ශ්‍රී ලංකා මහ බැංකුවේ අධිපති අජිත් නිවාඩ් කබ්රාල් මහතා විසින් එය ජනාධිපතිතුමා වෙත පිළිගන්වන ලදී.
මෙම ප්‍රථම කාසි නිකුතුවෙන් පසු වාණිජ බැංකු සහ ශ්‍රී ලංකා මහ බැංකුවේ පළාත් කාර්යාල හරහා මෙම කාසි සංසරණයට නිකුත් කිරීමට ශ්‍රී ලංකා මහ බැංකුව මඟින් කටයුතු සලසා ඇත.
කාසි එකතුකරන්නන‍් සඳහා කාසි 25ක් සහිත ඇසුරුම, තනි කාසියක් සහිත ඇසුරුම් සහ විඩා නිවුම් පුස්තකයක් පිළියෙළ කර ඇති අතර, ඒවා කොළඹ 01, චැතෑම් වීදිය, අංක 54 දරණ ස්ථානයේ පිහිටි ආර්ථික ඉතිහාසය කෞතුකාගාරයෙන් සහ අනුරාධපුර, මාතර, මාතලේ, ත්‍රිකුණාමලය සහ යාපනය නගරවල පිහිටා ඇති ශ්‍රී ලංකා මහ බැංකුවේ පළාත් කාර්යාලවලින් මිලදී ගැනීමට පහසුකම් සපයා ඇත.
ජනාධිපති ලේකම් ලලිත් වීරතුංග මහතා ඇතුළු පිරිසක් මෙම අවස්ථාවට එක්ව සිටියහ.
