සමෘද්ධි කළමනාකරුවන්ගේ වෘත්තීය ගැටලු පිළිබඳ ඊයේ (23) පස්වරුවේ ජනාධිපති කාර්යාලයේ පැවති විශේෂ සාකච්ඡාවකට එක් වෙමිනි.
අදාළ සියලු පාර්ශවයන්ගේ සහභාගිත්වයෙන් පැවති මෙම සාකච්ඡාවේදී දිවයින පුරා සමෘද්ධි කළමනාකරුවන් මුහුණ දී සිටින ගැටලු සහ ඒවාට අවශ්‍ය විසඳුම් පිළිබඳ දීර්ඝ වශයෙන් සාකච්ඡාවට ලක් විය.
එම ගැටලු විසඳිමට කඩිනම් පියවර ගන්නා ලෙස මෙහිදී නිලධාරින්ට උපදෙස් ලබා දුන් ජනාධිපතිතුමා දැනට ගෙන ඇති පියවර පිළිබඳව ද නිළධාරින්ගෙන් කරුණු විමසීය.
දිවිනැගුම සංවර්ධන දෙපාර්තමේන්තුවේ වර්තමාන තත්ත්වය හා ගැටලු පිළිබඳව ද මෙහිදී දීර්ඝ වශයෙන් සාකච්වාට ලක් කෙරිණි.
සමාජ සවිබල ගැන්වීම් හා සුබසාධන අමාත්‍ය එස්.බී දිසානායක. මුදල් අමාත්‍ය රවී කරුණානායක යන මහත්වරුන් ද අමාත්‍යාංශ ලේකම්වරුන් ඇතුළු නිලධාරින් සාකච්ඡාවට එක්ව සිටියහ.
