මහාචාර්ය සෙනරත් පරණවිතාන ශ්‍රීමතාණන්ගේ ශාස්ත්‍රීය මෙහෙවර පිළිබද රචනා කරන ලද ” තුන් කල් දුටු පරණවිතාන ” කෘතිය ජනගත කිරීමේ උත්සවය ඊයේ (23) පස්වරුවේ කොළඹ මහවැලි කේන්ද්‍රයේදී ජනාධිපති මෛත්‍රීපාල සිරිසේන මැතිතුමාගේ ප්‍රධානත්වයෙන් පැවැත්විණි.
පුරාවිද්‍යා දෙපාර්තමේන්තුවේ හිටපු සහකාර අධ්‍යක්ෂවරයෙකු වන සිරිසමන් විජේතුංග මහතා විසින් මෙම ග්‍රන්ථය රචනා කොට තිඛෙන අතර සරසවි ප්‍රකාශනයක් ලෙස එළිදක්වා ඇත.
ග්‍රන්ථයේ පළමු පිටපත ජනාධිපතිතුමා වෙත පිළිගැන්වීම මෙහිදී සිදු විය.
පූජ්‍ය තීනියාවල පාලිත ස්වාමින් වහන්සේ ද, පුරාවිද්‍යා දෙපාර්තමේන්තුවේ සභාපති ශිරාන් දැරනියගල, මධ්‍යම සංස්කෘතික අරමුදලේ ප්‍රධාන අධ්‍යක්ෂ ජනරාල් සෙනරත් දිසානායක, මහාචාර්ය ජේ.බී. දිසානායක යන මහත්වරුන් ඇතුළු විද්වත් පිරිසක් මෙම අවස්ථාවට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
