එමෙන් ම දේශපාලන පක්ෂ හා අපේක්ෂක ප්‍රවර්ධනය සඳහා වන ප්‍රචාරක කෙටි පණිඩුව
එවීමේ සංවිධානාත්මක ක්‍රියා සිදු වන බවට ද පැමිණිලි ලැබී තිබේ. මෙවැනි ප්‍රචාරක
කටයුතු ග්‍රාහකයන්ගේ කැමැත්තකින් තොර ව දූරකතන ජාල ඔස්සේ සිදු කිරීම නිදහස් හා
සාධාරණ ඡන්ද විමසීමක් පැවැත්වීමට බාධාවකි.
එහෙයින් ග්‍රාහකයන්ගේ කැමැත්තකින් තොර ව ග්‍රාහකයන්ගේ පෞද්ගලික නිදහසට හානි
වන සේ දූරකතන ජාල හරහා සංවිධානාත්මක ව ඡන්ද විමසීමට අදාළව ප්‍රචාරක කටයුතු
සිදු කිරීමෙන් වැළකී සිටිය යුතු බව මැතිවරණ මහ ලේකම් කාර්යාලය සියලු
අපේක්ෂකයන් හා ආධාරකරුවන් වෙත කාරුණික ව දන්වා සිටින බව පවසයි.
ග්‍රාහකයන් නොදැනුවත් ව හෝ ඔවුන්ගේ කැමැත්තෙන් තොර ව හෝ ස්ථාවර හා ජංගම
දූරකතන සේවා සපයන පෞද්ගලික ආයතන හරහා සංවිධානාත්මක අයුරින් මෙවැනි
පටිගත කළ පණිවුඩ යැවීමෙන් වැලකී සිටින ලෙස සියලු ම ස්ථාවර හා ජංගම දූරකතන
සේවා සපයන සමාගම් වෙත දැන්වීමට ක්‍රියාකරනු ලබන බවද එම නිවේදනයේ
වැඩිදුරටත් සඳහන් වේ.
DB
