වාණිජ මට්ටමින් දේශීය කිරි නිෂ්පාදනය දිරිමත් කිරීම සඳහා අවම ආයෝජනය රුපියල් මිලියන 25 කට යටත්ව මෙම ක්ෂේත‍්‍රයේ කරන ආයෝජනයන් සඳහා භාවිතයට නොගත් හා ඌණ උපයෝජිත රජයේ ඉඩම් ලබා දෙනු ලබනවා. එසේම, රාජ්‍ය හා පෞද්ගලික සහභාගිත්වයෙන් බාහිර ගොවීන් ලවා ඉහළ ඵලදාවකින් යුතු තෘණ වගා කළ හැකි වැඩසටහනකට එළඹිම සඳහා ප‍්‍රයෝජනයට නොගත් හා ඌණ උපයෝජිත රජයේ ඉඩම් ලබා දීමට ද මා යෝජනා කරනවා.  කිරි නිෂ්පාදනය සඳහා අවශ්‍ය යන්ත්‍රෝපකරණ සඳහා එකවර ක්ෂය කිරීමේ හැකියාව ලබා දීමටත් ආනයන බදු අඩු කිරීමටත් මා යෝජනා කරනවා.

143.    රට තුළ දියර කිරි භාවිතය තවමත් ප‍්‍රශස්ථ මට්ටමකට පැමිණ නොමැති බැවින් දියර කිරි භාවිතය පිළිබඳ විශාල ප‍්‍රවර්ධන වැඩසටහනක් උඩරට, නව ගම්මාන, වතු යටිතල පහසුකම් සහ ප‍්‍රජාසංවර්ධන අමාත්‍යාංශය සහ සෞඛ්‍ය, පෝෂණ හා දේශීය ආයුර්වේද අමාත්‍යාංශය මගින් ක‍්‍රියාත්මක කිරීමට මා යෝජනා කරනවා.

     ධීවර

144.    ගරු කථානායකතුමනි, අප රට දිවයිනක් වූවත් අප තවමත් වාර්ෂිකව ඇමරිකානු ඩොලර් මිලියන 150 ක පමණ මත්ස්‍ය සහ මත්ස්‍ය නිෂ්පාදන ආනයනය කරන බව ප‍්‍රකාශ කරන්නේ කණගාටුවෙනි.  සෘතුමය බලපෑම් හේතුවෙන් මත්ස්‍ය වෙළඳපල මිල වෙනස්වීම්, ගබඩා පහසුකම් හිඟවීම නියාමන රාමුවේ වෙනස්වීම්, තම ව්‍යාපාර දියුණු කිරීම සඳහා නව වෙළඳපොළවල් සහ මූල්‍ය ප‍්‍රභවයන්වලට ඇති සීමිත ඉඩකඩ හේතුවෙන් දේශීය මත්ස්‍ය නිෂ්පාදකයින් තවමත් අවදානම් සහගත තත්ත්වයක සිටිනවා.

145.    ධීවර කර්මාන්තයේ යෙදී සිටින්නන්ගේ සමාජ සුරක්ෂිතතාව ක‍්‍රියාත්මක කිරීමේ රජයේ වගකීම හඳුනාගනිමින් ඔවුන්ට මුහුදේ දී සිදුවන අනතුරු සඳහා රුපියල් මිලියනයක ජීවිත රක්ෂණයක් අප විසින් හඳුන්වා දෙනු ලබනවා. මෙම රක්ෂණ ක‍්‍රමයෙන් ධීවරයන් සොයා ගැනීම හා මුදවා ගැනීම යන වියදම් ද ආවරණය වෙනවා.

146.    ගරු කථානායකතුමනි, පසුගිය වසර පහක සාමාන්‍යයට අනුව වාර්ෂිකව රුපියල් මිලියන 5,000 කට ආසන්න වටිනාකමින් යුතු ටින්මාළු මෙරටට ආනයනය කරනු ලබනවා.  ටින් මාළු කර්මාන්තයේ වර්ධනය සඳහා ඇති ඉඩකඩ සැලකිල්ලට ගනිමින්, මාළු ටින් කිරීම සඳහා යොමු වීමට පෞද්ගලික අංශය දිරිමත් කරනවා.  මෙම කර්මාන්තයේ යෙදෙන්නන් දිරි ගැන්වීම සඳහා ලක් සතොස සමාගම හරහා නිෂ්පාදන නැවත මිලදී ගැනීමේ යාන්ත‍්‍රණයක් ඇති කිරීමට මා යෝජනා කරන අතර ඒවා රුපියල් 125 ක් වන සහනදායී මිලකට අලෙවි කිරීමට අපේක්ෂා කරනවා. මෙය ජීවන වියදම අඩු වීමට  උපකාරී වනු  ඇති. මේ ස`දහා ලක් සතොස වෙත රුපියල් මිලියන 300 ක් වෙන් කිරීමට මා යෝජනා කරනවා.

147.    තවද, දේශීය ධීවර කර්මාන්තය ආරක්ෂා කිරීම සඳහා මත්ස්‍ය හා මත්ස්‍ය ආශ‍්‍රිත නිෂ්පාදන ආනයන සඳහා විශේෂ වෙළඳ භාණ්ඩ බද්ද රුපියල් 50 ක් දක්වා වැඩිකිරීමට යෝජනා කරනවා.

148.    දේශීය ධිවර කර්මාන්තයට පහසුකම් සැලසීම සඳහා දේශීය ධීවර වරායන් ශීතාගාරද සහිතව නවීන තාක්ෂණයෙන් සමන්විත වරායන් බවට වැඩිදියුණු කිරීමට මා යෝජනා කරනවා. ඒ අනුව, හලාවත, මිරිස්ස, කල්මුනේ, වැල්වැටිතුරේ, කරෙයිනගර් සහ පුරාණවැල්ල ධීවර වරායන් සංවර්ධනය කිරීමට රුපියල් මිලියන 750 ක් වෙන්කිරීමට මා යෝජනා කරනවා.  මෙම වරායන් බෝට්ටු නිෂ්පාදනය සහ අලූත්වැඩියා සඳහාද පහසුකම් සපයනු ඇති.

149.    කෘෂි සහ මත්ස්‍ය නිෂ්පාදන කරනු ලබන ස්ථානයන්ට ආසන්නව ඒ හා බැඳුනු සැකසුම් කර්මාන්ත පහසුකම් ඇති කිරීමට මා යෝජනා කරනවා.  මෙම පහසුකම් පොදුවේ භාවිතාකිරීමෙන් පිරිවැය අවම කරගත හැකිවේ.  ඒ අනුව අනුරාධපුරය, වව්නියාව සහ කිලිනොච්චි දිස්ත‍්‍රික්කයන්හි කෘෂි හා පශු සම්පත් සහ මත්ස්‍ය සැකසුම් කලාපයන් පිහිටුවීමට මම යෝජනා කරනවා.  ඒ සඳහා රුපියල් මිලියන 100 ක් වෙන් කරනවා.  

150.    ගරු කථානායකතුමනි, මිරිදිය මත්ස්‍ය වගාව ආහාරමය පෝෂණය ලබාදෙන අතරම ආදායම් මූලාශ‍්‍රයක්ද වෙනවා.  මෙම ක්ෂේත‍්‍රය මුළුමනින්ම ප‍්‍රයෝජනයට ගෙන නැත.  එබැවින් මත්ස්‍ය අභිජනන ධාරිතාවය ඉහළ නැංවීම සඳහා ජාතික ජලජීවී අධිකාරියට (NAQDA)  රුපියල් මිලියන 100 ක් වෙන් කරනු ලබනවා.

151.    හැකියාවන් සහිත උනන්දුවක් දක්වන පෞද්ගලික අංශයේ ආයෝජකයන් සඳහා පරිසරයට හානියක් නොවන අයුරින් මත්ස්‍ය ව්‍යාපාර කරගෙන යාමට සුදුසු පරිසරයක් සහ අවශ්‍ය අනෙකුත් පහසුකම් සහිත ජලජීවී වගා කලාපයක් (Aquareculture Park) මඩකලපුව දිස්ත‍්‍රික්කය තුළ පිහිටුවීමට මා යෝජනා කරනවා.  මෙම කලාපය වාණිජ පදනමින් ජලජීවී වගා ව්‍යාපාර ආරම්භ කිරීමට අපේක්ෂිත ආයතන සඳහා ආයෝජන හිතකාමී පසුබිමක් සපයනු ලබනවා.  මෙම ජලජීවී වගා කලාපය රාජ්‍ය හා පෞද්ගලික අංශයේ සහභාගිත්ව හවුල් ව්‍යාපාරයක් (PPP)  ලෙස සංවර්ධනය කරනු ලබනවා.  ඒ සඳහා රුපියල් මිලියන 100 ක් මූලික කටයුතු වෙනුවෙන් වෙන් කිරීමට මා යෝජනා කරනවා.  

