ජනාධිපතිතුමා මෙවර අයවැය ඉදිරිපත් කිරීමේ අවස්ථාවේ දී සඳහන් කළ පරිදි දින 180ක් සේවය කළ ස්ථීර නොවූ සියලුම සේවකයන් ස්ථීර කිරීමේ වැඩපිළිවෙල යටතේ වසර ගණනාවක් සේවය කළ ද සේවය ස්ථීර නොවූ පොල් සංවර්ධන අධිකාරියේ ක්ෂේත්‍ර නිලධාරී හා කළමණාකරන සහකාර තනතුරු සඳහා ස්ථීර පත්වීම් ලබාදීම පොල් සංවර්ධන හා ජනතා වතු සංවර්ධන අමාත්‍යංශ ශ්‍රවණාගාරයේදී සිදු කෙරිණි.
පොල් සංවර්ධන හා ජනතා වතු සංවර්ධන අමාත්‍ය ජගත් පුෂ්පකුමාර මහතාගේ ප්‍රධානත්වයෙන් මෙම පත්වීම් ප්‍රදානය සිදු කෙරිණි.
මෙම අවස්ථාව ඇමතූ අමාත්‍යවරයා මෙම ස්ථීර පත්වීම් ලබාදීම සම්බන්ධව අතිගරු ජනාධිපතිතුමාට සිය කෘතඥතාවය පළකර සිටි අතර සේවයේ ගෞරවය ආරක්‍ෂා කරමින් පොල් ක්ෂේත්‍රයේ දියුණුවට කටයුතු කරන ලෙසට නව පත්වීම්ලාභීන්ගෙන් ඉල්ලා සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
