වයඹ පළාතේ ජනතාවට ගුණාත්මක සෞඛ්‍ය සේවයක් සපයාදීමේ අරමුණ පෙරදැරිව සෞඛ්‍ය ආයතන සහ කාර්ය මණ්ඩල අතර තරගකාරිත්වය තුළින් සේවා සැපයීමේ ගුණාත්මකභාවය වැඩි දියුණු කිරීම වෙනුවෙන් සංවිධානය කෙරෙන වයඹ සුව විශිෂ්ටතා සම්මාන උළෙල ජනාධිපති මෛත්‍රිපාල සිරිසේන මහතාගේ ප්‍රධානත්වයෙන් ඊයේ (29) පස්වරුවේ වයඹ පළාත් සභා ශ්‍රවණාගාරයේ දී පැවැත්විණි.
වයඹ පළාතේ හොඳම රෝහල, සෞඛ්‍ය සේවා ආයතන මෙන්ම විශිෂ්ට සේවයක නියුතු වෛද්‍ය, හෙද, පරිපුරක සේවා ඇතුළු කාර්ය මණ්ඩල මෙහිදි ඇගයීමට ලක් කරමින් ජනාධිපතිතුමා අතින් සම්මාන ප්‍රදානය කිරීම සිදු විය.
අමාත්‍ය එස්.බී. නාවින්න, වයඹ පළාත් ආණ්ඩුකාර අමරා පියසීලි රත්නායක, ප්‍රධාන අමාත්‍ය ධර්මසිරි දසනායක, වයඹ පළාත් සෞඛ්‍ය අමාත්‍ය ලක්ෂ්මන් වෙඩරුව, වයඹ පළාත් අමාත්‍යවරුන් වන ගුණදාස දෙහිගම, සන්ධ්‍යා කුමාර රාජපක්ෂ, සුමල් තිසේරා යන මහත්වරුන් ඇතුළු මහජන නියෝජිතයින් පිරිසක් මෙම අවස්ථාවට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