152.    මෑත කාලයේදී අර්බුද රැසකට මුහුණ දී සිටින ඉස්සන් කර්මාන්තය නිසි අවධානයකට ලක් නොවී පවතිනවා. කෙසේ වුවද, මෙම ක්ෂේත‍්‍රයේ වර්ධනය සඳහා ඇති ඉඩකඩ සැලකිල්ලට ගෙන ආසියානු සංවර්ධන බැංකුවේ සහයෝගිත්වයෙන් ක‍්‍රියාත්මක කිරීමට යෝජිත සුළු හා මධ්‍ය පරිමාණ ව්‍යාපාර සඳහා වන ණය ක‍්‍රමය යටතේ, ඉස්සන් කර්මාන්තයේ යෙදී සිටින වගා කරන්නන්, අභිජනන ක‍්‍රියාකරුවන් සහ සැකසුම් කරුවන්ගේ ප‍්‍රාග්ධන අවශ්‍යතා සඳහා ණය ලබාදීමට මා යෝජනා කරනවා.  එසේම ඉස්සන් කර්මාන්තයේ යෙදී සිටින්නන් සඳහා සුළු හා මධ්‍ය පරිමාණ ව්‍යාපාර සඳහා වන ඇප අරමුදල යටතේ ඇප ලබාදීමට ද මා යෝජනා කරනවා.

153.    යුරෝපා වෙළඳපලට මත්ස්‍ය අපනයනය සඳහා වන තහනම අපගේ ධීවරයන්ට අවාසි සහගත ලෙස බලපා තිබෙනවා.  වඩාත් සංවේදී රජයක් ලෙස ඇතැම් ධීවරයින් මුහුණපාන අපහසුතා අප හොඳින් දන්නවා.  ඒ අනුව යුරෝපීය වෙළඳපලට මත්ස්‍ය අපනයනය සඳහා පවතින තහනම ඉවත්කර නැවත එම වෙළඳපලට පිවිසීමට ඉඩකඩ සලසා ගැනීම සඳහා රජය නිරන්තරව සාකච්ඡා කරමින් සිටිනවා.  ජාත්‍යන්තර නියමයන්ට අනුකූල වීම සඳහා ධීවරයාත‍්‍රාවලට සම්පේ‍්‍රෂණ උපකරණ (Transponders) සවිකිරීමට රජය විසින් දැනටමත් කටයුතු කර තිබෙනවා.

154.    ධීවර අංශයෙන් ආර්ථිකයට ලැබෙන දායකත්වය ඉහළ නැංවීමේ අරමුණින් ගැඹුරු මුහුදේ මසුන් ඇල්ලීම සඳහා බලපත‍්‍ර ලබාදීමේ ක‍්‍රමවේදයක් හඳුන්වා දීමට කටයුතු කරන අතර ඒ යටතේ එක් බලපත‍්‍රලාභියකු අවම වශයෙන් ධීවරයින් 100 දෙනෙකු එම කාර්යයන් සඳහා සහභාගිකරවා ගත යුතුවේ.

      
         කුකුළු පාලනය

155.    ගරු කථානායකතුමනි, දේශීය කුකුළුමස් නිෂ්පාදනවල තත්ත්වය හා ඵලදායීතාවය වර්ධනය කිරීම සඳහා එම නිෂ්පාදනයන් සඳහා තවදුරටත් අවශ්‍ය ආයෝජන පුළුල් කිරීම උනන්දු කරවීමට මම කැමතියි.  ශ‍්‍රී ලංකාව කලාපය තුළ කුරුළු උණ රෝගයෙන් නිදහස් රටක් ලෙස ඇති වාසිය විශේෂයෙන්ම මැද පෙරදිග ඇතුළු විදේශ වෙළඳපලවල් වෙත පිවිසීම සඳහා යොදා ගැනීමටත් උනන්දු කරනවා. රජය විසින් මේ පිලිබඳව උපරිම සහයෝගය ලබාදෙනු ඇති.     
             
         වැවිලි ආර්ථිකය

156.    ගරු කථානායකතුමනි, 1992 වර්ෂයේදී පිහිටුවූ ප‍්‍රාදේශීය වැවිලි සමාගම් සඳහා අදාල වූ  කාලය මේ වන විටත් සම්පූර්ණ වී ඇත.  එබැවින් සියලුම ප‍්‍රාදේශීය වැවිලි සමාගම් කොළඹ කොටස් වෙළඳපොලේ ලේඛණගත සමාගම් බවට පත්කළ හැකි පරිදි ඒවා කළමනාකරණය කළ හැකි කුඩා ඒකක ලෙස ප‍්‍රතිසංවිධානය කිරීම තුලින් පුනර්ජීවනය කිරීමේ කාලය දැන් පැමිණ තිබෙනවා. ඒවගේම ප‍්‍රාදේශීය වැවිලි සමාගම්වල ඉඩම් විවිධ බෝග වගාකිරීම සඳහා භාවිතා කිරීම සීමා කිරීම ලිහිල් කිරීමටත් මා යෝජනා කරනවා.  කෙසේ වෙතත්, නැවත වගා කිරීම හා නවීකරණය සඳහා වූ දිගුකාලීන ආයෝජන සිදුකිරීමට කැපවූ ප‍්‍රාදේශීය වැවිලි සමාගම්වල කල් බදු කාලය, කළමනාකරණ ගාස්තුව නැවත සලකා බැලීමට යටත්ව අවුරුදු 50 දක්වා දීර්ඝ කිරීමට මා යෝජනා කරනවා.

157.    තේ කර්මාන්තය - ගරු කථානායකතුමනි, තේ ශ‍්‍රී ලංකාවේ ප‍්‍රධාන අපනයන භෝගය ලෙස තවදුරටත් පවතින නමුත් එහි අගය එකතු කිරීම (Value Addition) අපේක්ෂිත මට්ටමට ලඟා වී නැත. මෙම කර්මාන්තය දැනට ජාත්‍යන්තර වෙළඳපොලේ දැඩි මිල අඩුවීමකට මුහුණ දී තිබෙනවා. මෙය කුඩා සහ මධ්‍ය පරිමාණයේ තේ වගාකරුවන් කෙරෙහි බලපෑමක් ඇති කර තිබෙනවා. එමනිසා මෙම ගැටළු විසඳීම සඳහා රජයේ සහ පෞද්ගලික අංශයෙන් සමන්විත ක‍්‍රියාකාරී කමිටුවක් පත්කිරීමට මා යෝජනා කරනවා.

158.    තේ මිශ‍්‍ර කිරීම - ශ‍්‍රී ලංකාව ලෝකයේ ප‍්‍රධාන තේ නිෂ්පාදකයකු හැටියට අගය එකතු කිරීම අතින් ඩුබායි වැනි රටවලට වඩා පසුපසින් සිටිනවා.  පසුගිය මාස කීපය තුළ තේ කර්මාන්තය විසින් ශ‍්‍රී ලංකාවට තේ ආනයනය කිරීම ලිහිල් කරන ලෙස ප‍්‍රබල ඉල්ලීම් ඉදිරිපත් කර තිබෙනවා.  එමනිසා ශ‍්‍රී ලංකාව තේ කේන්ද්‍රස්ථානයක් ලෙස තේ මිශ‍්‍ර කිරීම වැනි කටයුතු තුළින් අගය එකතු කිරීම වැඩිකර ගැනීමට උනන්දු කිරීමේ අරමුනින් ශ‍්‍රී ලංකාවට තේ ආනයනය කිරීම, පවතින නෛතික රාමුව තුළ ලිහිල් කිරීමට යෝජනා කරනවා. මෙහිදී සඳහන් කිරීමට කැමතියි එමගින් Ceylon Tea  යන සන්නාමය නොවෙනස්ව පැවතීම සඳහා ලේබල් කිරීමේ අවශ්‍යතාවය අනිවාර්ය කරන බව.

