මෙම ගැමි නිවාස කමිටුව මගින් හදුනාගත් නිවාස අවශ්‍යතාවයන් සදහා කඩිනමින් විසදුම් ලබාදීමට කටයුතු කරන බවත් පැවසු අමාත්‍යවරයා මෙම ගැමි නිවාස කමිටු කිසිදු දේශපාලන පක්ෂ පාට භේදයකින් තොරව ක්‍රියාත්මක විය යුතු බවද පෙන්වාදෙන ලදී. 2025 වන විට නිවාස ප්‍රශ්නයෙන් පීඩාවිදින සියළු දෙනාට නිවසක් ලබාදීමේ ඉලක්කය කරා ලගාවෙන බවත් අමාත්‍යවරයා පවසන ලදී.
සැමට සෙවන ව්‍යාපෘතිය යටතේ මහනුවර දිස්ත්‍රික්කයේ අඩු ආදායම්ලාභි පවුල් 1,017ක් වෙනුවෙන් රුපියල් මිලියන 173න් වටිනා ණය චෙක්පත් ප්‍රදානය කිරිමේ උත්සවයකට සහභාගි වෙමින් අමාත්‍යවරයා මෙම අදහස් පලකළේය.
පාර්ලිමේන්තුවේ අමාත්‍යවරයෙකු වශයෙන් තමාට හිමිවන වාහන, ඉන්ධන, ඇතුලු විවිධ වියදම් වෙනුවෙන් හිමිවන රුපියල් 360,000ක මුදල මාසිකව නිවාස නොමැති අසරණ පවුල් වෙනුවෙන් නිවාස ඉදිකිරීම වෙනුවෙන් අරඹා ඇති සෙවන අරමුදලට බැර කරන බවද අමාත්‍යවරයා වැඩිදුරටත් පැවසීය.
AP/DMU-Kandy
