පැය දෙකකට අධික කාලයක් පැවති වර්ෂාව සමග හමන ලද සුළි සුළඟක් හේතුවෙන් ඊයේ (24) රාත‍්‍රියේ ඉපළෝගම ප‍්‍රාදේශීය සභා බල ප‍්‍රාදේශයට අයත් 500 තුලාන දික්වැව ගම්මානයේ නිවාස එකොළහකට (11) සහ වෙළඳසල් දෙකකට හානි සිදු ව තිබේ.
හානි වූ නිවාස පරීක්‍ෂා කිරීමට අද (25) පෙරවරුවේ එම ගම්මානයට පැමිණි උතුරු මැද පළාත් ප‍්‍රධාන අමාත්‍ය එස්.එම්. රංජිත් සමරකෝන් මහතා හානි වූ නිවාසවල වහල සකස් කිරීම සඳහා අද දිනය තුළ ඇස්බැස්ටෝස් තහඩු ලබා දීමට කටයුතු කරන ලෙසට ප‍්‍රධාන අමාත්‍යාංශ ලේකම්වරයාට උපදෙස් දුන්නේය.
මේ අවස්ථාවට ගල්නෑව ප‍්‍රාදේශීය සභා මන්ත‍්‍රී සහ විශේෂ ව්‍යාපෘති සහ ආර්ථික සංවර්ධන නියෝජ්‍ය අමාත්‍ය එස්.එම්. චන්‍ද්‍රසේන අමාත්‍යතුමාගේ සම්බන්ධීකරණ ලේකම් රොෂාන් ඉංදික මහතා ඇතුළු ගම්වාසීහු එක්වූහ.
HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