159.    රබර් කර්මාන්තය - ගරු කථානායකතුමනි, රබර් නිෂ්පාදන ක්ෂේත‍්‍රයේ ශක්‍යතා අධ්‍යනය සඳහා වැවිලි කර්මාන්ත අංශයේ විවිධ පාර්ශවකරුවන් සමඟ එක්වී ප‍්‍රධාන සැලස්මක් (Master Plan)  පිළියෙළ කළ යුතුව ඇත.  මෙම අරමුණ සඳහා රජය විසින් තාක්ෂණික ආධාර ලබා ගැනීමට කටයුතු කරමින් සිටිනවා. මෙම සැලැස්ම මගින් මෙම ක්ෂේත‍්‍රය මුහුණ දෙන විවිධාකාර ගැටලු සඳහා පිළියම් සපයන අතර ඉදිරි ක‍්‍රියාමාර්ග පිලිබඳවද මගපෙන්වීමක් කරයි.  මෙම සැලසුම ක‍්‍රියාත්මක කිරීමට උපකාර කිරීම සඳහා වැවිලි කර්මාන්ත අමාත්‍යාංශයට රුපියල් මිලියන 100 ක් වෙන් කිරීමට මා යෝජනා කරනවා. එසේම ආනයන කරනවාට වඩා දේශීය රබර් භාවිතා කරන ලෙස මා කර්මාන්තකරුවන්ගෙන් උදක්ම ඉල්ලා සිටිනවා.

160.    පොල් කර්මාන්තය -  පොල් කර්මාන්තය ද මේ වන විට අගය එකතු කිරීමේ ගැටළුවට මුහුණ දී තිබෙනවා. මෙයට හේතුවී ඇත්තේ පොල් නිෂ්පාදනයෙන් සැලකිය යුතු ප‍්‍රමාණයක් ගෙදර දොර ආහාර පිළියෙල කිරීම සඳහා භාවිතයට ගැනීමයි.  පොල් කර්මාන්තකරුවන්ගේ ඉල්ලීම පරිදි අදාල රාජ්‍ය ආයතන මගින් හඳුනා ගෙන පාලනය කරන අංශ තුළ කරනු ලබන අගය එකතු කිරීම සඳහා පොල් ආනයනය කිරීමට යෝජනා කරන අතර මෙම නිෂ්පාදන පසුව අපනයනය  කරනු ලැබේ.  මෙසේ යෝජනා කරනු ලබන පොල් ආනයනය කිරීම සඳහා ඉඩදෙනු ලබන්නේ දැඩි නිරෝධායන (Quarantine)  අවශ්‍යතාවයන්ට යටත්වය. එසේම පොල් ප‍්‍රවර්ධන කටයුතු ඇතුලූව පොල් නිෂ්පාදන පුනරුත්ථාපන වැඩපිලිවෙල සඳහා රුපියල් මිලියන 250 ක් වෙන් කිරීමට යෝජනා කරනවා.

161.    තේ සහ රබර් කර්මාන්ත උනන්දු කරවීම සඳහා තේ සහ රබර් වගා කිරීමෙහි නියුතු සමාගම්වලට වසර දෙකක බදු නිදහස් කිරීමක් ලබාදීමට මා යෝජනා කරනවා.

162.    තේ, රබර් සහ පොල් කර්මාන්ත දියුණු කිරීම සඳහා ඉතා පුළුල් ලෙස පර්යේෂණ සිදු කිරීමට අත්‍යවශ්‍ය වන අතර එම සොයාගැනීම් සහ ශිල්පක‍්‍රම ඵලදායී ලෙස යොදාගත යුතු වෙනවා. එමනිසා තේ පර්යේෂණායතනය, රබර් පර්යේෂණායතනය සහ පොල් පර්යේෂණායතනය ශක්තිමත් කිරීමටත් එමගින් එම ආයතන විසින් ඵලදායීතාවය වැඩිකිරීම, භෝග විවිධාංගීකරණය ආදිය සඳහා පර්යේෂණවල නිරතවීම උනන්දු කෙරේ.  මෙම අරමුණ සඳහා රුපියල් මිලියන 200 ක් වසර 2 ක කාලයක් තුළ වෙන්කිරීමට මා යෝජනා කරනවා.
    
163.    අනෙකුත් වගාවන් - රජයේ ආධාර නොලැබීම හේතුකොට ගෙන පුවක් නිෂ්පාදනය පසුගිය දශකය පුරා නොසලකා හැර තිබුනි.  එබැවින් කර්මාන්තය දියුණු කිරීමේ හැකියාව සලකා බලා වාණිජ වශයෙන් පුවක් වගා කිරීම උනන්දු කරන අතර පුවක් එකතුකිරීමේ කලාප පිහිටුවීමට ද මා යෝජනා කරනවා.

164.      රජයේ ආධාර නොලැබීම හේතුකොටගෙන පුවක් නිෂ්පාදනය පසුගිය දශකය පුරා නොසලකා හැර තිබුණි. එබැවින් එම කර්මාන්තය දියුණු කිරීමේ හැකියාව සලකා බලා වාණිජ වශයෙන් පුවක් වගා කිරීම උනන්දු කරන අතර අපනයන අරමුණු කරගෙන පුවක්, අගය එකතු කිරීමේ කලාප පිහිටුවීමට මා යෝජනා කරනවා.
 
  කුළු බඩු සහ ආශ‍්‍රිත නිෂ්පාදන

165.     ශ‍්‍රී ලංකාවේ කුළු බඩු වෙලඳාමේ ඉතිහාසය 7 වන ශත වර්ෂය දක්වා දිවෙනවා.  කෙසේ නමුත් ශ‍්‍රී ලංකාවේ කුළු බඩු වෙළඳාම අපේක්ෂිත මට්ටමට ලඟා වී නොමැති අතර එමගින් රටට වටිනා විදේශ විනිමය ඉපයීම් ලැබීමට ඇති අවස්ථා අහිමි වී තිබෙනවා.

166.    කුළුබඩු කර්මාන්තය මුහුණ දෙන මෙම ප‍්‍රශ්ණයට විසඳුමක් ලෙස රජය විසින් කුළුබඩු කවුන්සිලය සමඟ සම්බන්ධව ශ‍්‍රී ලංකාවේ කුළුබඩු ගෝලීය වශයෙන් වෙළඳ සන්නාම ගත කිරීමේ වැඩපිලිවෙලක් දියත් කරනු ඇත.  ඒ සඳහා රුපියල් මිලියන 150 ක් වෙන් කිරීමට මා යෝජනා කරනවා.  නිෂ්පාදන වැඩිකිරීමේ අරමුණින් සහ වැඩිපුර අපනයන ආදායම් උත්පාදනය කිරීම සඳහා රජය සතු භාවිතයට නොගත් සශ‍්‍රීක ඉඩම් ඒ සඳහා යොදා ගැනීමට පහසුකම් සැලසීමට පෞද්ගලික අංශයට කුරුඳු, ගම්මිරිස්, කරඳමුංගු, සාදික්කා ආදිය වගා කිරීම සඳහා කල්බදු පදනමින් ඉඩම් ලබාදීමට යෝජනා කරනවා.  විශේෂයෙන්ම ගම්මිරිස්, කරදමුංගු වැනි කුළුබඩු වගාකිරීම කොන්ත‍්‍රාත් ක‍්‍රමයට සිදු කිරීම සඳහා ප‍්‍රාදේශීය වැවිලි සමාගම් උනන්දු කෙරේ. මේ සඳහා අපනයන කෘෂිකර්ම දෙපාර්තමේන්තුවේ කුරුඳු පර්යේෂණ අංශය ශක්තිමත් කිරීමේ අරමුණින් රුපියල් මිලියන 50 ක් වෙන්කිරීමට ද මා යෝජනා කරනවා.

167.    නියම කුරුඳු සැපයීම සම්බන්ධව ශ‍්‍රී ලංකාවට ලෝක වෙළඳපොලේ කුරුඳුසැපයුමෙන් සියයට 85 ප‍්‍රමාණයකට වඩා ඒකාධිකාරයක් තිබෙනවා. කුරුඳු වගාවේ වටිනාකම් ක‍්‍රියාදාමය (Value Chain)  විවිධ ආයතන යටතේ ඇති අතර එමගින් මෙම කර්මාන්තයේ වර්ධනය සීමා වී තිබෙනවා.  එබැවින් පෞද්ගලික අංශයේ සහභාගිත්වය ඇතිව වටිනාකම් දාමයේ සියලූ කටයුතු එක ආයතනයක් යටතට ගෙන ඒමට කුරුඳු සංවර්ධන අධිකාරියක් ඇති කිරීමට මා යෝජනා කරනවා.  ඒසඳහා රුපියල් මිලියන 50 ක් වෙන් කිරීමට යෝජනා කරනවා.   

