ජනාධිපති මෛතී‍්‍රපාල සිරිසේන මැතිතුමා 1974 වසරේ සමූපකාර සැපයුම් නිලධාරියෙකු ලෙස තම වෘත්තීය ජීවිතය ආරම්භ කළේ පලුගස්දමන විවිධ සේවා සමූපකාර සමිතියෙනි.
තම ජිවිතය හා බැදුණු සුවිශේෂී ස්ථානයක් වන මෙම ස්ථානයේ නව ගොඩනැගිල්ල විවෘත කිරීමට ජනාධිපතිතුමා ඉතා සතුටින් යුතුව එක් වූ අතර එහි පැරණි සාමාජිකයින් සමඟ මෙන්ම හිතවතුන් සමඟ ද සුහද කතා බහක නිරත විය.
මේ අතර පලුගස්දමන විවිධ සේවා සමූපකාර සමිතියේ ග‍්‍රාමීය බැංකුව, ග‍්‍රාමීය බැංකු පරිගණක පද්ධතිය හා ජාලගත කිරීම ද ජනාධිපතිතුමා අතින් සනිටුහන් කෙරිණි.
උතුරු මැද පළාත් ප‍්‍රධාන අමාත්‍ය පේෂල ජයරත්න මහතා ඇතුළු පිරිසක් මෙම අවස්ථාවන්ට එක්ව සිටියහ.
