1992 වසරේ පරිපාලන සේවයට එක් වු චන්ද්‍රසිරි බණ්ඩාර මහතා සහකාර ප‍්‍රාදේශීය ලේකම්, ප‍්‍රාදේශීය ලේකම් තනතුරු දරමින් ත‍්‍රස්තවාදී සමයේ වසර දහතුනක් (13) කල්පිටිය ප‍්‍රාදේශීය ලේකම් කොට්ඨාසය තුළ ජනතාව වෙනුවෙන් කළ සේවය කැපී පෙනෙයි. වනාතවිල්ලුව, නවගත්තේගම, කරුවලගස් වැව, කල්පිටිය යන ප‍්‍රාදේශීය ලේකම් කොට්ඨාසයන්හි සහකාර ප‍්‍රාදේශීය ලේකම්, ප‍්‍රාදේශීය ලේකම් තනතුරු දරා පුත්තලම අතිරේක දිසාපති, උතුරු මැද පළාත් නියෝජ්‍ය ප‍්‍රධාන ලේකම් යන තනතුරු මේ දක්වා වසර විසිදෙකක් පරිපාලන සේවය තුළ බණ්ඩාර මහතා කටයුතු කර තිබේ. ඒ මහතා පේරාදෙනිය විශ්වවිද්‍යාලයේ (බාහිර) කලා උපාධිධාරියෙකු ද වේ.
චන්ද්‍රසිරි බණ්ඩාර මහතා ප‍්‍රධාන අමාත්‍යාංශයේ ලේකම් ධුරයට සමගාමීව නීතිය හා සාමය, මුදල් හා ක‍්‍රමසම්පාදන, පළාත් පාලන, පළාත් වාරිමාර්ග, ඉඩම් පළාත් මාර්ග සංවර්ධන ග‍්‍රාමීය යටිතල පහසුකම් සහ ක‍්‍රීඩා හා යෞවන කටයුතු අමාත්‍යාංශවල ද ලේකම්වරයා වේ.