168.    තවද කුරුඳු කර්මාන්තයේ කුසලතා වැඩිදියුණු කිරීමේ අරමුණින් කුරුඳු පුහුණු පාසැල ව්‍යාප්ත කරනු ඇත.  මේ සඳහා රුපියල් මිලියන 50 ක් වෙන් කිරීමට යෝජනා කරනවා.

169.    කුරුඳු කර්මාන්තයේ අගය එකතුකිරීම ඉතා පහළ මට්ටමක පවතින තත්ත්වයක් යටතේ   ජාතික විද්‍යා පදනම මගින් කුරුඳු කර්මාන්තය හා ඒ ආශ‍්‍රිත කටයුතු සම්බන්ධයෙන් කරන පර්යේෂණ වෙනුවෙන් එම ආයතනයට ද රුපියල් මිලියන 50 ක් වෙන්කිරීමට මා යෝජනා කරනවා.  

170.    කුළුබඩු අපනයනය ධෛර්යමත් කිරීම සඳහා ගම්මිරිස්, කරාබු නැටි සහ සාදික්කා මත පනවා ඇති සෙස් බදු ඉවත් කරනවා.

 ග‍්‍රාමීය ආර්ථිකය නගා සිටුවීම

171.    ගරු කථානායකතුමනි, අපගේ ආර්ථික ප‍්‍රතිපත්තියේ එක් මුල්ගලක් වන්නේ ග‍්‍රාමීය ආර්ථිකය නගා සිටුවීමයි.  මේ සම්බන්ධයෙන් 14,022 ක් වන ග‍්‍රාම නිලධාරී කොට්ඨාශ සම්පූර්ණ ග‍්‍රාමීය ආර්ථික මධ්‍යස්ථාන වශයෙන් ක‍්‍රියාකරන පොකුරු ගම්මාන 2,500 ක් ලෙසට සංවර්ධනය කරනු ඇත.  මේ අනුව, ග‍්‍රාමීය ජනතාවගේ ජීවන තත්ත්වය වැඩිදියුණු කිරීමට අවශ්‍ය පහසුකම් සැලසීමේ අදහසින් මෙම ගම්මානවල පොදු පහසුකම් සංවර්ධනය සහ  ජීවනෝපාය සංවර්ධනය කිරීමේ ව්‍යාපෘති ආරම්භ කරනු ඇත.  ගොවීන්ට ද සාමාජිකයන් විය හැකි විශාල පරිමාණයේ කෘෂිකාර්මික ව්‍යවසායයන් ග‍්‍රාමීය ආර්ථික සංවර්ධන සැලසුම් යටතේ පිහිටුවනු ඇත.  මෙම ග‍්‍රාමීය ආර්ථිකය නගාසිටුවීමේ වැඩ සටහන සඳහා එක් ගමකට රුපියල් මිලියන 1.5  බැගින් වෙන්කිරීමටත් යෝජනා කරනවා.  මේ සඳහා වැය වෙන මුළු මුදල රුපියල් මිලියන 21,000 ක් වනවා.

172.    එසේම වවුනියාවේ නව ආර්ථික කලාපයක් ඇති කිරීමටත් යෝජනා කරනවා.  ඒ සඳහා රුපියල් මිලියන 200 ක් ග‍්‍රාමීය ආර්ථික කටයුතු අමාත්‍යාංශයට වෙන් කිරීමට මා යෝජනා කරනවා.

173.    ගරු කථානායකතුමනි, ග‍්‍රාමීය කෘෂිකර්මාන්තය දැනටත් ජීවනෝපායක් ලෙස අප ආර්ථිකයේ ප‍්‍රබල ස්ථානයක පවතී.  එහි වාරිමාර්ග අවශ්‍යතා සපයා ගනුයේ හදිසි අවධානයකට යොමු විය යුතු කුඩා වැව් සහ ඇළවල් මගිනි.  එමනිසා ග‍්‍රාමීය කෘෂිකර්මාන්තය වෙත සහාය වනු පිණිස කුඩා වැව් සහ ඇළවල් ප‍්‍රතිසංස්කරණය කිරීම සඳහා රුපියල් මිලියන 2,000 ක් වෙන්කිරීමට මා යෝජනා කරනවා.

ජාතික පාරිසරික සංරක්ෂණ වැඩසටහන

174.    ගරු කථානායකතුමනි, පරිසරය විසින් සියළුම ජීවීන් කෙරෙහි කරනු ලබන බලපෑම සැලකිල්ලට ගෙන වසර 3 ක ජාතික පාරිසරික සංරක්ෂණ වැඩ සටහනක් අතිගරු ජනාධිපතිතුමා විසින් ආරම්භ කර තිබෙනවා. වන සම්පත සංවර්ධනය කිරීම සහ සංරක්ෂණය කිරීම, පරිසර දූෂණය පාලනය කිරීම, පාරිසරික සමතුලිතබව ආරක්ෂා කිරීම තිරසාර ඉඩම් කළමනාකරණය, ජීව සම්පත් සංරක්ෂණය ආදිය මම වැඩසටහන යටතේ ක‍්‍රියාත්මක කිරීමට අපේක්ෂිතය. මෙම කටයුතු සඳහා සහ ළමා ආරක්ෂණය මත් උවදුර දුරුකිරීම හා කෘෂිකර්මය හා සම්බන්ධ අමතර වැඩසටහන් සඳහා රුපියල් මිලියන 2,000 ක් වෙන් කිරීමට මා යෝජනා කරනවා.

175.    ගරු කථානායකතුමනි, ශ‍්‍රී ලංකාව සතුව පැළෑටි සහ සත්ව විශේෂ සිය ගණනක් තිබෙන අතර එය ප‍්‍රමාණයෙන් ශ‍්‍රී ලංකාව හා සමාන බොහෝ රටවල් සමඟ සසඳා බලන කල වෙනත් රටවලට නොමැති වාසි සහගත තත්ත්වයකි.  කෙසේ වෙතත් මිනිස් ක‍්‍රියාකාරකම් හා දුර්වල කළමනාකරණ ක‍්‍රම මෙම ජීවීන්ට සහ ස්වභාවික පරිසරයට තර්ජනයක් වී තිබෙනවා. එමනිසා වනජීවීන් ආරක්ෂා කිරීමට සහ අලි - මිනිස් ගැටුමට ඉලක්කගත විසඳුමක් ලබාදීම සඳහා වසර 3 ක් තුළ ප‍්‍රයෝජනය ගැනීම රුපියල් මිලියන 4,000 ක් වෙන්කිරීමට මා යෝජනා කරනවා.

 විසිතුරු මත්ස්‍ය කර්මාන්තය

176.    ගරු කථානායකතුමනි, විටෙක ශක්තිමත් කර්මාන්තයක් වූ විසිතුරු මත්ස්‍ය කර්මාන්තය තුළ  වර්තමානයේදී එම තත්ත්වය පවතින්නේ නැත. මා පෞද්ගලික අංශයට විශේෂයෙන් මෙරට තරුණයන්ට මෙම කර්මාන්තයේ නියැලීමට උනන්දු කරවනවා. එසේම මෙය අපනයන කර්මාන්තයක් බවට පත් කිරීමට මෙම කර්මාන්තයේ ව්‍යාපාර ආරම්භ කරන අයට සහනදායී පදනමින් ණය පහසුකම් ලබාදීමටද යෝජනා කරනවා.

