''ක්‍රීඩාශීලී රටක්, නිරෝගිමත් අනාගතයක්'' පෙරදැරිව ක්‍රීඩා හා ශාරීරික සුවතා ප්‍රවර්ධන වැඩසටහන වෙනුවෙන් ක්‍රියාත්මක විශේෂ සතිය ජනවාරි 25 සිට ආරම්භ වූ අතර සමාරම්භක වැඩසටහනට අතිගරු ජනාධිපති මෛත්‍රිපාල සිරිසේන මැතිතුමා ජනාධිපති ලේකම් කාර්යාලය ඉදිරිපිටදී සහභාගී විය.
ක්‍රීඩා අමාත්‍ය දයාසිරි ජයසේකර මහතා ඇතුළු නිලධාරීහු පිරිසක් මේ අවස්ථාවට සහභාගී වූ අතර උදැසන ඇරඹි ශරීර සුවතා වැඩසටහන ඉතාමත් උද්යෝගයෙන් සහ ජවසම්පන්න ලෙස පැවැත්විණි.
ක්‍රීඩා අමාත්‍ය දයාසිරි ජයසේකර මහතාගේ සංකල්පයක් අනුව යෝජනා කළ ක්‍රීඩා හා ශාරීරික සුවතා ප්‍රවර්ධන වැඩසටහන වෙනුවෙන් විශේෂ සතියක් ශ්‍රී ලංකා ප්‍රජාතාන්ත්‍රික සමාජවාදී ජනරජයේ අතිගරු ජනාධිපති මෛත්‍රිපාල සිරිසේන මැතිතුමා විසින් ජනවාරි 25 දින සිට 30 දින දක්වා නම් කර ඇති බව ක්‍රීඩා අමාත්‍යාංශය පවසයි.
ඡායාරූප- යමුනී රශ්මිකා පෙරේරා
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
