අග‍්‍රාමාත්‍ය ෂින්සෝ අබේ මහතා ප‍්‍රමූඛ පාලන පක්ෂය ජපාන මහ මැතිවරණයෙන් පහළ මන්ත‍්‍රී මණ්ඩල ආසන 475න් 325ක් ම ජයග්රහණය කරමින් ඊයේ (14) ජපාන මහ මැතිවරණයෙන් විශිෂ්ට ජයක් අත්කර ගෙන ඇත.
ජනාධිපති මහින්ද රාජපක්ෂ මැතිතුමා සිය ට්විටර් ගිණුම මඟින් ෂින්සෝ අබේ මැතිතුමාගේ ජයග්රහණය ගැන සිය සුබපැතුම් පළ කර තිබේ.
අබේ මහතා ජපානය තුළ ක්‍රියාත්මක කළ නව ආර්ථික ප්‍රතිසංස්කරණ "අබේනොමික්ස්" ("Abenomics") යනුවෙන් හැඳුන්වුණු අතර එම ප්‍රතිසංස්කරණ ක්‍රියාවලිය මඟින් ජපානය ඉහළට ගෙනයාමට හැකියාව ලැබේවායි ජනාධිපතිතුමා සිය සුබපැතුම් පණිවුඩයේ සඳහන් කර ඇත.
තම ධූර කාලය අවසන් වීමට වසර 2ක් ඉදිරියට තිබිය දී මහ මැතිවරණයක් කැඳවීම ෂින්සෝ අබේ මහතා විසින් සිදු කරන ලදී.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
