ධීවර හා ජලජ සම්පත් සංවර්ධන අමාත්‍ය වෛද්‍ය රාජිත සේනාරත්න මහතාගේ ප‍්‍රධානත්වයෙන් පැවැත්වෙන මෙම උළෙලේ දී ධීවර ජනතාව වෙනුවෙන් "දියවිරු අභිමාණී" ජංගම දුරකතන එයාටෙල් සිම්පත් 2 බැගින් නොමිලේ ලබා දීම ද සිදුකෙරේ.
භාරතී එයාටෙල් සමාගමේ පූර්ණ අනුග‍්‍රහයෙන් එයාටෙල් සිම්පත් 2 බැගින් ද සමස්ත ධීවර ප‍්‍රජාවට ම ලබාදීමට ධීවර හා ජලජ සම්පත් සංවර්ධන අමාත්‍යාංශය හා ජාතික ධීවර මහා සම්මේලනය කටයුතු යොදා තිබේ. මෙය සංකේතවත් කරමින් එදින උත්සවයේදී ධීවර නියෝජිතයින් 400කට එයාටෙල් සිම්පත් ධීවර අමාත්‍යවරයාගේ අතින් බෙදා දෙනු ඇත.
ජාතික ධීවර මහා සම්මේලනය සංවිධානය කරන මෙම උත්සවයට නියෝජ්‍ය අමාත්‍ය සරත් කුමාර ගුණරත්න, අමාත්‍යාංශ ලේකම් ආචාර්ය ඩී.එම්.ආර්.බී. දිසානායක, එයාටෙල් සමාගමේ ප‍්‍රධාන විධායක නිලධාරී සුරේන් ගුණවර්ධන, උපදේශක පේ‍්‍රමලාල් කැප්පෙටිගොඩ, ජාතික ධීවර මහා සම්මේලනයේ මහ ලේකම් පේමසිරි පෙරේරා යන මහත්වරුන් ඇතුළු අමාත්‍යාංශය හා අනුබද්ධ ආයතනවල ප‍්‍රධානීහු සහභාගී වෙති.
NDH
