ශ්‍රී ලංකා නීතිපති කාර්යාලය ස්ථාපිත කිරීමේ 130 වෙනි සංවත්සරය සනිටුහන් කරමින් ආසියානු නීතිපතිවරුන්ගේ සමුළුව 2015 ජනවාරි 19 වැනි දින නීතිපති, ජනාධිපති නීතිඥ යුවන්ජන වනසුන්දර විජයතිලක මහතාගේ ප්‍රධානත්වයෙන් බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී පැවැත්වීමට කටයුතු සූදානම් කර ඇත.
මෙම සමුළුව දකුණු ආසියාවේ, අග්නිදිග ආසියාවේ හා පෙරදිග ආසියාවේ නීතිපතිවරුන්ගේ සහභාගීත්වයෙන් පැවැත්වෙන අතර මෙහි තේමාව “වෙනස්වන ආසියාවේ නීතිපතිවරුන්ගේ භූමිකාව“ යන්නයි.
නීතිපති කාර්යාලයේ 130 වන සංවත්සරය සමරමින් පවත්වන මෙම සමුළුව ආසියානු කලාපයේ සමාජ මෙහෙවර ප්‍රවර්ධනය කිරීම සඳහා නීතිපතිවරුන්ගේ හොඳහිත සහ කලාපයේ සහයෝගීතාව ස්ථාපිත කරගැනීමටත් ශ්‍රී ලංකාවේ සමාජ ආර්ථික හා නීතිමය පසුබිම ප්‍රවර්ධනය සඳහාත් අගනා අවස්ථාවක් වනු ඇත.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
