යුක්තිය පසිඳලීමේදී වසර සියයකටත් වඩා වැඩි කාලයක් තිබුණු විෂමතාවක් දුරු කිරීම සඳහා අපරාධ නඩු විධාන සංග්‍රහයට සංශෝධන ගෙන එන බව අධිකරණ, බන්ධනාගාර ප්‍රතිසංස්කරණ හා ව්‍යවස්ථා සම්පාදක කටයුතු ඇමැති ආචාර්ය විජයදාස රාජපක්ෂ මහතා පැවසීය. අපරාධ නඩු විධාන සංග්‍රහය සම්බන්ධයෙන් වූ සංශෝධන සම්බන්ධයෙන් අදහස් දක්වමින් අධිකරණ අමාත්‍යවරයා ඊයේ(24) පාර්ලිමේන්තුවේදී මේ බව පැවසීය.
රිමාන්ඩ් දඩුවම ප්‍රධාන දඩුවමේ කොටසක් බවත් එබැවින් යම් වරදක් වෙනුවෙන් රිමාන්ඩ් ගතවන සිරකරුවකු රිමාන්ඩ්ව සිටින කාලය හා අවසාන දඬුවම ලබාදෙන කාලය එකට ගණනය කිරීම මෙමගින් සිදු වේ.
වැඩිදුරටත් අදහස් දැක් වූ අමාත්‍යවරයා පැවසුවේ,යම් අපරාධයකට සම්බන්ධ පාතාල කල්ලි, සංවිධානාත්මක අපරාධකරුවන් වැනි පිරිස් මෙන්ම සමාජයට අහිතකර තත්ත්වයන් ඇතිවිය හැකි වැරදිකරුවන් වැනි පිරිස් සම්බන්ධයෙන් ලබාදී ඇති ව්‍යතිරේක හා අභිමතය පරිදි කටයුතු කිරීමේ බලය ලබාදී තිබෙනවා.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
