අයහපත් කාලගුණ තත්ත්වය හේතුවෙන් ඊයේ (17) අරණායක, එළගිපිටිය ප්‍රදේශයේ සිදු වූ නායයෑමෙන් අවතැන් වූ ජනතාවගේ සුවදුක් බැලීමට ජනාධිපති මෛත්‍රීපාල සිරිසේන මහතා අද (18) පස්වරුවේ එම ප්‍රදේශයට පැමිණියේය.
ජනාධිපතිතුමා ප්‍රථමයෙන් නාය යෑමට ලක් වූ ප්‍රදේශයට ගොස් අදාළ සිද්ධිය සියැසින් දැක බලා ගත්තේය. පසුව සිද්ධියෙන් අවතැන්ව කඳවුරුගත ජනතාවගේ සුවදුක් විමසමින් ජනතාවගේ අවශ්‍යතාවන් පිළිබඳව විමසා බැලීමට ද ජනාධිපතිතුමා කටයුතු කළ බව කෑගල්ල අප දිස්ත්‍රික් මාධ්‍ය ඒකකය පැවසීය.
මෙම අවස්ථාවට හිටපු අමාත්‍ය ලලිත් දිසානායක, කෑගල්ල දිස්ත්‍රික් ලේකම් ඩබ්ලිව්. එච්. අබේවික්‍රම වනසූරිය යන මහත්වරු එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