මැණික් සහ ස්වර්ණාභරණ

177.    ශ‍්‍රී ලාංකික මැණික් හා ස්වර්ණාභරණ කර්මාන්තය සතුව අවුරුදු 2500 කට වඩා දිගු ඉතිහාසයක් තිබුනද මෙම කර්මාන්තය සතුව ඇති හැකියාවන් සම්පූර්ණයෙන් උපයෝජනය කර නැහැ.  මේ පසුබිම යටතේ, කර්මාන්තය නගා සිටුවීම සඳහා මැණික් සහ ස්වර්ණාභරණ පුහුණු ආයතනය විසින් පුහුණු කරන්නන් සහ පුහුණුවන්නන් සඳහා ඇති පුහුණු පාඨමාලා වර්තමාන ඉල්ලූමට සරිලන පරිදි උසස් කිරීමට යෝජනා කරනවා.  මැණික් සහ ස්වර්ණාභරණ සම්බන්ධ කටයුතුවලට අදාළ පුහුණු කරන්නන් සඳහා ජාත්‍යන්තර අවස්ථා නිරාවරණය කරන අතරම මෙම පාඨමාලා හදාරණ ශිෂ්‍යයන්ට පාඨමාලාව සාර්ථකව හදාරන ශිෂ්‍යයන්ට ශිෂ්‍යත්ව ප‍්‍රදානය කරනවා.

178ග    ගරු කථානායකතුමනි, සංචාරකයන් ආකර්ශනය කර ගැනීම සඳහා මැණික් හා ස්වර්ණාභරණ අලෙවිය ප‍්‍රවර්ධනය සඳහාත් මැණික්, ස්වර්ණාභරණ හා දියමන්ති වෙන්දේසි සෑම වසරකම, අපේ‍්‍රල් මස සහ ඔක්තෝබර් මස පැවැත්වීමට මා යෝජනා කරනවා.  එසේම පෞද්ගලික අංශය විසින් මැණික් වෙළඳ මධ්‍යස්ථානයක් රත්නපුර නගරයේ පිහිටුවීමටත්, තීරුබදු රහිත මැණික් හා ස්වර්ණාභරණ සාප්පු ගුවන්තොටුපලේ පිහිටුවිමටත්, එතුළින් සංචාරකයන් ඉහළ යාම තුළින් ලැබෙන ප‍්‍රතිලාභ වැඩිකර ගැනීමටත් බලාපොරොත්තු වෙනවා.

179.    එසේම මෙම ක්ෂේත‍්‍රයට අදාළ ජාත්‍යන්තර මට්ටමේ සිටින දේශීය ශිල්පීන් සුරැකීම සඳහා ආනයනය කරනු ලබන ස්වර්ණාභරණ සඳහා සියයට 10 ක සෙස් බද්දක් පනවනවා.  

180.    මෙම සියලූ සහායන් සහ උනන්දු කිරීම්වලින් මැණික් හා ස්වර්ණාභරණ ක්ෂේත‍්‍රයේ අපනයන ඉපයීම් වර්ෂ 2018 වන විට ඇමෙරිකානු ඩොලර් බිලියන 2 ක් දක්වා ලඟාවනු ඇතැයි බලාපෙරොත්තු වෙනවා.

   රන් කර්මාන්තය

181.    ගරු කථානායකතුමනි, රත‍්‍රන් මිළ ඉතා අඩුවී ඇති තත්ත්වයක් තුළ රන් කර්මාන්තය වෙත කඩිනම් අවධානය යොමු කිරීමේ අවශ්‍යතාවයක් පවතිනවා. එමනිසා රත‍්‍රන් මත බදු පැනවීම සුදුසු නැහැ.  ඒ අනුව ආනයන බදු අයකිරීමකින් තොරව රත‍්‍රන් ආනයනය සඳහා බලපත‍්‍ර 50 ක් නිකුත් කිරීමේ  ක‍්‍රමයක් සකස් කිරීමට ශ‍්‍රී ලංකා මහ බැංකුවට යෝජනා කරනවා. මෙම බලපත‍්‍රලාභීන් විසින් රන්කරුවන් වෙත ආනයනික රත‍්‍රන් විකුණනු ඇත.  මෙවැනි බලපත‍්‍රයන් නොමැති කිසිදු අයෙකුට රත‍්‍රන් වෙළඳාමේ යෙදීමට අවසර දෙනු නොලැබේ.  

  ප‍්‍රාථමික කර්මාන්ත

182.    ගරු කථානායකතුමනි, ප‍්‍රාථමික කර්මාන්ත නොයෙක් ගැටළු නිසා ඇතිවන මිල උච්ඡාවචනයන්ට ලක්වෙනවා. එමනිසා ප‍්‍රාථමික කර්මාන්ත මුහුණ දෙන අභියෝග සඳහා උපාය මාර්ග හඳුනාගැනීමට කර්මාන්තයේ සිටින විශේෂඥයින්ගෙන් සමන්විත ප‍්‍රාථමික කර්මාන්ත කවුන්සිලයක් (Primary Industry Council)  පිහිටුවීමට යෝජනා කරනවා.   

183ග      ගරු අගමැතිතුමාගේ ප‍්‍රතිපත්ති ප‍්‍රකාශයේ සඳහන් කර ඇති පරිදි විශේෂිත කෘෂිකාර්මික හා ධීවර අපනයන කලාප රටතුළ පිහිටුවනු ඇත.  ප‍්‍රාථමික කර්මාන්ත අමාත්‍යාංශය වෙත මෙම යෝජිත කෘෂිකාර්මික හා ධීවර අපනයන කලාප පිහිටුවීම සඳහා රුපියල් මිලියන 2,000 ක් වෙන් කරනවා.

  ආර්ථිකය ඩිජිටල්කරණය

184.    ගරු කථානායකතුමනි,  ඩිජිටල්කරණය අද දියුණු රටවල ප‍්‍රචලිතව ඇති අතර දත්ත එකතු කිරීම හා දත්ත විශ්ලේෂණය, රටක ආදායම් දියුණු කර ගැනීමට ඉඩ ප‍්‍රස්ථා සහ අගය එකතු කිරීමේ ඉඩ ප‍්‍රස්ථා සලසනවා. මෙවැනි ක‍්‍රමවේදයන් තුළින් ශ‍්‍රී ලංකාවේ තාක්ෂණ තලය ඉහළ මට්ටමකට ළඟා වන අතර ලොව බොහෝ දියුණු රටවල් හා සැසඳිය හැකි ස්ථාවරයකට අනුගත විය හැකියි. මෙවැනි ඉහළ ශ්‍රේණිගතවීමක් රටක පරිපාලන ක්ෂේත‍්‍රය පුරා විකාශයවන අතර ඒ තුළින් පද්ධති හා පාලන ක‍්‍රමවේදද උසස් මට්ටමකට ළඟ වෙනවා. සරලව සඳහන් කළෙහොත් ආර්ථික සංවර්ධනය සඳහා අන්තර්ජාල සම්බන්ධතා ධනාත්මක බලපෑමක් ඇති කරනවා.

ජාතික ඩිජිටල් අයඳුම්පතේ ඇති විශේෂිත අංකය සියලුම දත්ත පද්ධතිවල එනම් ගමන් බලපත‍්‍ර, බදු ලිපිගොනු, රේගු ලියවිලි, වාහන ලියාපදිංචි, ඡුන්ද ලැයිස්තු, සුභ සාධන ලැයිස්තු, බැංකු  පද්ධතිවල, පොදු සේවා බිල්පත් ආදියේ ඇතුලත් කරනු ඇත. බදු අය  කර ගැනීම කාර්යක්ෂම කිරීම සඳහා එම අංකය ප‍්‍රයෝජනයට ගැනීමට අමතරව සුභසාධන ගෙවීම්වලදී වංචා හා දූෂණ අඩු කිරීමටත්, ප‍්‍රමාදයන්,  නාස්තිය තුරන් කර කාර්යක්ෂතාවය වැඩි කිරීමටත් උපකාරී වනු ඇත.

185.     අපගේ රජය විසින් පොරොන්දු වූ පරිදි සහ අපගේ තොරතුරු තාක්ෂණ පරිවර්තන උපායමාර්යෙහි අංශයක් ලෙස අප විසින් දැනටමත් සීමිතව නිදහස් උස-සෙ පහසුකම් තෝරාගත් පොදු ස්ථානවලට ලබාදී තිබෙනවා. එසේම අප විසින් නිදහස් උස-සෙ පහසුකම් අපේ සියළුම රාජ්‍ය අංශයේ විශ්ව විද්‍යාල සඳහා ද ලබා දෙනවා. ඉදිරි තෙවසර තුලදී අපේ රජය විසින් පරිපූර්ණ සංවර්ධන උපායමාර්ගයක් ක‍්‍රියාත්මක කිරීමට අදිටන් කර ගෙන තිබෙනවා. මෙය ආර්ථිකයට කැපී පෙනෙන බලපෑමක් ඇති කරනු ඇත.

