ඊට අමතරව, මෙරට සමාජ හා ආර්ථික සංවර්ධනයට රාජ්‍ය නිලධාරීන්ගෙන් ඉහළ දායකත්වයක් ලබාගැනීම මෙන්ම ජපානය හා ශ්‍රී ලංකාව අතර පවත්නා ද්විපාර්ශවික සබඳතා තවදුරටත් ශක්තිමත් කරගැනීම මෙම වැඩසටහනින් අපේක්ෂිත සෙසු අරමුණු වේ.
මෙම වැඩසටහන ක්‍රියාවට නැංවීම සදහා ජපාන රජය සමඟ හුවමාරුපත්‍ර අත්සන් කිරීම හා ජපාන ජාත්‍යන්තර සහයෝගිතා ආයතනය සමඟ ප්‍රදාන ගිවිසුමකට එළඹීම පසුගියදා මුදල් අමාත්‍යාංශයේදී සිදු කෙරිණි. ශ්‍රී ලංකා රජය වෙනුවෙන් මුදල් අමාත්‍යාංශයේ ලේකම් ආචාර්ය ආර්.එච්.එස් සමරතුංග මහතා ද ජපාන රජය වෙනුවෙන් ශ්‍රී ලංකාවේ ජපාන තානාපති කෙනිචි සුගනුම මහතා හා ජපාන ජාත්‍යන්තර සහයෝගිතා ආයතනය වෙනුවෙන් එහි ප්‍රධාන නියෝජිත හිරොයුකි ඇබේ මහතා ද අදාළ ලියකියවිලිවලට අත්සන් තැබීය.
NDH
