ශ්‍රී ලංකා නිත්‍ය නාවික හමුදාවේ 217 වැනි බඳවා ගැනීමට අයත් නාවිකයන් 358 දෙනකු සිය මූලික පුහුණුව නිමකොට විසිර යෑමේ පෙළපාළිය ශ්‍රී ලංකා නාවික නෞකා ශික්‍ෂා ආයතනයේ ප්‍රධාන සරඹ පිටියේදී පෙරේදා (20) පැවැත්විණි.
විසිර යෑමේ පෙළපාළියේ ප්‍රධාන ආරාධිත අමුත්තා ලෙස වයඹ නාවික විධානය භාර ආඥාපති රියර් අද්මිරාල් පියල් ද සිල්වා මහතා සහභාගී විය.
උතුරු මැද නාවික විධානයේ නියෝජ්‍ය ආඥාපති කොමදෝරු මුදිත ගමගේ, ශ්‍රීලංනානෞ ශික්‍ෂා ආයතනයේ ආඥාපති කොමදෝරු ලලිත් දිසානායක ඇතුළු ජ්‍යෙෂ්ඨ සහ කනිෂ්ඨ නාවික නිලධාරීන් රැසක්‌ ද ප්‍රදේශයේ ත්‍රිවිධ හමුදාවේ සහ පොලිසියේ උසස් නිලධාරීන් මෙන් ම විසිර ගිය නාවිකයන්ගේ දෙමාපියෝ ද මෙම උත්සවයට සහභාගි වී සිටියහ.
NDH/mod
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
