මෙය පරිසර හා පුනර්ජනනීය බලශක්ති අමාත්‍ය සුසිල් ප්‍රේමජයන්ත මහතාගේ උපදේශකත්වය මත දිවිනැගුම සංවර්ධන දෙපාර්තමේන්තුව හා මධ්‍යම පරිසර අධිකාරිය ඒකාබද්ධව ක්‍රියාත්මක කෙරේ.
එහිදී කසල කළමනාකරණය සහ ඝන අපද්‍රව්‍ය කළමනාකරණය පිළිබඳව අදාළ නිලධාරීන් දැනුවත් කිරීමට කටයුතු යොදා ඇති අතර, නිවස තුළ ඒකරාශී වන කසල සහ ඝන අපද්‍රව්‍ය විධිමත් අයුරින් බැහැර කිරීම සහ ප්‍රයෝජනයට ගැනීම සම්බන්ධව ජනතාව යොමු කිරීම අපේක්ෂා කෙරේ.
මෙරට සෑම ගමක් ම ආවරණය වන ලෙස බිම් මට්ටමේ ජනතාව සමඟ නිරන්තරයෙන් සම්බන්ධ වෙමින් කටයුතු කරන සමෘද්ධි සංවර්ධන නිලධාරීන් වැනි කණ්ඩායම් සම්බන්ධ කර ගමින් පරිසර සංරක්ෂණ පණිවිඩය සමාජගත කිරීමට මෙවැනි වැඩසටහන් මගින් සුවිශේෂී දායකත්වයක් ලැබෙනු ඇතැයි මධ්‍යම පරිසර අධිකාරිය වැඩිදුරටත් පවසයි.
ECB
