නීති විරෝධි හා අපරික්ෂාකාරි ලෙස මංතීරු හරහා රිය පැදවූ රියදුරන් 725දෙනෙකුට මංතීරු නීතිය උල්ලංඝණය කිරීමේ වරදට නඩු පැවරීමට පොලිසිය පියවර ගෙන ඇත.
පොලිස් මාධ්‍ය ප්‍රකාශක සහකාර පොලිස් අධිකාරි රුවන් ගුණසේකර මහතා සඳහන් කළේ, කොළඹ නගරය තුළත්, ශ්‍රී ජයවර්ධනපුර මාර්ගයේ ජයන්තිපුර සිට කොළඹ දක්වාත්, ඊයේ (26) පෙරවරු 6.00 සිට පස්වරු 4.00 දක්වා කාලය තුළ දී පමණක් මෙවැනි නඩු පැවරීම් 725ක් වාර්තා වී ඇති බවයි.
එම රියදුරන්ට එරෙහිව අදාළ මහේස්ත්‍රාත් අධිකරණ ඉදිරියේ නඩු පැවරීමට කටයුතු කරන බව පොලිස් අධිකාරිවරයා වැඩිදුරටත් පවසයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
