කොරෝනා තත්වය හේතුවෙන් අද සහ හෙට 10 සහ 11 දෙදින තුළ කතරගමදී පැවැත්වීමට නියමිතව තිබූ 46 වන ජාතික මහා ක්‍රීඩා තරඟයේ සියළුම තරඟ දින නියමයක් නොමැතිව කල් දැමීමට ක්‍රීඩා අමාත්‍යංශය තීරණය කර තිබේ.
46 වන ජාතික මහා ක්‍රීඩා උළෙල එළඹෙන දෙසැම්බර් මාසයේදී පැවැත්වීමට තරුණ හා ක්‍රීඩා අමාත්‍යංශය සහ ක්‍රීඩා සංවර්ධන දෙපාරතමේන්තුව සැළසුම් කර තිබූණි. එම තරඟාවලියට සමගාමීව මැරතන් තරඟ, ඇවිදීම, පා පැදි රේස් ඇතුළු තරඟ කිහිපියක් එළඹෙන සතියේදී කතරගමදී පැවැත් වීරමට කටයුතු සංවිධානය කර තිබිණි. රටේ පවත්නා වර්තාමන තත්වය හේතුවෙන් මෙම තරඟ සියල්ල දින නියමයක් නොමැතිව කල් දැමූ බව ක්‍රීඩා අධ්‍යක්ෂ ජනරාල් අමල් එදිරිසූරිය මහතා නිවේදනයක් නිකුත් කරමින් සඳහන් කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