186.      ඒ අනුව වසර 2018 අවසන් වන විට ප‍්‍රාදේශීය ලේකම් කාර්යාල, පලාත් සභා, ප‍්‍රාදේශීය සභා, උපතැපැල් කාර්යාල හා පොලිස් ස්ථාන ඇතුළු සියළු රජයේ ගොඩනැගිලි ඉලෙක්ට්‍රොනිකව සම්බන්ධ වනු ඇතැයි අපේක්ෂා කරනවා. මෙමගින් ඔවුන්ගේ එදිනෙදා වැඩ කටයුතුවලින් සියයට 70 ක් පමණ අන්තර්ජාලයෙන් ඉටුකර ගත හැකි වෙනවා.

187.    ගරු කථානායකතුමනි, ජාතික ඩිජිටල් හැඳුනුම්පතක් හඳුන්වා දීමට ද අප යෝජනා කරනවා.   එමගින්, සියළුම මූල්‍ය හා මූල්‍ය නොවන ඩිජිටල් ගනුදෙනු වඩාත් ආරක්ෂාකාරී ලෙස සිදුවීම සහතික කළ හැකියි.  (මෙම උත්තරීතර සභාවේ පහසුව සඳහා ඒ පිළිබඳව දළ සැලැස්ම ඇමුණුම ඩස ලෙස මෙයට අමුණා ඇත.)

188.    අපේ ඩිජිටල් උපායමාර්ගයට ජාතික ගෙවීම් තලය (National Payment Platform)  හඳුන්වා දීම ඇතුලත් වන අතර එමගින් මහජනතාවට ඔවුන්ගේ ජාතික ඩිජිටල් හැඳුනුම්පත් (National Digital Identity)  භාවිතයෙන් සිය ජංගම දුරකථනය මාර්ගයෙන් තමා ලබාගත් භාණ්ඩ හා සේවා සඳහා සිය බැංකු ගිණුම්වලින් මුදල් ගෙවීමට අවස්ථාව ලැබෙනවා.  ජාතික ගෙවීම් තලය හරහා කෙරෙන ගනුදෙනු මගින් වෙළඳපොල මුදල් සංසරණය අඩු  වීම නිසා කාර්යක්ෂමතාවය ඉහළ නැංවීමෙන් රජයට ඉතුරුවක් ද ඇති කරනු ඇත.

189.    පරිසරය හා ගුවන් තරංග ආරක්ෂා කිරීමට හා විදුලි සංදේශ සම්පත් කාර්යක්ෂම ලෙස භාවිතා කිරීම සඳහා තොරතුරු හා සංනිවේදන තාක්ෂණ ආයතනය (ICTA) යටතේ විශේෂ අරමුණු සඳහා වන සමාගමක් (Special Purpose Company)  පිහිටුවීමට මා යෝජනා කරනවා. විදුලි සංදේශ සමාගම් සහ ලංකා විදුලිබල මණ්ඩලය, මාර්ග සංවර්ධන අධිකාරිය හා ශ‍්‍රී ලංකා දුම්රිය සේවය ඇතුළු අනෙකුත් ආයතන සතු සියළුම තන්තු (Fiber) මෙන්ම  වර්ණාවලි පරාසයන් (Spectrum)  සහ ජංගම දුරකථන සම්පේ‍්‍රෂණ කුළුණු මෙම ආයතනය යටතට පත්වනු ඇත.

190.    ගරු කථානායකතුමනි, රෝහල් සේවා ඉඩම් කටයුතු සහ සමෘද්ධි ගෙවීම් වැනි මහජනතාව මූලික කරගත් පොදු සේවාවන් සැපයීමේදී, ජාතික ඩිජිටල් හැඳුනුම්පත සමඟ ඒකාබද්ධ කරන තනි කවුළුවක් (Single Window Concept)  යන සංකල්පය ක‍්‍රියාත්මක කිරීමට අප අදහස් කරනවා. රජයේ ඉඩම් කළමනාකරණ ක‍්‍රම පද්ධතිය හා ඉඩම් කේන්ද්‍රස්ථාන ක‍්‍රම පද්ධතිය මෙම තනි කවුළුවේ කොටසක් ලෙස ක‍්‍රියාත්මක කරනු ඇත.  

191.    පන්ති කාමර තුළ ඉගෙනීමේ හා ඉගැන්වීමේ ක‍්‍රියාවලිය සඳහා තොරතුරු තාක්ෂණය යොදා ගැනීම ශක්තිමත් කිරීම පිණිස අධ්‍යාපන අමාත්‍යාංශය සමඟ සහයෝගයෙන් ව්‍යාපෘති කිහිපයක් සැලසුම් කර ඇත.  මෙහි මූලික පියවරක් වශයෙන්  රටපුරා ස්මාර්ට් ඩිජිටල් පන්ති කාමර 200 ක් 2016 වසරේ දී ද පන්ති කාමර 1000 ක් 2017 වසරේදී ද ආරම්භ කරනු ඇත.

192.    ගරු කථානායකතුමනි, රජය, ”විවෘත රාජ්‍ය සහභාගිත්වය” (Open Government Partnership)  සඳහා කැපවී සිටිනවා. ජාතික දත්ත තලය (National Data Platform) ක‍්‍රියාත්මක කිරීම මගින් ශ‍්‍රී ලංකාවට විවෘත රාජ්‍ය සහභාගිත්වයෙහි අවශ්‍යතා සම්පූර්ණ කිරීමට තවදුරටත් සහායක් ලැබෙනු ඇත.

193.    උසස් ඩිජිටල්කරණ වැඩසටහන් ක‍්‍රියාත්මක කිරීම සඳහා රුපියල් මිලියන 10,000 ක ප‍්‍රතිපාදනයක් වෙන් කිරීමට මා යෝජනා කරනවා.  

ආයෝජන ප‍්‍රවර්ධනය

194.    ගරු කථානායකතුමනි 2014 වසරේදී සෘජු විදේශ ආයෝජන ප‍්‍රමාණය ඇමෙරිකානු ඩොලර් බිලියන 1.7 ක් පමණක් වූ අතර මෙය නිසැකවම කලාපයේ සමාන රටවල් හා සැසදීමේදී අඩු අගයකි.  පසුගිය මාස කිහිපය තුළදී අප දිවයිනේ ආයෝජන වාතාවරණ ව්‍යුහය පිළිබඳව අධ්‍යයනය කළ අතර දැන් අප ආයෝජන ව්‍යුහය වැඩිදියුණු කිරීමේ හා ප‍්‍රතිසංස්කරණය කිරීමේ උපාය මාර්ගික ගමන් මග සකස් කිරීමේ කාර්යයේ යෙදී සිටිනවා.

195.    මෙම ප‍්‍රයත්නයේදී, ආයෝජන පහසු කරලීමට හා මෙහෙයුම් කාර්යක්ෂමතාවය වැඩි දියුණු කිරීම සඳහා, ආයෝජන මණ්ඩලය, අපනයන සංවර්ධනය මණ්ඩලය හා ශ‍්‍රී ලංකා සංචාරක සංවර්ධන අධිකාරිය ප‍්‍රතිව්‍යුහගත කිරීමට අප රජය කටයුතු කරනු ඇත. මෙම ප‍්‍රතිව්‍යුහගතකරණ ක‍්‍රියාවලිය අවසන් වන තෙක් ”සංවර්ධනය සඳහා වූ නියෝජිතායතනය” නම් වූ සංවිධානයක් පිහිටුවනු ඇත.

196.    ගරු කථානායකතුමනි, ශ‍්‍රී ලංකාවේ දේශීය හා ගෝලීය ආයෝජකයන් නව ලෝක ව්‍යාපාර නිපුණතාවයන් සමඟ සම්බන්ධ කිරීමට අපට අවශ්‍ය වී තිබෙනවා. අද ගෝලීය වටිනාකම් දාම විසින් විවිධ රටවල්වල විවිධ අමුද්‍රව්‍ය හා දක්ෂතාවයන් මැනවින් කළමනාකරණය කරනු ලබනවා. මෙම ක‍්‍රමයට ශ‍්‍රී ලංකාවේ සිටින දේශීය හා ගෝලීය ආයෝජකයන් මේ සමඟ සම්බන්ධ කිරීමට අප කැපවී සිටිනවා.

