දිනෙන් දින වැඩි වන වාහන තදබදය පෙරටුකරගත් නාගරික ප්‍රවාහන ගැටලු විසඳීමේ අරමුණෙන් රාජ්‍ය ජාතික සංවර්ධන ප්‍රතිපත්ති රාමුව වන "මහින්ද චින්තන ඉදිරි දැක්මට" අනුගතව කොළඹ නගරය හා තදාසන්න ප්‍රදේශවල පවතින මාර්ග තදබදය අවම කර වඩා කාර්යක්ෂම හා සුවපහසු ප්‍රවාහන සැලැස්මක් සකස් කිරීමේ අරමුණෙන් ප්‍රවාහන අමාත්‍යාංශය විසින් ජයිකා (JICA) ආයතනය හා සම්බන්ධ වෙමින් මෙම ව්‍යාපෘතිය එළිදක්වනු ලැබ තිබේ.
රජය දිගුකාලීන සංවර්ධන ප්‍රතිපත්ති රාමුව තුළ කොළඹ හා තදාසන්න ප්‍රදේශ ඇතුළු අනෙකුත් නාගරිකයන් සම්බන්ධ කරගනිමින් නාගරික මගී හා භාණ්ඩ ප්‍රවාහන පද්ධතිය සංවර්ධනය උදෙසා ප්‍රවාහන ක්‍ෂේත්‍රයේ පවතින වර්තමාන තත්ත්වය සිදු කෙරෙමින් පවතින සංවර්ධන කාර්යයන් මෙන්ම අනාගත සැලසුම් සමාලෝචනය කරමින් පුළුල් අවධානයකින් පසුව මෙම ක්‍ෂේත්‍රයට අදාළ විස්තීරණ දත්ත හා තොරතුරු විග්‍රහයක් ද සමඟින් නාගරික ප්‍රවාහනය නංවාලීම උදෙසා කෙටිකාලීනව, මධ්‍යකාලීන, දිගුකාලීනව ක්‍රියාත්මක කළ හැකි ව්‍යපෘති මෙමඟින් හඳුන්වා දී ඇත.
මෙම ව්‍යාපෘතිය වාර්තාව භාරදුන් අවස්ථාවේ ප්‍රවාහන අමාත්‍ය කුමාර වෙල්ගම මහතා ප්‍රකාශ කර සිටියේ දැනට කොළඹ නගරයේ ගැටලුවක් බවට පත්වී ඇති මාර්ග තදබදය මෙම ව්‍යාපෘතිය ක්‍රියාත්මක කිරීම තුළින් ඉක්මනින්ම මඟහැරෙනු ඇති බවයි.
NDH
