මෙම වසරේ සැප්තැම්බර් 9 සිට 15 දක්වා මාතර පැවැත්වෙන ජාතික ගොවි සතිය ප‍්‍රදර්ශනයට සමගාමීව මෙම වැඩපිළිවෙළ ක‍්‍රියාත්මක කෙරේ. විශේෂයෙන්ම මාතර දිස්ත‍්‍රික්කයේ පවතින භූ විෂමතා ලක්ෂණ අනුව ස්ථිර බෝග වගා කිරීම සුදුසු නොවන බැවින් මෙම ඉඩම් ඉලක්ක කර ගනිමින් වාණිජ කොරටු වගා සංවර්ධන වැඩසටහන් කි‍්‍රයාත්මක කිරීමට යෝජිතය.
මෙම ව්‍යාපෘතියේ ප‍්‍රතිලාභීන්ට ශ්රී ලංකා හදබිම අධිකාරිය මගින් නවීන කෘෂිකාර්මික තාක්ෂණය හා බීජ හා රෝපණ ද්‍රව්‍ය නොමිලේ ලබා දෙනු ලැබේ.
මෙම කොරටු වගාවලින් ලැබෙන කෘෂි නිෂ්පාදන මාතර වැලිගම ප‍්‍රදේශයේ ඉදිකරනු ලබන කෘෂි නිෂ්පාදන අලෙවි ඒකක වෙත යොමු කිරීමේ අලෙවි ජාල වැඩසටහනක් ක‍්‍රියාත්මක කිරීමට යෝජිත බවත්, මෙම සමස්ත ව්‍යාපෘතිය සඳහා කෘෂිකර්ම අමාත්‍යාංශය මගින් රුපියල් ලක්ෂ 40ක මුදලක් ශ්රී ලංකා හදබිම අධිකාරිය වෙත ලබා දී ඇති බවත් එහි සභාපති නන්දසේන හේරත් මහතා පවසයි.
ECB
