කොළඹ කෘතිම හොකී කී‍්‍රඩාංගණයේදී පැවැති මෙම තරගාවලියේ අනුශූරතා ද්විත්වයම බස්නාහිර පළාතට හිමිවීම විශේෂත්වයක් විය.
පිරිමි අවසන් මහ තරගයේදී මධ්‍යම පළාත් කණ්ඩායම විසින් ගෝල 2-1 ක් ලෙස බස්නාහිර පළාත් කණ්ඩායමද, කාන්තා අවසන් මහ තරගයේදී මධ්‍යම පළාත් කණ්ඩායම විසින් ගෝල 7-0 ක් ලෙස බස්නාහිර පළාත් කණ්ඩායමද පරාජය කරනු ලැබිණ.
පිරිමි අංශයේ තෙවැනි ස්ථානය සඳහා පැවැති තරගයේදී ඌව පළාත් කණ්ඩායම ගෝල 3-1 ක් ලෙස පරාජය කිරීමට වයඹ පළාත් කණ්ඩායම සමත් වූ අතර කාන්තා අංශයේ තෙවැනි ස්ථානය සඳහා පැවැති තරගයේදී උතුරු පළාත් කණ්ඩායම ගෝල 5-0 ක් ලෙස පරාජය කිරීමට දකුණු පළාත් කණ්ඩායම සමත් විය.
තරගාවලියේ දක්ෂතම කී‍්‍රඩකයා ලෙස මධ්‍යම පළාතේ ආර්. කේ. විල්ලවරායන්ද, දක්ෂතම කී‍්‍රඩිකාව ලෙස මධ්‍යම පළාතේම එම්. ධර්මරත්නද සම්මාන දිනාගත්හ.
