ඒ විදෙස් තරග සංචාර සඳහා පාසල් ක්‍රීඩකයින් රැගෙන යාමේ දී සිදුවී ඇතැයි පැවසෙන අක්‍රමිකතාවයන් පිළිබඳ පැමිණිලි සහ තොරතුරු වාර්තාවීමත් සමඟයි.
පාසල් ක්‍රීඩා සංගම් ද සම්බන්ධ කර ගනිමින් පාසල් දරුවන් විදෙස් තරග සංචාර සඳහා රැගෙන යාමේදී විශාල මුදලක් අය කිරීම, ඇතැම් නිලධාරීන් පාසල් ක්‍රීඩකයින්ගේ මුදල් යොදා ගනිමින් තම හිතවතුන් හා පවුල්වල සාමාජිකයන් නොමිලේ මේ තරග සංචාර සඳහා සහභාගි කරවීම, ක්‍රීඩකයින්ගේ විදෙස් ගමන් බලපත්‍ර යොදා ගනිමින් ගුවන් තොටුපලේ තීරබදු රහිත සාප්පු සංකීර්ණයෙන් මිල අධික මත්පැන් මිලදී ගැනීමේ සිදුවීම් ආදී වාර්තා වී ඇති කරණු මත පදනම් ව මෙම විමර්ශනය සිදු කිරීමට අමාත්‍යවරයා නියෝග කර තිබේ.
මීට අමතරව ජාතික පාසල්වල ක්‍රීඩා දක්ෂතා දක්වන සිසුන් ජාත්‍යන්තර පාසල්වලට ඇතුළත් කර ගැනීමේ දී සිදුවී ඇති බවට සැලකෙන අක්‍රමිකතාවන් පිළිබඳව ද කරුණු සොයා බලා වාර්තා කරන ලෙස ද අමාත්‍යවරයා වැඩිදුරටත් නියෝග කර තිබේ.