197.    ගරු කථානායකතුමනි, ගරු අග‍්‍රාමාත්‍යතුමා විසින් මෙම සභාවට ප‍්‍රකාශ කළ පරිදි, රටෙහි ආයෝජන පරිසරය වැඩි දියුණු කිරීම සඳහා අවශ්‍ය නීති දැනටමත් කෙටුම්පත් කරමින් පවතිනවා. යහපාලනය සඳහා වූ අපගේ කැපවීම හේතුවෙන් ප‍්‍රධාන ආයෝජකයන් මෙරටෙහි ආයෝජනය කිරීමට මහත් උනන්දුවකින් පසුවෙනවා.

198.    ඇමරිකානු ඩොලර් බිලියන දෙකකට වඩා ආයෝජන ලැබිය හැකි විශේෂ ක්ෂේත‍්‍රයන් ලෙස පහත දැක්වෙන ක්ෂේත‍්‍රයන් අප විසින් හඳුනා ගෙන තිබෙනවා.
i    තෙල් පිරිපහදුව
ii    පුනර්ජනනීය බලශක්තිය
iii    ඒකාබද්ධ මෝටර් රථ නිෂ්පාදනය
iv    කලාපය සඳහා වානේ පාලම් නිෂ්පාදනය
v    පොහොර, ටි‍්‍රපල් සුපර් ෆොස්පේට් නිෂ්පාදනය
vi    චන්දි‍්‍රකා තාක්ෂණය
vii    ගුවන් යානා අළුත්වැඩියාව හා එයට අදාළ වෙනත් සහාය ක‍්‍රියාවන්
viii    ඒකාබද්ධ සීනි කර්මාන්තය

199.    මෙම තත්ත්වය යටතේ ආයෝජන ආකර්ශනය කර ගැනීමට ඇති ප‍්‍රධාන අවහිරතා සම්බන්ධයෙන් පහත පරිදි අප කටයුතු කරනවා.
x    විදේශිකයන්ට ඉඩම් බදු දීමේ දී පනවා ඇති බදු ඉවත් කිරීමට මා යෝජනා කරන අතර රටතුලට අයෝජන ආකර්ශනය කර ගැනීමට බාධාවක්ව පවතින ඉඩම් (බැහැර කිරීම්/සීමා කිරීම) පනත යටතේ, හඳුනාගත් ආයෝජනවල හිමිකාරිත්වය සම්බන්ධයෙන් පනවා ඇති සීමාවන් ඉවත් කිරීමටද සලකා බලනු ලැබේ.

x    විනිමය පාලනය, ආයෝජන ආකර්ශනය කර ගැනීම සම්බන්ධයෙන් මතභේදයට තුඩු දී ඇති ප‍්‍රධාන කරුණකි.  එබැවින්, අපැහැදිලි හා රළු පනතක් සේ සැලකෙන විනිමය පාලන පනත අහෝසි කිරීමට හා ආයෝජන හිතකාමී විදේශ විනිමය කළමනාකරණ පනතක් හඳුන්වා දීමට යෝජනා කරනවා. එමගින් සාක් (SAARC)  කලාපයේ සහ ලෝකයේ අනෙකුත් රටවලින් විදේශ විනිමය ආකර්ශනය කර ගැනීමට හැකි වනු ඇත.

x    විදේශ ආයෝජන ප‍්‍රවර්ධනය කිරීම ස`දහා ශ‍්‍රී ලංකාවේ පුරවැසියන් නොවන අය  හා විදේශීය සමාගම් විසින් ලැයිස්තුගත කොටස්වල ආයෝජනයෙන් ලැබෙන ලාභාංශ ආදිය, ආදායම් බද්දෙන් නිදහස් කිරීමට කටයුතු කරනවා.
x    ආයෝජන මණ්ඩලය වෙනුවට පිහිටුවනු ලබන සංවර්ධනය සඳහා වන නියෝජිතායතනය විදේශ ආයෝජනයක් සඳහා වන ඉල්ලූම්පත් සම්පූර්ණ කර දින 50 ක් තුළ වැඩ ආරම්භ කිරීම සහතික කරනු ඇත.  ආයෝජන ප‍්‍රවර්ධනය සඳහා මෙය නිසැකයෙන්ම නැවුම් ප‍්‍රවේශයක් වනු ඇත.

200.    ගරු කථානායකතුමනි, තවදුරටත් ආයෝජන ආකර්ශනය කර ගැනීමට හා රඳවා තබා ගැනීමට අවශ්‍ය නම් පවත්නා අපනයන සැකසුම් කලාප (Export Processing Zones) නවීකරණය කිරීම අත්‍යවශ්‍ය වෙනවා. එබැවින්, මෙම කලාපයන් කළමනාකරණය කිරීමේ කාර්යය, අවශ්‍ය නිපුනතාවයන් සහිත පෞද්ගලික අංශයේ කළමනාකරණ සමාගම් වෙත පැවරීමට යෝජනා කරනවා. නව අපනයන සැකසුම් කලාප ඇති කිරීමේ දී ආයෝජන මණ්ඩලය සක‍්‍රීයව එයට දායකවනු ඇත. නව කලාපයන්හි කළමනාකරණයද පෞද්ගලික අංශයේ කළමනාකරණ සමාගම්වලට පවරා දෙනු ඇත.

201.    විශාල වශයෙන් පරිසර සංවේදී කර්මාන්ත පුත්තලම, හම්බන්තොට, කිලිනොච්චිය වැනි විශේෂයෙන් හඳුනාගත් ප‍්‍රදේශවල ක‍්‍රියාත්මක කිරීම සඳහා අවශ්‍ය පහසුකම් සලසා දෙනු ඇත.

202.    රටේ සියලු ප‍්‍රදේශ සමාන ලෙස සංවර්ධනය කරනු ලබන බවට වන රජයේ ප‍්‍රතිපත්තිය සහතික කරනු වස් පසුගාමී ප‍්‍රදේශවල ආයෝජනය කරන ආයෝජකයන්ට රජයේ ඉඩම් හා ආයෝජන ආශ‍්‍රිත බදු සහන ලබා දීමට කටයුතු කරනු ලැබේ. මෙවැනි ප‍්‍රදේශවල ආයෝජනය සඳහා ආයෝජකයන් පොළඹවනු පිණිස අවම වශයෙන් ඇමෙරිකන් ඩොලර් මිලියන 10 ක් (ඉඩම් හා ගොඩනැඟිලි වටිනාකම් හැර) ආයෝජනය කරන හෝ නව රැකියා 500 ක් ඇති කරන (සේවක අර්ථසාධක අරමුදලෙහි නව අංක සහිතව) එම ප‍්‍රදේශවල කටයුතු අරඹන  ඕනෑම නව සමාගමකට වසර පහක කාලයක් සඳහා සියයට 50 ක බදු සහන ලබා දීමට මා යෝජනා කරනවා. මෙම සේවකයන් සංඛ්‍යාව 800 ඉක්මවන විට මෙම කාල පරිච්ජේදය වසර 8 දක්වා දීර්ඝ කරනු ඇත. මේ සඳහා වෙනත් විවිධ සහන සැලසීමට ද සලකා බලනු ඇත.
 
203ග    ලිහිසි තෙල් : වර්තමානයේ දී රටේ ලිහිසි තෙල් වෙළඳපොළ සමාගම් අතලොස්සක් විසින් පාලනය කරනු ලබනවා. එබැවින්, ලිහිසි තෙල් වෙළඳ පොළ විවෘත කිරීමට මා යෝජනා කරන අතර ඉහළ ආයෝජන සහිත අගය එකතු කළ නිෂ්පාදන ස`දහා යොමු වීමට සමාගම් උනන්දු කරවීමට කටයුතු කරනවා. තවද, ආයෝජන මණ්ඩලයේ නිශේධ ලැයිස්තුවෙන් (භැට්එසඩැ ඛසිඑ* ලිහිසි තෙල් ඉවත් කිරීමට මා යෝජනා කරනවා

204.    අධිවේගී මාර්ග ප‍්‍රතිසංස්කරණ හා සංවර්ධන කටයුතු වේගවත් කිරීම ස`දහා තාර වෙළෙ`දපොල ලිහිල් කිරීමට මා යෝජනා කරනවා.
205ග     යන්ත‍්‍ර ස`දහා ආයෝජනය කරමින් දැනට පවත්නා ව්‍යාපාර පුළුල් කිරීම ස`දහා නවීකරණය කිරීම දිරිගැන්වීමට මා කැමතියි. එම ව්‍යාපාර පුළුල් කිරීමෙන් ජනිත කරනු ලබන නව රැුකියා සංඛ්‍යාව අනුව වසර 3 කට අර්ධ බදු අනුපතායකට යටත්වනවා ඇති.
 
