1948 පෙබරවාරි 04 වැනි දිනයෙන් පසුව ශ්‍රී ලංකාව දේශපාලනය තුළ රට කරවූ නායකයින් ජාතියට දායාද කළ මහාර්ඝ දායාදයන් සහ ඒ ආශ්‍රිත සුවිශේෂී සිදුවීම් ඒකරාශී වූ දුර්ලභ ඡායාරූප රාශියකින් සැදුම්ලත් “රටක දැක්ම“ සේයා පෙළහරේ 03 වන අදියර කෑගල්ල නගර ශාලාවේ දී අද (16) ආරම්භ කෙරිණි.
සබරගමුව ප්‍රධාන අමාත්‍ය මහීපාල හේරත් මහතා අතින් ප්‍රදර්ශනය විවෘත කෙරුණු අතර ප්‍රදර්ශනය අද (16) සහ හෙට (17) යන දෙදින තුළ පැවැත්වේ. එය උදෑසන 10.00 සිට ප.ව. 7.00 දක්වා ජනතාවට විවෘතය.
පුරා වසර 30කට අධික කාලයක් විධායක ජනාධිපතිවරුන් සිවු දෙනෙකුගේ නිල ඡායාරූප ශිල්පියා ලෙස සුවිශාල සේවාවක නිරත අත්දැකීම් බහුල ඡායාරූප ශිල්පියෙකු වූ ජනාධිපති ඡායාරූප අධ්‍යක්ෂක ජේ. සුදත් සිල්වා මහතා මෙහි නිර්මාණ අධ්‍යක්ෂකවරයා වෙයි.
ප්‍රදර්ශනයේ 04 වන අදියර මෙම 20, 21 සහ 22 යන දිනයන්හි නුවර සිටි සෙන්ටර් හිදී පැවැත්වේ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
