ප්‍රථමයෙන් විහාරස්ථානය වෙත ගිය ජනාධිපතිතුමා විහාරාධිපති පුජ්‍ය වල්හපුතැන්නේ නන්දසුමන හිමිපාණන් වහන්සේ බැහැ දැකිමෙන් අනතුරුව ස්වාමින් වහන්සේ වෙත පිරිකර පූජා කර ආගමික වතාවත්වල නිරත වී ධර්ම දේශනාව සඳහා සහභාගි විය.
කැලණිය විශ්වවිද්‍යාලයේ පාලි හා බෞද්ධ අධ්‍යයන පශ්චාත් උපාධි ආයතනයේ අධ්‍යක‍ෂ, මාහාචාර්ය පුජ්‍ය කොටපිටියේ රාහුල හිමි විසින් ප්‍රධාන ධර්ම දේශනාව පැවැත්වූහ.
මෙම පුණ්‍යෝත්සවය සොඳහා අධිකරණ අමාත්‍ය විජේදාස රාජපක‍්ෂ, රත්මලාන ශ්‍රී ලංකා නිදහස් පක්ෂ ආසන සංවිධායක මොහාන් ලාල් ග්‍රේරු, රත්මලාන සම සංවිධායක චන්දන කත්‍රීආරච්චි, ජනාධිපති ලේකම් පී.බී.අබේකෝන්, ආරක්ෂක අමාත්‍යාංශ ලේකම් බි.එම්.යු.ඩි. බස්නායක යන මහත්වරුන් ඇතුළු බැතිමතුන් විශාල පිරිසක් සහභාගි වුහ.
kpm
