දැනටමත් එවැනි ගවේෂණ හෝ කැණීම් බලපත්‍ර මැණික් ඉඩම් ප්‍රදේශවලට නිකුත් කර ඇත්නම් එවැනි බලපත්‍ර වහා ම අත්හිටුවා පරීක්ෂණයක් පැවැත්වීමටත් අමාත්‍යංශය තීරණය කර ඇත.
විශේෂයෙන් විදේශ ආයෝජන සමාගම්වලට කිසිදු හේතුවක් මත මැණික් ඉඩම් ප්‍රදේශවල ඛනිජ ද්‍රව්‍ය ගවේෂණය කිරීම සඳහා බලපත්‍ර නිකුත් නොකරන ලෙසට ද උපදෙස් දී තිබේ. මේ සම්බන්ධව ආයෝජන මණ්ඩලයට ද දැනුම් දී ඇති අතර එවැනි සමාගම් ලියාපදිංචි නොකරන ලෙසටද උපදෙස් සපයා ඇත.
දේශීය මැණික් කර්මාන්තයට සම්බන්ධ සංගමය විසින් මේ පිළිබඳව අවධානය යොමු කිරීමෙන් පසු එම තීරණය ගත් බව පරිසර හා පුනර්ජනනීය බලශක්ති අමාත්‍යංශය පවසයි.
