ටෙලි නාට්‍ය සහ රූපවාහිනී මාධ්‍යයට අදාළ සියලු ක්ෂේත‍්‍ර ඇගයීමට ලක්කර මෙවර සම්මාන උළෙලේ දී සම්මාන 53ක් ප‍්‍රදානය කෙරුණු අතර වසරේ විශිෂ්ටතම ටෙලි නාට්‍ය නළුවා, නිළිය, වසරේ විශිෂ්ටතම ටෙලි නාට්‍ය අධ්‍යක්ෂණය, වසරේ විශිෂ්ටතම ටෙලි නාට්‍ය සහ වසරේ සම්මානනීය ටෙලි නාට්‍ය නාළිකාව සඳහා වන සම්මාන ජනාධිපතිතුමන් අතින් මෙහිදී ප‍්‍රදානය කෙරිණි.
මෙහිදි අදහස් දක්වමින් ජනාධිපතිතුමා පැවසුවේ ජනතා රසාස්වාදය වෙනුවෙන් ජනතාව ඉල්ලන විනෝදාස්වාදය බහුලව රූපවාහිනි මාධ්‍ය මගින් ඉදිරිපත් වන බවය. එහෙත් දැනුම, සංස්කෘතිය සහ ක‍්‍රීඩාව පිළිබඳව ජනතාව දැනුවත් කිරීමට මාධ්‍යයට සුවිශාල හැකියාවක් පවතින බව පෙන්වා දුන් ජනාධිපතිතුමා මාධ්‍ය මගින් ජනතාව වෙතට මුදාහල යුත්තේ හරවත් සහ ගුණවත් දේ පමණක් විය යුතු බව ද කියා සිටියේය.
ටෙලි සම්මාන උළෙලේ සම්මාන ලාභීන් ජනාධිපතිතුමා සමඟ සමූහ ඡායාරූපයකට ද පෙනී සිටි අතර මෙම අවස්ථාවට මැති ඇමතිවරු, කලාකරුවන් ඇතුළු විශාල පිරිසක් එක්ව සිටියහ.
