ශ්‍රී ලාංකේය නාට්‍ය කලාවේ ප්‍රගමනය හා දේශීය ප්‍රේක්ෂකයා උසස් රසවින්දනයකින් යුතු ප්‍රඥාවන්ත පුද්ගලයකු බවට පත්කිරීමේ නවමු නාට්‍ය කතිකාවතක් ඇති කිරීමේ අභිප්‍රායෙන් ප්‍රාදේශීය වශයෙන් දීප ව්‍යාප්තව මෙම වැඩසටහන පැවැත්වීමට කටයුතු යොදා ඇත.
මෙම වැඩසටහනේ ප්‍රථම වැඩසටහන මහනුවරින් ආරම්භ කරනු ලබන අතර මෙම වැඩසටහනේ සම්පත් දායකයන් ලෙස ශ්‍රී ලංකා කලා මණ්ඩලයේ සභාපති ජයසුමන දිසානායක, රාජ්‍ය නාට්‍ය අනුමණ්ඩලයේ සභාපති කේ.බී. හේරත්, ප්‍රවීණ නාට්‍යවේදීන් වන සෞම්‍ය ලියනගේ, කපිලකුමාර කාලිංග, පියල් කාරියවසම්, අමිතා රබ්බිඩිගල, චාන්දනී සෙනෙවිරත්න, ඊ.එම්.ඩී. උපාලි ආදීහු සහභාගිවීමට නියමිතය.
