ඉන්දියාවේ අලහබාද් ප්‍රදේශයේ උෂ්ණත්වය සෙන්ටි ග්‍රේට් අංශක 47.7ක් බව සටහන් වී ඇත. ඒ අනුව, ප්‍රදේශ රැසක උෂ්ණත්වය සෙන්ටි ග්‍රේට් අංශක හතළිස් අටට ආසන්න වී තිබේ. දිල්ලි අගනුවර උෂ්ණත්වය සෙන්ටි ග්‍රේට් අංශක 44 දක්වා ඉහළ ගොස් තිබේ.
හැකිතාක් පිටතට නොගොස් නිවෙස් තුළ රැඳෙමින් දියර පානය කිරීමට උත්සාහ කරන මෙන් බලධාරීහු මහජනතාවගෙන් ඉල්ලා සිටිති.
ඊයේ (24) වනවිට ආන්ද්‍රා ප්‍රදේශයේ පුද්ගලයන් 290ක් ද තෙලන්ගානා ප්‍රදේශයේ පුද්ගලයන් 186ක් ද අධික උෂ්ණත්වය දරාගත නොහැකිය මිය ගොස් ඇති බව වාර්තා වේ.
උෂ්ණාධික තත්වය තවත් දින කිහිපයක් පැවතීමට බොහෝ සෙයින් ඉඩ ඇති බව ඉන්දීය කාලගුණ විද්‍යා දෙපාර්තමේන්තුව පවසා ඇතැයි ඉන්දීය මාධ්‍ය සඳහන් කරයි.
ආන්ද්‍රා හා තෙලන්ගානා ප්‍රදේශවල වෙරළාසන්නව ද බිහාර්, ජාර්කන්ද් සහ ඔඩිසා ප්‍රදේශයන් හි ඇතැම් නගරවල ද තවදුරටත් මෙම දැඩි උණුසුම් තත්වය පවතින බවත් නැගෙනහිර උත්තර් ප්‍රදේශය, මධ්‍ය ප්‍රදේශය, විදර්බා සහ චතිස්ගාර් යන ස්ථාන කිහිපයක හැර දිල්ලිය, හර්යානා හා රාජස්ථාන්වලටද මේ තත්වය බලපාන බවත් ඉන්දීය කාලගුණ විද්‍යා දෙපාර්තමේන්තුව වැඩිදුරටත් පවසා ඇත.
SDF
