අක්කර 20 ක භුමි ප්‍රමාණයක ව්‍යාප්තව ඇති මෙම උද්‍යානය තුල ලංකාවේ වැවෙන සෑම කුළුබඩු වර්ගයක්ම ස්ථාපනය කිරීමට පියවර ගෙන ඇත.
ශ්‍රී ලංකාවේ කුළුබඩු වර්ග පිළිබදව දේශීය මෙන්ම විදේශිය සංචාරකයන්ට නිවැරදි දැනුම මෙහිදී ලබා දීමට කටයුතු යොදා ඇති බව අපනයන කෘෂිකර්ම දෙපාර්තමේන්තුවේ අතිරේක අධ්‍යක්ෂ ජනරාල් ( පර්යේෂණ ) ආචාර්ය ඒ.පී . හීන්කෙන්ද මහතා පවසයි.
මේ වන විට කුළුබඩු වර්ග 25 කට අධික සංඛ්‍යාවක් මෙම උද්‍යානය තුල ස්ථාපනය කර ඇත. ඉදිරියේදී තවත් කුළුබඩු වර්ග වගා කිරීමටත් තොරතුරු මධ්‍යස්ථානයක්, දේශන ශාලාවක් හා අලෙවි මධ්‍යස්ථානයක්ද සහිතව අක්කර 100 ක භුමි ප්‍රමාණයක මෙම උද්‍යානය සංවර්ධනය කිරීමටත් අපනයන කෘෂිකර්ම දෙපාර්තමේන්තුව සැලසුම්කර ඇත.
AP