206.    ගරු කථානායකතුමනි, පසුගිය රජය විසින් හඳුන්වා දෙන ලද 2011 අංක 43 දරන ඌණ උපයෝජිත වත්කම් සහ ඌණ  ක‍්‍රියාකාරී ආයතන පුනරුදය කිරීමේ පනත මගින් බොහෝ ආයෝජකයන් අපහසුතාවයට පත් කරන ලද අතර එම පනත සමාලෝචනය කර අවශ්‍ය සංශෝධන කිරීමට අප අදහස් කරනවා. මෙම රජය එවැනි අහිතකර දේශපාලන අගතිගාමී ක‍්‍රියාවන් සිදු නොකරන බව මම අවධාරණය කිරීමට කැමතියි. ඒ වෙනුවට දේශීය හා ගෝලීය ආයෝජකයන් ආරක්ෂා කිරීම සඳහා නව නීති ගෙන ඒමට අප අදහස් කරනවා.

207.     උපාය මාර්ගික සංවර්ධන ව්‍යාපෘති පනත - පනත යටතේ සහන ලැබූ සමාගම් සඳහා තවදුරටත් බලාත්මකව පවතිනු ඇත. නව ආයෝජනයන්ට උපාය මාර්ගික සංවර්ධන ව්‍යාපෘති පනත වෙනුවටිනව ආයෝජන පනත’ හඳුන්වා දෙනු ඇත. ගරු කථානායකතුමනිල  රටේ ආර්ථික භූමිකාවට දැඩි බලපෑමක් එල්ල කරන විශව සංවර්ධන ව්‍යාපෘති සඳහා ආයෝජනය කිරීමට එකී සමාගම් සඳහා බදු අනුග‍්‍රහ ලබා දීමට මා යෝජනා කරනවා.  කෙසේ වුවද නව රෙගුලාසි පනවන තෙක් දැනටමත් සහන සඳහා අයදුම්කර ඇති සමාගම් සඳහා අතරමැදි කාලයේදී මෙම සහන තවදුරටත් ලබාදෙනු ඇත. ගරු කථානායකතුමනිල පසුගිය රජය යටතේ නොමනා අනුග‍්‍රහ ලබමින් අධික ලාභ ඉපැයූ අතලොස්සක් සමාගම් සඳහා අපි සුපිරි වාසි බද්ද පැනවූයෙමු. මෙය එක් වරක් පමණක් ගෙවන බද්දක් ලෙස පනවා ඇත. එබැවින් අනාගතයේ දීල සුපිරි වාසි බද්දක් නොමැති බව මෙම උත්තරීතර සභාවට දන්වා සිටීමට කැමතියි.

208.    රට තුළට ගලාඑන පේ‍්‍රෂණ හා ආයෝජන - ගරු කථානායකතුමනි පසුගිය දශකය පුරා රටේ පැවති නීතියක් නොමැතිල දූෂිත යහපාලනයෙන් තොර ශාපලත් පරිසරයල ව්‍යාපාර පවත්වාගෙන යාම සඳහා විශාල බාධාවක් වියග රාජ්‍ය පාලන බලය වෙනස්වීමත් සමඟම දැන් මෙම රට ව්‍යාපාර සඳහා හිතකර පරිසරයක් නිර්මාණය වී ඇතග දැන් දේශපාලන ස්ථාවරත්වය හා යහපාලනය පවතී. එබැවින් රටට අරමුදල් ගෙන ඒමට බොහෝ අය තම අභිලාෂය පළ කර ඇතග ඔවුන්ට අතිරේක පහසුවක් සලසනු පිණිස ඔවුන්ගේ ආයෝජන හා පේ‍්‍රෂණයන් ආරක්ෂාවීම සහතික වීම සඳහා රක්ෂනාවරණයක් සැපයීමට ජාත්‍යන්තර ආයතන සමඟ කටයුතු කිරීමට මම යෝජනා කරමි. එසේම විවිධ හේතු මත සිය මුදල් ශ‍්‍රී ලංකාවෙන් බැහැරව තබාගෙන සිටි ශ‍්‍රී ලාංකිකයන්ට එම මුදල් රටේ ආර්ථික සංවර්ධනයට දායකවීම පිණිස මව්රටට රැගෙන එන ලෙසට මම ඉල්ලා සිටිමි. විනිමය පාලන ලිහිල් කිරීමත් සමඟ විදේශ ආයෝජකයන්ට රටට ආයෝජන ගෙන ඒමට හඳුන්වා දී තිබූ ආරක්ෂණ ආයෝජන ගිණුම් ක‍්‍රමය අහෝසි කිරීමට මා යෝජනා කරනවා.  ඒ වෙනුවට ආයෝජකයන්ට විධිමත් බැංකු ක‍්‍රමය තුළ පවත්නා  ඕනෑම බැංකු ගිණුමකින් ශ‍්‍රී ලංකාවට මුදල් ගෙනඒමට ඉඩදිය යුතු බවටද යෝජනා කරනවාග ත‍්‍රස්තවාදී කටයුතු මත්ද්‍රව්‍යල නීති විරෝධී මිනිස් ජාවාරම හෝ දූෂණ හා වංචාවලින් උපයන ලද ආදායම් පේ‍්‍රෂණය කරන අවස්ථා හැරුණු කොට බැංකු ගිණුම් ක‍්‍රමය හරහා පිටරට තබාගෙන තිබෙන මුදල් මෙරටට පේ‍්‍රෂණය කරන කිසිම පුද්ගලයෙකුට එරෙහිව රජය විසින් නෛතික පියවර ගන්නේ නැත.  තවදුරටත් ශ‍්‍රී ලංකාවෙන් පිටත කරන ලද සේවා සඳහා සියලු ගනුදෙනු බැංකු ක‍්‍රමය හරහා සිදු කළයුතු බවට වන කොන්දේසිය යටතේ දේශීය ආදායම් පනත අනුව පවතින නිදහස් කිරීම් ප‍්‍රමාණය වැඩි කිරීමත් යෝජනා කරනවාග මේ නිසා මෙම ප‍්‍රතිපාදනවලින්  ප‍්‍රයෝජන ගන්නා ලෙසට සියලුම ආයතන දිරිමත් කරනවා.

209.    ගරු කථානායකතුමනිල හම්බන්තොට වරාය හරහා යන මුහුදු මාර්ගය වාර්ෂිකව තෙල් නැව් 4,500 ක් ඇතුළුව නෞකා 35,000 ක් පමණ භාවිතා කරනු ලබයි. කෙසේ වුවත්, වර්තමානයේ දී අපි ඉන්ධන සපයනු ලබන්නේල වාර්ෂිකව අතලොස්සක් වූ නැව් සංඛ්‍යාවකට පමණිග එබැවින් පවත්නා අති විශාල විභවයන් සැලකිල්ලට ගෙන ගැඹුරු මුහුදේ තෙල් සැපයීමේ කාර්යයට පිවිසීමට මම පෞද්ගලික අංශය දිරිමත් කරනවා, ඒ සඳහා වන බලපත‍්‍ර විනිවිද භාවයෙන් යුත් තරගකාරී ලංසු කැඳවීමේ ක‍්‍රියාවලියක් මගින් ලබා දෙනු ඇත.
 
210.    ගරු කථානායකතුමනිල නැව් සෑදීමේ හා කොටස් කිරීමේ කර්මාන්තයල නැව් අලුත්වැඩියා කිරීම වැනි කටයුතු ධෛර්යමත් කිරීම සඳහා හම්බන්තොට හා ත‍්‍රිකුණාමලයේ රජයේ ඉඩම් ලබා දීමට මා යෝජනා කරනවා.  

211.    ලංකාවේ ටි‍්‍රපල් සුපර් පොස්පේට් (TSP)  නිෂ්පාදනය සඳහා රාජ්‍ය අංශය සතුව කටයුතු කිරීමට පෞද්ගලික අංශයද ධෛර්යමත් කරමිග  එමගින් පොහොර ආනයනයට වැයවන විදේශ විනිමය රටෙහි ඉතිරි වන අතර ගොවියන්ට දරා ගත හැකි මිලකට පොහොර ලැබීමෙන් සහනයක් සැලසෙනු ඇත.