මේ දක්වා වැඩියෙන්ම පරිසර දූෂණයට ලක්වූ නගරය බවට නම්කර තිබුණේ චීනයේ බිජිං නගරයයි. නව දිල්ලියේ පදිංචි වී සිටින සහ දිනපතා නගරයට ඇදී එන ලක්ෂ සංඛ්‍යාත ජනතාවට සෞඛ්‍යමය වශයෙන් දැඩි අනතුරකට මුහුණු දීමට සිදුවී ඇත.
නව දිල්ලි නගරයේ දරුණු පරිසර දූෂණයට ප්‍රධානත ම හේතුව වී ඇත්තේ දූවිලි සහ වාහනවලින් පිටවන දුම බව එම වාර්තාව නිගමනය කර තිබේ. පරිසර දූෂණය හේතුවෙන් වසරකට ඉන්දියාවේ පෙණහළු රෝගවලින් මිය යන සංඛ්‍යාව මිලියන 1.3ක් බව සංඛ්‍යා ලේඛන අනාවරණය කරයි.
ලෝක සෞඛ්‍ය සංවිධානය විසින් එළිදක්වා ඇති මෙම වාර්තාවේ වැඩිම පරිසර දූෂණයට ලක්වු රටවල් 20ක් නම්කර තිබේ. ඉන් හතරක්ම ඉන්දීය නගර විම වි‍ශේෂත්වයකි.
