නියඟයෙන් පීඩාවට පත් පොලොන්නරුව දිස්ත්‍රික්කයේ ජනතාවගේ පානීය ජල අවශ්‍යතා සැපිරීම සඳහා දිස්ත්‍රික් ලේකම් නිමල් අබේසිරි මහතාගේ උපදෙස් පරිදි ක්‍රියාත්මක කෙරෙන සහන කටයුතු සඳහා කොමර්ෂල් බැංකුව ද එක් වී ඇත.
ඒ අනුව ලීටර් 1000 ජල ටැංකි 20ක් දිස්ත්‍රික් ලේකම්වරයා වෙත භාරදීම කොමර්ෂල් බැංකුවේ කදුරුවෙල ශාඛා කළමනාකාර මහේෂ් අබේරත්න මහතා අතින් පසුගියදා දිස්ත්‍රික් ලේකම් කාර්යාල පරිශ්‍රයේ දී සිදු කෙරිණි.
මේ අවස්ථාවට පොලොන්නරුව අතිරේක දිස්ත්‍රික් ලේකම් පබාශීලී ජයලත්, දිස්ත්‍රික් ආපදා කළමනාකරණ සහකාර අධ්‍යක්ෂ උපුල් නානායක්කාර, ප්‍රධාන පරිපාලන නිලධාරී තිස්ස දයාරත්න යන මහත්ම මහත්මීහු ඇතුළු කොමර්ෂල් බැංකුවේ නිලධාරී මඬුල්ල ද එක් වූහ.
NDH/WK dmu polonnaruwa
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
