ශ්රී ලංකා නිදහස් සේවක සංගමයේ ප‍්‍රධාන ලේකම් ලෙස්ලි දේවේන්ද්‍ර මහතා ජනාධිපති මෛත‍්‍රීපාල සිරිසේන මැතිතුමා විසින් ජනාධිපති වෘත්තීය සමිති අධ්‍යක්ෂ ජෙනරාල් තනතුරට පත් කර ඇත.
ඒ මහතා පසුගියදා ජනාධිපති කාර්යාලයේදී ජනාධිපති මෛත‍්‍රීපාල සිරිසේන මැතිතුමා අතින් සිය පත්වීම් ලිපිය ලබා ගත්තේය.
ශ්රී ලංකාවේ සිටින ජ්‍යෙෂ්ඨතම ක‍්‍රියාකාරී වෘත්තීය සමිති නායකයෙකු වන ලෙස්ලි දේවේන්ද්‍ර මහතාට මෙම තනතුර පිරිනැමෙන්නේ ඔහුගේ වෘත්තීය සමිති ජීවිතයට වසර 52 ක් සපිරෙන අවස්ථාවේදීය.
ශ්රී ලංකා නිදහස් සේවක සංගමය මේ රටේ විශාලතම සහ ශක්තිමත් ම වෘත්තීය සමිති ව්‍යාපාරය බවට පත් කිරීම සඳහා ප‍්‍රබල කාර්යභාරයක් ඉටුකරන ලද්දේ ද ලෙස්ලි දේවේන්ද්‍ර මහතා විසිනි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
