මෙම පත්වීම් ලබන සිසු හෙද හෙදියන් දිවයිනේ උතුරු නැගෙනහිර පළාත් ඇතුළුව සියලුම රෝහල්වල සේවය සඳහා අනුයුක්ත කිරීමට සෞඛ්‍ය අමාත්‍යාංශය විසින් පියවර ගෙන ඇත.
සෞඛ්‍ය අමාත්‍යාංශයේ දත්තවලට අනුව දැනට දිවයින පුරා රෝහල්වල රෝගී සත්කාර සේවාවන්හි හෙද හෙදියන් 29,223ක් සේවයේ යෙදෙන අතර, වර්තමානය වනවිට තවත් හෙද හෙදියන් 5344ක හිඟයක් පවතී. හෙට පත්වීම් ලබන හෙද සිසු සිසුවියන් 1324 දෙනාත් සෞඛ්‍ය සේවාවට එක් වූ පසු හෙද හෙදියන් 4020ක හිඟයක් පවතින අතර, එම හිඟය පියවීම සඳහා කණ්ඩායම් 04ක් මේ වනවිට හෙද විදුහල්වල පුහුණුව ලබමින් සිටී. එම පිරිස පුහුණුවෙන් පසු 2015 දී සෞඛ්‍ය සේවාවට එක්වීමට නියමිතය.
2014 වර්ෂය සඳහා සිසු හෙද හෙදියන් පුහුණුවට බඳවා ගැනීම සඳහා අයදුම්පත් මේ වනවිට කැඳවා ඇති අතර, ඉන් සුදුසුකම් ලත් අයදුම්කරුවන් මෙම වර්ෂයේ නොවැම්බර් මස පුහුණුවට බඳවා ගැනීමට අවශ්‍ය කටයුතු මේ වනවිට සෞඛ්‍ය අමාත්‍යාංශය මඟින් සිදුකරමින් පවතී.
NDH
