පසුගිය මැයි මාසයේ දී නරේන්ද්‍ර මෝදි මැතිතුමා, අග‍්‍රමාත්‍ය ධූරයේ දිවුරුම් දීමේ උළෙලේදීත් පසුව එක්සත් ජාතීන්ගේ සමුළුවේදීත් ජනාධිපති මහින්ද රාජපක්ෂ මැතිතුමා හමු විය.
ශී‍්‍ර ලංකාවට පැමිණෙන ලෙස ජනාධිපති මහින්ද රාජපක්ෂ මැතිතුමා කළ ආරාධනය පිළිගත් නරේන්ද්‍ර මෝදි මැතිතුමා ඉන්දීය ධීවරයන් පස්දෙනා නිදහස් කිරීමට කටයුතු කිරීම සම්බන්ධයෙන් රාජපක්ෂ මැතිතුමාට සිය ස්තූතිය ද පළ කළේය. මෙහිදී දෙරටේ ද්විපාර්ශ්වික සහයෝගීතාව තර කරගැනීම සම්බන්ධයෙන් මෙන් ම කලාපීය කටයුතු පිළිබඳවත් දීර්ඝ සාකච්ඡාවක් පැවැත්වීය.
විදේශ කටයුතු අමාත්‍ය මහාචාර්ය ජී.එල්. පීරිස්, විදේශ කටයුතු අමාත්‍යාංශයේ අධීක්ෂණ මන්තී‍්‍ර සජින් ද වාස් ගුණවර්ධන, විදේශ කටයුතු අමාත්‍යාංශයේ ලේකම් ක්ෂේනුකා සෙනවිරත්න, නේපාලයේ ශී‍්‍ර ලංකා තානාපති ඩබ්.එම්. සෙනෙවිරත්න යන මහත්ම මහත්මීහු මෙම අවස්ථාවට සහභාගී වූහ.
NDH/priu
