අමාත්‍ය මණ්ඩල තීරණ දැනුම් දීමේ මාධ්‍ය හමුව අද (22) පාර්ලිමේන්තුවේ පැවති අතර එහිදී අමාත්‍යවරයා මේ බව සඳහන් කළේය.
අමාත්‍ය සුසිල් ප්‍රේම ජයන්ත, අමාත්‍ය පාඨලී චම්පික රණවක, අමාත්‍ය මහින්ද අමරවීර, අමාත්‍ය සාගල රත්නායක, අමාත්‍ය මලික් සමරවික්‍ර‍ම, අමාත්‍ය ෆයිසර් මුස්තාපා යන මහත්වරුන් මෙම කමිටුවේ අනෙකුත් සමාජිකයන් වෙති.
හම්බන්තොට වරාය සම්බන්ධයෙන් ශ්‍රී ලංකා රජය හා රජයට අයත් චයිනා මර්චන්ට් හෝල්ඩින්ග් සමාගම අතර අනුග්‍ර‍හක ගිවිසුමක් ඇති කරගැනීමට යෝජනා වී තිබේ.
ඒ යටතේ දැනට වැඩ කටයුතු නිම වී ඇති හම්බන්තොට වරායේ අදියර Iඅදියර II ද යෝජිත අදියර III ඇතුළත් වන පරිදි වරායේ ඉදිරි සැලසුම් සකස් කිරීම, මූල්‍ය සම්පාදනය, මෙහෙයුම් ප්‍ර‍වර්ධනය කිරීම හා යටිතල පහසුකම් සංවර්ධනය කිරීම මෙඟින් අරමුණු කෙරේ.
නීතිපතිවරයා විසින් මෙම ගිවිසුමට නිෂ්කාශනය ලබාදී ඇති බව ද අමාත්‍යවරයා පෙන්වා දුන්නේය. මෙම ව්‍යාපෘතිය මඟින් රටේ සංවර්ධනයට දැවැන්ත කාර්යභාරයක් ඉටුවන බවත් ණයබරින් ජනතාව මුදවා ගැනීමටත් මේ වැඩපිළිවෙළ ක්‍රියාත්මක කරන බවත් අමාත්‍යවරයා වැඩිදුරටත් පැවසීය.
