නව මාර්ගයේ ඉදිකෙරෙන විශාලතම දුම්රිය ස්ථානය, බෙලිඅත්ත දුම්රිය ස්ථානය වන අතර එහි ඉදිකිරීම් කටයුතු චීන රජයේ ආධාර යටතේ සිදු කෙරේ. ප්‍රධාන දුම්රිය ස්ථාන කැකනඳුර, බඹරැන්ද සහ වැව්රුකන්නල නගරවල ද පිලදූව සහ වෙහෙරහේන නගරවල උප දුම්රිය ස්ථානයන් ද ඉදිකිරීමට නියමිතය.
මෙම දුම්රිය මාර්ගය සඳහා පවුල් 1225කට අයත් අක්කර 229ක භූමි ප්‍රමාණයක් අත්පත් කර ගන්නා අතර ඒ සඳහා වන්දි වශයෙන් රුපියල් මිලියන 978ක මුදලක් ගෙවා තිබේ.
එම මාර්ගයේ ඉදිවෙන නාකුට්ටිය උමං මාර්ගය ශ්‍රී ලංකාවේ ලොකුම උමං මාර්ගය වන අතර එය දිගින් මීටර් 606ක් පමණ වේ. එම මාර්ගයේ ම තවත් උමං මාර්ගයක් බඹරැන්දේ ඉදිකරන අතර එය මීටර් 238ක දිගින් යුතුය.
DB
