මුලතිව් ආරක්ෂක සේනා බලප්‍රදේශය තුළ ස්ථාපිත ගුවන් හමුදා කඳවුරට සහ ඒ හා යාබද කුඹුරු ඉඩම් වගා කිරීමේ කටයුතු සඳහා එහි අයිතිකරුවන් හට බෙදාදීමේ උත්සවයක් වාවඩ්ඩිකුලම් වැව අසල දී පසුගිය බ්‍රහස්පතින්දා පැවැත්විණ.
කුඹුරු අක්කර 93ක් හිමිකරුවන් 24 දෙනෙකු හා ජංගන්කුලම් කුඹුරු ඉඩම් අක්කර 79ක් හිමිකරුවන් 36 දෙනෙකු අතර ද පිරම්මඩු කුඹුරු ඉඩම් අක්කර 28.5ක් හිමිකරුවන් 10 දෙනෙකු අතර ද බෙදා දුන්හ. එම ඉඩම් හිමිකරුවන් වෙත බෙදාදීම මුලතිව් ආරක්ෂක සේනා මුලස්ථාන ආඥාපති මේජර් ජෙනරාල් ජගත් ඩයස් මහතාගේ ප්‍රධානත්වයෙන් සිදු කෙරිණි.
මෙම අවස්ථාව සඳහා මුලතිව් දිස්ත්‍රික් ලේකම්, මුලතිව් ආරක්ෂක සේනා ආඥාපති, 59 වන සේනාංකයේ සේනාංකාධිපති ඇතුළු ජ්‍යෙෂ්ඨ නිලධාරීන් මෙන් ම සිවිල් වැසියෝ විශාල පිරිසක් එක් ව සිටියහ.
NDH/army media
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
