ඇමෙරිකානු ඩොලර් බිලියන 150ක ආර්ථිකයක් සහ ඇමෙරිකානු ඩොලර් 7000 ඉක්ම වූ ඒකපුද්ගල දළ දේශීය නිෂ්පාදිතයක් සාක්ෂාත් කර ගැනීමේ අරමුණ පෙරදැරිව, ඒ තුළින් මූර්ත ආර්ථිකය තුළ ඇති විය හැකි අවශ්‍යතා සහ වෙනස්කම් අනුව සමගාමී වීමේදී බැංකු අංශයෙහි කාර්යභාරය සාකච්ඡා කිරීම වැදගත් වේ යැයි ශ්රී ලංකා මහ බැංකුව අපේක්ෂාව විය.
ඒ අනුව, ශ්රී ලංකාව 2020 ඉදිරි දැක්ම සාක්ෂාත් කර ගැනීම සඳහා යන ගමනේ දී බැංකු මඟින් සිදු කරනු ලබන උපාය මාර්ගික කාර්යභාරය තවදුරටත් ශක්තිමත් කර ගැනීම පිණිස විශේෂයෙන්ම පරිවර්තනීය වෙනසක් සඳහා නායකත්වය දීම උදෙසා මෙම වසරේ සම්මන්ත‍්‍රණය මනා පිටිවහලක් වනු ඇතැයි ද අපේක්ෂා කෙරේ.
මෙම සම්මන්ත‍්‍රණයේ දී බැංකු අධ්‍යක්ෂවරුන්ගේ උපාය මාර්ගික නායකත්වය පිළිබඳ විශේෂයෙන් අවධාරණය කරමින් ගෝලීය පරිසරයෙහි ඉස්මතු වන නව ප‍්‍රවණතා, බැංකු සඳහා ණය ශ්‍රේණිගතකරණයෙහි වැදගත්කම, ඩිජිටල් යුගයෙහි බැංකුකරණය මුල්කර ගෙන පරිවර්තනීය වෙනසක් සහ බලගැන්වීම සඳහා උපාය මාර්ගික සැලසුම්කරණය සහ වෙන් වෙන් වශයෙන් අවදානම් කළමනාකරණය කිරීමෙන් බැහැර වී මෙහි වැදගත්කම යන මාතෘකා පුළුල් ලෙස බැංකු අධීක්ෂණ දෙපාර්තමේන්තුව සාකච්ඡාවට බඳුන් කෙරිණි.
මෙම සම්මන්ත‍්‍රණයේ දී 2020 ඉදිරි දැක්ම ළඟා කර ගැනීමේ දී මුහුණ දෙන අභියෝග ජය ගැනීමට සහ නව අවස්ථා සොයා ගැනීමට බැංකු අංශය සඳහා ඇති සුවිශේෂී කාර්යභාරය සම්බන්ධයෙන් අදහස් සහ අත්දැකීම් හුවමාරු කර ගැනීමට ද අවස්ථාවක් වේ.
NDH
