එම උදාගම්මාන ව්‍යාපෘතිය ක්‍රියාත්මක කිරීම සම්බන්ධයෙන් සාකච්ඡාවක් අග්‍රාමාත්‍ය කාර්යමණ්ඩල ප්‍රධානී සහ නීතිය හා සාමය සහ දක්ෂිණ සංවර්ධන අමාත්‍ය සාගල රත්නායක මහතාගේ ප්‍රධානත්වයෙන් අරලියගහ මන්දිරයේදී ඊයේ (30) දින පැවත්වුණි.
මෙම ව්‍යාපෘතිය කඩිනමින් නිම කරන ලෙස අදාළ නිලධාරීන්ට අමාත්‍යවරයා උපදෙස් ලබා දුන්නේය.
එම අවස්ථාවට නිවාස සහ ඉදිකිරීම් කටයුතු අමාත්‍යංශයේ ලේකම්තුමිය ඇතුළු එම අමාත්‍යංශයේ නිලධාරීන්ද ලංකා විදුලිබල මණ්ඩලයේ සභාපතිවරයා ඇතුළු යෝජිත වැඩසටහනට අදාළ රාජ්‍ය ආයතනවල සභාපතිවරුන් සහ නීතිය හා සාමය සහ දක්ෂිණ සංවර්ධන අමාත්‍යංශයේ නිළධාරීන් පිරිසක්ද මෙම ගම්මානය ඉදිකිරීමට යෝජිත පිටබැද්දර ප්‍රදේශයේ ප්‍රාදේශීය ජනතා නියෝජිතයන් පිරිසක් ද සහභාගී වූහ.
