ඇමරිකාවේ චිකාගෝහි පිහිටි ඉලිනොයිස් (University of Illinois) සරසවියේ නිරීක්ෂණ චාරිකාවකට අධ්‍යාපන අමාත්‍ය ආචාර්ය සුසිල් ප්‍රේමජයන්ත මැතිතුමා එක්විය. එහිදී එම සරසවියේ සෞඛ්‍ය සහ විද්‍යා අංශය සතු ලොව දෙවැනියට විශාල වෛද්‍ය පාසලෙහි වෛද්‍ය සහ රොබෝ ශල්‍යකර්ම (Robotic Surgery) විද්‍යාගාරද නිරීක්ෂණය කරන ලදී. තවද එහි පිහිටා ඇති පැරණිතම පාසල් ඔසුහල, නවීන පරීක්ෂණ විද්‍යාගාර පිළිබඳව ද සිය අවධානය යොමු කළ අමාත්‍යවරයා එම සරසවිය භාවිතා කරන නවීන තාක්ෂණික ක්‍රමවේදයන් ශ්‍රී ලංකාවේ සරසවි සිසුන් සඳහා ලබා දෙන ලෙස ඉල්ලීමක් සිදු කළේය.
අධ්‍යාපන අමාත්‍ය සුසිල් ප්‍රේමජයන්ත මැතිතුමා එම සරසවියේ නිලධාරීන් හමුවේ වැඩිදුරටත් පැවසුවේ පේරාදෙණිය සරසවිය සහ ඉලිනොයිස් (University of Illinois) සරසවිය අතර අධ්‍යාපන සහ පර්යේෂණ ක්ෂේත්‍රයන්හි සහයෝගීතා හුවමාරු වැඩපිළිවෙළක් ස්ථාපිත කිරීමට අවබෝධතා ගිවිසුමකට අත්සන් තැබූ බවත් එමගින් ලාංකීය සිසුන්ට නව ඉගෙනුම් ක්‍රමවේදයන් අධ්‍යයනය කිරීමට අවස්ථාව සැලසෙන බවයි.
මෙම නිරීක්ෂණ චාරිකාවට සම්මානිත මහාචාර්ය සිවා සිවනාදන් මහතාද එක්විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
