විදේශ කටයුතු අමාත්‍යාංශය, රාජ්‍ය පරිපාලන හා කළමණාකරන අමාත්‍යාංශය සහ තැපැල් අමාත්‍යාංශය සඳහා මෙලෙස නව ලේකම්වරු පත් කර තිබේ.
විදේශ කටයුතු අමාත්‍යාංශයේ නව ලේකම්වරයා ලෙස පත් කර තිබෙන්නේ ඇසළ වීරකෝන් මහතායි. මෙරට තානාපති සේවයේ නිරතව සිටි ජ්‍යෙෂ්ඨතම නිලධාරියෙකු වන ඇසළ වීරකෝන් මහතා 1988 විදේශ සේවයට එක්ව ඇති අතර රටවල් රැසක සේවය කර තිබේ.
රාජ්‍ය පරිපාලන හා කළමණාකරන අමාත්‍යාංශයේ නව ලේකම්වරයා ලෙස ජේ.ජේ. රත්නසිරි මහතා පත්ව සිටි.
තැපැල් අමාත්‍යාංශයේ නව ලේකම්වරයා ලෙස ඩී.ජී.එම්.වී. හපුආරච්චි මහතා පත් කර තිබේ.
පත්වීම් ලිපි ලබාදීමෙන් අනතුරුව ජනාධිපති මෛතී‍්‍රපාල සිරිසේන මැතිතුමා නව ලේකම්වරු සමග සුහද කථා බහක නිරත විය.
