ජනාධිපති මහින්ද රාජපක්ෂ මැතිතුමාගේ දෙවැනි පදවි ප්‍රාප්තියේ සිව් වන වසර සැමරීම නිමිත්තෙන් හා ඊයේ (18) දිනට යෙදී තිබුණ එතුමාගේ 69 වන ජන්ම දිනය නිමිත්තෙන් ලංකා කම්කරු කොංග්‍රස් මහ ලේකම්, පශු සම්පත් හා ග්‍රාමීය ප්‍රජා සංවර්ධන අමාත්‍ය ආරුමුගන් තොන්ඩමාන් මහතා ඇතුළු කණ්ඩායමක් ඊයේ (19) අරලිය ගහ මන්දිරයේ දී ජනාධිපතිතුමාට සුභ පැතූහ.
ලංකා කම්කරු කොංග්‍රස් සභාපති, ආර්ථික සංවර්ධන නියෝජ්‍ය අමාත්‍ය මුත්තු සිවලිංගම් මහතා, ඌව පළාත් මහා මාර්ග අමාත්‍ය සෙන්දිල් තොන්ඩමාන් මහතා, මධ්‍යම පළාත් කෘෂිකර්ම අමාත්‍ය මුත්තයියා රාමසාමි මහතා, මිල්කෝ සමගමේ සභාපති සුනිල් වික්‍රමසිංහ මහතා, ජාතික පශු සම්පත් සංවර්ධන මණ්ඩලයේ සභාපති රංජිත් ඇල්ලේගල මහතා සහ මධ්‍යම පළාත් හා නගර සභා සාමාජිකයින් ඇතුළු උසස් නිලධාරීහු පිරිසක් මෙම අවස්ථාවට සහභාගි වූහ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
