පසුගිය ඌව පළාත් සභා මැතිවරණයේ ප්‍රතිඵල පිළිබඳ නොයෙකුත් පක්ෂ හා පුද්ගලයන් කුමන මත දැරුවද නියම ජයග්‍රහණය එක්සත් ජනතා නිදහස් සන්ධානය ලබාගත් බව ද, එක්සත් ජාතික පක්ෂය හා ජනතා විමුක්ති පෙරමුණ මාධ්‍ය මගින් පවසන ආකාරයට ඔවුන් ජයග්‍රහණය කළේ නම් ඌව පළාත් සභාවේ බලය සන්ධානයට හිමි වූයේ කෙසේදැයි අමාත්‍ය තිස්ස කරල්ලියද්ද මහතා එම පක්ෂවලින් විමසයි.
ඌව පළාත් සභා ප්‍රතිඵල පිළිබඳ ව තවදුරටත් අදහස් දක්වන අමාත්‍යවරයා පැවසුවේ, “මෙය නියම ජනතා ජයග්‍රහණයක්, රට බේරාගත් අභීත නායකයාණන් වූ මහින්ද රාජපක්ෂ ජනපතිතුමන්ගේ සහ එම රජයේ ජයග්‍රහණයක්. බහුතර ජනතාවගේ කැමැත්ත රජය වෙත තිබිය දී තමන් ජයගත් බව පැවසීම එජාපය ජන්මයෙන් ලද “බොරු කීම” නමැති නරක පුරුද්ද නැවතත් සිදුකිරීමක්.
ජනාධිපතිතුමන් එජාපයට උපදෙස් දුන්නා ඡන්දය දිනන්න නම් ජනතාවට ඇත්ත ප්‍රකාශ කරන්න කියා. නමුත් එජාපය නැවතත් ඒ වරදම කළ නිසා සුපුරුදු පරාජය ම අත්වුණා. පරාජය බලාපොරොත්තුවෙන් සහ පරාජයෙන් සැනසෙන ලෝකයේ එක ම විපක්ෂය අපේ රටේ විපක්ෂයයි. ”
ECB
