රත්නපුර දිස්ත්‍රික්කයේ පළාත් පාලන සහකාර කොමසාරිස් ආර්.එච්.ඩී. චමිල කුමාර මහතාගේ ප්‍රධානත්වයෙන් පළාත් පාලන ආයතනයන්ගේ ලේකම්වරුන්, ආදායම් ප්‍රවර්ධන නිලධාරීන් සහ ආදායම් පරීක්ෂකවරු මෙම අවස්ථාවට සහභාගි වූහ. මීට රත්නපුර දිස්ත්‍රික්කයේ පළාත් පාලන ආයතන 17ක් සහභාගි විය.
එහිදී හිඟ ආදායම් ඒකරාශි කිරීම සඳහා සකස් කරන ලද ක්‍රියාකාරි සැලස්මේ ප්‍රගතියට අනුව අයගම ප්‍රාදේශීය සභාව, නිවිතිගල ප්‍රාදේශීය සභාව, බලංගොඩ ප්‍රාදේශීය සභාව, ගොඩකවෙල ප්‍රාදේශීය සභාව සහ කහවත්ත ප්‍රාදේශීය සභාව යන පළාත් පාලන ආයතනවල මනා ප්‍රගතියක් දක්නට ලැබුණි.
රත්නපුර දිස්ත්‍රික්කයේ හිඟ ආදායම් ඒකරාශි කිරීමේ සමස්ත ප්‍රතිශතය 8.5%ක වර්ධනයක් පෙන්නුම් කරන ලදී.
මෙම අවස්ථාවට සහභාගි වූ පොදුරාජ්‍ය මණ්ඩලීය පළාත් පාලන සංගමයේ ව්‍යාපෘති කළමනාකරු ආර්. ශන්මුගරාජා මහතා පවසා සිටියේ පළාත් පාලන ආයතනයන් තම බල ප්‍රදේශයේ මහජනතාවට කාර්යක්ෂම සේවාවක් ලබා දීම සඳහා තමන්ගේ ආදායම් සහ මූල්‍යමය තත්වයන් වර්ධනය කර ගැනීම අතවශ්‍ය වන බවත් පළාත් පාලන ආයතනවල ආදායම් පැවරීම, අයකිරීම සහ ප්‍රවර්ධනය කිරීමේ නීතිමය විධිවිධාන රාමුව තුළ හිඟ ආදායම් කඩිනමින් ඒකරාශි කිරීම උචිත බවත්ය.
SDF
